2 Peetero 3:16 - Imuuma Eehya

¹⁶ Mo-matashandighi aghaaye ghonswe igho, na-mangʼana ghayö akushumaashera. Ghaamo amangʼana aghandë mo-matashandighi aghaaye, n-këköngʼu okoghamanya. Abhantö bhano bhataana obhongʼaini na bhanyamukumo mötëntëëru, nkoghasisasisa bharë kya bhono bhakusisasisa Amaandeko aghandë Amahörëëru. Nkwisikya bharë abheene ko okokora amangʼana ghayö.

2 Peetero 3:16 ပူးပေါင်းရင်းမြစ်များ

Mataayo 15:3

Yëësu akabhahonshora igha, “N-kwakë na bhëënyu bhonswe motakoghoota imighiro ighya Waryobha ko okoghera iya amaraghërryö agha abhakörö bhëënyu bhayö?

Mataayo 15:6

Ho bhoono bhëënyu mokoghamba igha, ömöntö takusingʼirribhwa ukwighwera suwaabho handë nyakuwaabho. Kuyö nkwo okogharanshora engʼana iya Waryobha ebhorwa ubhwera ubhwako, ko okoghoota amaraghërryö agha abhakörö abhëënyu.

Mataayo 22:29

Yëësu akabhahonshora igha, “Nkusira mörë ko bhoora motamanyirë keno Amaandeko Amahörëëru ghakoghamba, na kya igho obhotoro ubhwa Waryobha bhörë.

Abhafiripi 3:19

Abhantö bhayö mbarekamba bhasikibhwi, ko bhoora bhaakora igha, oronamba urwabho ndwo waryobha uwaabho. Amangʼana agha sënsöni ghano bhakokora igha ngo bhakwiheemera. Amangʼana ghano bhakwitegherra na-agha ko-kebhara kono.

Abhaëbhuraania 5:11

Toona amangʼana amaaru agha okobhatëëbhya ko engʼana iya Omonene uwa abhasëngëri uyö, kasi eratokongʼera okobhatëëbhya ko bhoora m-barito mörë abha okomanya amangʼana.

Yaakobho 1:8

Ömöntö kya nyametwe imyaru uyö, nkohagha arë ko-mangʼana aghaaye ghonswe igho.

1 Peetero 1:1

Ritashandighi reno, nö-öni Peetero omotomwa uwa Yëësu Kiristo ndyandëkirë. M-bëënyu abhaahorwa abha Waryobha nandëkëëyë, bhano mwanyaraghana ukughya okomenya ku-bhyaro ibhya abhandë, mo-mekowa ighya Ponto, Gharatia, Kapadokia, Asia Enke na Bhitinia.

1 Peetero 2:8

Ghwiki, nkoghamba gharë igha, “Reghena riyö, ndyo irya ukwituuratuura-ko, ni-ritare irya ukughwësya abhantö.” Abhantö bharaituuratuura-ko, ko bhoora bhatakukumya engʼana iya Waryobha. Kiyö nkyo bhaasëëmëribhwa ukurwa kare.

2 Peetero 2:1

Kasi ko-nkaagha eera iya abharööti abha Isiraëri, bhaibhökirë abharööti abha obhorongo. Ni-ighoigho erebha kö-bhëënyu igha, abhëëghya nyangasheka mbaryebhoka. Abhantö bhayö, mbarësöhya amëëghyö agha ukusirya abhantö, na mbaryanga Omonene ono yaabhatungurya. Ko okokora igho, mbareghera ukusika ukwabho kobhangohere.

2 Peetero 2:14

Amaiso aghaabho, n-ga kesooraare. Oronamba urwabho oroghogho urwa okokora ëbhëbhë, teroona umuhiko hë. Nköngʼënërrya bharë bhanyamukumo mötëntëëru. Senkoro isyabho, bhaasenarya ukwighomba ëbhëntö. Abhantö bhayö bhaihiimwa!

2 Peetero 3:14

Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.

2 Peetero 3:2

Nkutuna ndë muhiite amangʼana ghaara abharööti abhahörëëru bhaaghambirë kare hayö, na amangʼana agha umughiro ughwa Omonene Ömötöörya uwëëtö, ghano abhatomwa abhaaye bhaabharëtëëyë.

Yuuda 1:4

Nkobhandekera ndë ritashandighi reno, ko bhoora igha, bhaaho abhantö nyabhorebhe, bhano bhatakwighwera Waryobha. Abhantö bhayö bhaibhumbura bhughunyi igho mö-bhëënyu. Nkusisa bharë engʼana iya örööbhö urwa Waryobha uwëëtö, okore bhakore amangʼana agha sënsöni, na ukwanga Yëësu Kiristo, umwene igho, we omotangati uwëëtö, Omonene uwëëtu. Kasi ukurwa kare, yaandëkirwë igha, abhantö bhayö mbarebhotorrwa ikiina.