2 Peetero 3:14 - Imuuma Eehya

¹⁴ Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.

2 Peetero 3:14 ပူးပေါင်းရင်းမြစ်များ

Mataayo 24:26

Mbe, hano bhoono abhantö bharaabhatëëbhi igha, ‘Maaha, Kiristo n-goora ku-riköngö eera,’ motakaaghya-yo. Handë igha, ‘N-goono hano mu-kinyumba mono aibhisirë,’ motakaikërrya.

Mataayo 25:7

Mbe, abhahara bhaara bhonswe igho bhakabhooka, bhakasëëmya setara isyabho.

Ruuka 12:43

Nyakara omoghorwa ono omonene uwaaye hano araashe, amunyoore arakora kya bhoora yaamoraghërrëëyi.

Ruuka 2:29

“Bhoono Omonene ömötöngi uwa bhyonswe igho, untighe öni omoghorwa uwaaho, nkwe ko-morembe kya bhono waantëëbhëri.

1 Abhakörintö 1:8

Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

Abhafiripi 2:15

okore mobhe abhaana abharöngë abha Waryobha, bhano bhataana risoro. Ghwiki bhano motakoghambwa bhoghogho mo-bhantö abha reero eno, bhano bhaishora amaghogho na obhorangara. Bhëënyu momaahekane mo-bhantö bhayö, kya emerengaari gheno ghëkömërëkya ekebhara.

Abhafiripi 3:20

Kasi bhëëtö, m-bantö abha mu-ryobha törë, kora nkwitengʼera törë bhököngʼu ukuusha ukwa Ömötöörya, Omonene uwëëtö Yëësu Kiristo.

1 Abhatësarönikë 3:13

Ghwiki ni-igha atogheke senkoro isyënyu, okore mobhe abhantö abhahörëëru na motakaabha na risoro ku-Waryobha Taata uwëëtö, enkaagha eno Omonene uwëëtö Yëësu ariisha hamwë na abhahörëëru abhaaye bhonswe igho.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

1 Timoteo 6:14

ni-igha onaghi amaraghërryö ghayö, oghaikërri, otakaateeya okohekera hano Omonene uwëëtö Yëësu Kiristo ariisha.

Abhaëbhuraania 9:28

Amangʼana ni-ighoigho gharë igha, Yëësu Kiristo wonswe, yaakörrwë ikimwenso kamwë igho, okore agheghe ëbhëbhë ibhya abhantö abhaaru. Kasi hano ariisha urwa kabhërë, të-bhëbhë ariisha komara-ho hë, kasi nö-bhöhönia arereeta ko bhano bhaana omotono ughwa okomoghanya.

Yaakobho 1:27

Amangʼana amaiya agha idiini ghano ghakushomera Taata uwëëtö Waryobha, ghano akomaaha igha teghaana isoro hë, nö-kötöörrya sentakaana na abhasinö mu-sinyanko isyabho, na ukwibhasha ëbhëbhë ibhya ko-kebhara kono.

1 Peetero 1:7

Amashaasho ghayö, nkokora gharë umukumo ughwënyu ghomaahekane igha, n-gwa heene, kya bhono esahaabhu yonswe ikushaashwa mo-morro. Umukumo ughwënyu ngoona ubhwera obhonene okokera esahaabhu eno ekosareka. Ku bhuyö, Yëësu Kiristo hano ariisha, na ukwiyörökya harabhu igho, narebhakora mukumibhwi, mobhe na ubhuhika, kora mosookwe.

2 Peetero 3:1

Abhaghonshe abhaane, ritashandighi reno nkobhandekera, ni-irya kabhërë. Naakora omotono ughwa okosesemora amaitegherro aghëënyu amaiya, mo-sehakëri isyënyu ko okobhahiitökya mo-matashandighi ghonswe igho abhërë ghayö.

2 Peetero 3:16

Mo-matashandighi aghaaye ghonswe igho, na-mangʼana ghayö akushumaashera. Ghaamo amangʼana aghandë mo-matashandighi aghaaye, n-këköngʼu okoghamanya. Abhantö bhano bhataana obhongʼaini na bhanyamukumo mötëntëëru, nkoghasisasisa bharë kya bhono bhakusisasisa Amaandeko aghandë Amahörëëru. Nkwisikya bharë abheene ko okokora amangʼana ghayö.

1 Yohana 3:3

Ömöntö wowonswe igho ono akwitengʼera igha atuubhane na Yëësu Kiristo, aisaabhuure, abhe ömöhörëëru kya Yëësu Kiristo.