2 Peetero 3:15 - Imuuma Eehya

¹⁵ Momanye igha Omonene nkobhaghömërrya arë, okore munyoore umweya ughwa ököhönibhwa. Ni-igho Pauro umukumya murikyëtö omoghonshe, yaabhandëkëëyë ko obhongʼaini bhono Waryobha yaamohaayë.

2 Peetero 3:15 ပူးပေါင်းရင်းမြစ်များ

Abharuumi 2:4

Waryobha n-wa heene bhököngʼu, nkukwabhera arë na ökököghömërrya bhököngʼu. Kasi uwe, nkwörökya örë igha, nkosera örë. Nyoore otakosera, n-kwakë otakomaaha öbhöntö ubhwa heene ubhwaye bhono akokora, ku bhuyö ohongore ëbhëbhë ibhyaho?

2 Peetero 3:9

Abhantö abhandë nkokanya bharë igha, Omonene Waryobha nkotegheta arë okohekerania ghano yaaraghaini. Kasi obhoheene takotegheta hë. We nköghömërrya arë ko okoghera iya bhëënyu, ko bhoora takutuna igha, ömöntö kora ömwë, asire hë. Keno akutuna ni-igha, bhonswe igho bhahongore ëbhëbhë ibhyabho.

1 Timoteo 1:16

Kasi Yëësu Kiristo yaanyabhëëyë! Yaanyöörökëri ököghömërrya ukwaye kya bhono körë ku-öni uwa ëbhëbhë okokera bhonswe igho. Yaakörrë igho, okore mbe ëkërëngyö ko-bhantö bhano bharaamukumi na ukunyoora öbhöhöru ubhwa amakora ghonswe igho.

1 Peetero 3:20

Senkoro siyö ni-isya abhantö bhano bhataighwërëëyë Waryobha, enkaagha eno Nuhu yaahaghaashanga esafina. Waryobha yaaghömërrëëyi obhoghogho ubhwabho okohekera hano esafina yaahaghaashirwë, kasi bhano bhahönirë ku-muhiko ughwa ëhöörö iyö, m-bake igho bhaarë, abhantö monaane abheene igho.

Yaakobho 3:17

Kasi, obhongʼaini bhono bhukurwa ku-Waryobha, m-buuya, mboona omorembe, na obhohaabhu, nkwitegherra bhörë bhuuya amangʼana agha abhantö. Obhongʼaini bhuyö, nkokora bhörë amangʼana amaiya, kora mboona ikyabhera, tebhoona ekeroterro, handë ubhwahöri ubhwa abhantö, handë ubhwihunaania.

Ruuka 21:15

Öni nendebhahaana obhongʼaini na amangʼana agha okoghamba, kora abhabhisa abhëënyu tebharetora ukwanga, handë okobhanyeera senkaani.

Yaakobho 1:5

Kasi hano oraanyoore ömöntö mö-bhëënyu muyö, asuuhirwë na obhongʼaini, asaasaame Waryobha, naraamohaane. Ko bhoora Waryobha m-mohaani ko-bhantö bhonswe igho, kora takohamera ömöntö hë.

Amangʼana agha Abhatomwa 15:25

Mbe, amangʼana ghayö ngo ghaghërrë tokamaaha igha, tushaaghore abhantö bhano toraatome iyö, bhareetane hamwë na abhaghonshe abhëëtö, Bharinaabha bhaana Pauro. Ntökörrë igho, hano tomarrë kwighwerrana.

1 Abhakörintö 2:13

Tetokoghamba amangʼana ghayö kya amangʼana ghano ghakwëghibhwa kwa obhongʼaini ubhwa abhantö, kasi nkwëghibhwa gharë na Umwika uwa Waryobha. Torarahora amangʼana agha Umwika uwa Waryobha, ko bhano bhaana Umwika uwa Waryobha.

Abhaëfësö 3:3

Waryobha yaanhönyörrëëyë ësëëmyö iyaaye, kya bhuyö mbandëkëëyë hake igho.

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

1 Abhakörintö 3:10

Waryobha kö örööbhö urwaye rono yaangʼaana, yaantöörrya okohaghaasha umusingi kya omohaghaashi umuuya omongʼaini, ono amanyirë amangʼana, nkatoora-ho umusingi ghono ömöntö uwöndë akohaghaasha-ko. Mbe, kera ömöntö angarre bhuuya bhono akohaghaasha ku-musingi kuyö.

Amangʼana agha Abhatomwa 7:10

Akamötöörya inyaanyi iyaaye yonswe igho eno yaarë nayo. Akamohaana obhongʼaini na okosakëribhwa na Farao omokama uwa Miisiri. Farao, akakora Yusufu abhe ömötöngi ku-kyaro kya Miisiri, na akabha umwimërërri uwa amangʼana ghonswe igho mu-ghunyumba ughwaye ughwa ekekama.

Amangʼana agha Abhatomwa 9:17

Anania akaghya igho, akasoha mu-nyumba iyö. Akatoorra Sauri amabhoko, akamötëëbhya igha, “Umukumya murikyane Sauri, Omonene Yëësu ono yaaköbhööshökëëyë ko-nshera, enkaagha eno waashanga hano, antömirë ku-uwe. Antömirë, okore omaahe ghwiki, kora wishöribhwi Umwika Ömöhörëëru.”

2 Peetero 3:2

Nkutuna ndë muhiite amangʼana ghaara abharööti abhahörëëru bhaaghambirë kare hayö, na amangʼana agha umughiro ughwa Omonene Ömötöörya uwëëtö, ghano abhatomwa abhaaye bhaabharëtëëyë.