2 Peetero 3:10 - Imuuma Eehya

¹⁰ Urusikö urwa Omonene nduriisha igho kya umwibhi. Urusikö ruyö, ighörö iyö, harihëënia ukurwa-ho ku ikirumo ekenene. Ëbhëntö bheno bheemo, mberesambwa na omorro. Ekebhara kyonswe igho nkirisika hamwë na ëbhëntö bhyonswe igho bheno bheemo.

2 Peetero 3:10 ပူးပေါင်းရင်းမြစ်များ

Mataayo 24:35

Ekebhara na ighörö iyö, mbereheta, kasi amangʼana aghaane, ngarëghëndërrya okobha-ho igho kughya iyö.”

Maariko 13:31

Ekebhara na ighörö iyö mbereheta, kasi amangʼana aghaane, ngarëghëndërrya okobha-ho igho kughya iyö.

Ruuka 12:39

Kasi momanye engʼana eno igha, singa mwene inyumba akaamanyirë enkaagha eno umwibhi akaaishirë, nakaaisëëmëri. Takaaraayë, atighe umwibhi atemore inyumba iyaaye.

Abharuumi 8:20

Ëbhëntö bhyonswe igho bheno Waryobha yaabhomba ko-kebhara kono, bhyabha na amaragha. Ti-bhyene bhyaahanshirë ebhe igho hë, kasi n-kya bhono Waryobha umwene yaahanshirë. Hamwë na ghayö, nkoghanyerra bhërë enkaagha iyö.

1 Abhakörintö 1:8

Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

1 Abhakörintö 5:5

Ni-igha mohaane Oghosambwa ömöntö uyö, okore esemoko iyaaye iya öbhököri ubhwa ëbhëbhë, isikibhwi, kasi enkoro iyaaye ëtööribhwi urusikö urwa ukukyora ukwa Omonene Yëësu Kiristo.

2 Abhakörintö 1:14

nokaanyoora igha, bhoono igho, amangʼana te-ghonswe igho momanyirë hë. Kasi nkwitengʼera ndë igha moremanya bhuuya igha, bhëëtö mbo esemoko iya ukwikumya ukwënyu, kya bhono bhëënyu bhonswe mörëngë esemoko, iya ukwikumya ukwëtö, urusikö roora Omonene Yëësu Kiristo arikyora.

1 Abhatësarönikë 5:2

Ko bhoora bhëënyu abheene mmomanyirë igha, urusikö urwa ukuusha ukwa Omonene Yëësu, ndorebhasha abhantö kya hano umwibhi yaasha ubhutikö.

1 Abhatësarönikë 5:4

Kasi bhëënyu, abhakumya bharikyëtö, urusikö ruyö terorebhabhasha kya umwibhi hë, ko bhoora bhëënyu ko amangʼana ghayö, tëmörëngë mu-kisuntë hë.

2 Peetero 3:11

Mbe, ko bhoora ëbhëntö bhyonswe igho ni-igho bhirisika, bhoono bhëënyu, n-teemo kë mokaabha nayo ko-kebhara kono? Ni-igha mobhe abhahörëëru, mosooke Waryobha.

2 Peetero 3:12

Moghanyenga urusikö urwa Waryobha, kora morokore rwangohe ukuusha. Urusikö ruyö, ighörö iyö haresambwa na omorro hasike. Ëbhëntö bheno bheemo, mbiriyaaya ko okoghera iya rebherera rirörö bhököngʼu.

2 Peetero 3:7

Ghwiki ko okohetera engʼana iyöiyö, Waryobha yatigha-ho mu-ryobha na ekebhara, okore bhiishe okosambwa mo-morro. Yabhitigha-ho okore bheghanye urusikö rono arebhotorra ibhiina abhantö bhano bhatakumwighwera, hayö bhoono, ho bharisika.

Yuuda 1:6

Muhiitoke igha, kora abhamaraika bhano bhataanaghëri ibhyeo ibhyabho, bhakatigha ahasë ahaabho aha okomenya, Waryobha yabhabhoha na ebheraangʼani mu-kisuntë. Nkoghanya bharë urusikö oronene roora, urwa okobhotorrwa ikiina.

Okohonyora 16:15

Omonene Yëësu araghamba igha, “Momaahe! Nindiisha kya bhoora umwibhi akuusha igho atarëkëëyë amangʼana. Yaamara okongʼoorwa ömöntö ono akwiraarerra eno aibhöhirë singibho isyaye bhuuya, okore atakaasha okoghenda kengʼaabhi na ökösöökërribhwa mo-bhantö.”

Okohonyora 20:11

Mbe, nkamaaha Waryobha aikaayë ku-kitumbë ekenene ekerabhu ikya ekekama. Mu-ryobha na ekebhara, bhekamwihëënërya-ho, kora tibhyamaahekana ghwiki hë.

Okohonyora 21:1

Hano ghayö ghaahööyë, nkamaaha mu-ryobha ahahya na ekebhara ekehya, ko bhoora mu-ryobha aha mbere na ekebhara ikya mbere, bhyaarenga bhisikiibhwi, kora inyansha tiyaare-ho ghwiki hë.

Okohonyora 3:3

Muhiite ghano mwëëghiibhwi, moghakumi na moghanaghi. Mbe, mogharöndërri bhuuya, kora mohongore ëbhëbhë ibhyënyu. Hano motaabhe maiso, nindiisha kya umwibhi, kora temoremanya enkaagha eno ndiisha hë.

Okohonyora 6:14

Ighörö iyö, hakaihëënia kya ekarataasi, kya hano ömöntö yaaringa risenke. Singuku na amaghinga bhyonswe igho bhekaruusibhwa-ho.