2 Peetero 2:4 - Imuuma Eehya

⁴ Abhamaraika bhano bhaakörrë ëbhëbhë, Waryobha tiyaabhatighirë hë. Kasi yaabhatabhutirë mu-kyaro ikya abhaku, bhakabhohwa-mo na ebheraangʼani mu-kisuntë. Mu-kyaro ikya abhaku muyö, mo bhakoghanyera urusikö urwa okobhotorrwa ikiina.

2 Peetero 2:4 ပူးပေါင်းရင်းမြစ်များ

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

Mataayo 8:29

Mbe, amasambwa ghayö ghakakongera Yëësu igha, “Ë Omoona uwa Waryobha, iyakë ukutuna okotokora? Kasi wishirë ukutusikya, kora enkaagha eno Waryobha yaatoora-ho iya ukutusikya etaraahika?”

Maariko 5:7

Hano Yëësu yaamörööshë, akahamera risambwa riyö igha, “Uwe risambwa, karwe kö-möntö ono!” Ömöntö uyö akakora ikituri bhököngʼu araghamba igha, “Uwe Yëësu Omoona uwa Waryobha ono ökërrë bhyonswe igho, ne-ngʼana kë ukuntuna-ko? Ndakosaasaama ku iriina irya Waryobha, otakaanteesa!”

Ruuka 10:18

Yëësu akabhahonshora igha, “Naarë ndööshë Oghosambwa, ghoraharaatoka ukurwa mu-ryobha kya ëkëmësyö ikya enkobha.

Ruuka 8:31

Amasambwa ghayö ghakasaasaama Yëësu, okore atakaaghahamera ukughya mu-bhwina ubhwa mu-kyaro ikya abhaku.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Abharuumi 11:21

Ko bhoora Waryobha yaashibhiri Abhaisiraëri bhano bhanga kya amasagharya agha esemoko iya ömözëituuni, m-maheene igha, kora uwe wonswe aratora ukukushibhya.

Abharuumi 8:32

Waryobha tiyaabhaayë na ikyabhera ko-Moona uwaaye hë, kasi akamokora abhe ikimwenso ko okoghera iya bhëëtö bhonswe igho. Ko bhoora igha, yaakora Omoona uwaaye abhe ikimwenso ikyëtö, ku bhuyö naretongʼoora obhongʼoore ubhwa amangʼana amaiya ghonswe igho, okohetera ku-uyö.

2 Peetero 2:11

Nokaanyoora abhamaraika mbaana singuru na obhotoro obhonene, kasi bho tebhakushongera na okotoka ëbhëntö ibhya ubhuhika bhiyö ko-Monene Waryobha.

2 Peetero 2:5

Ghwiki ni-igha, enkaagha eera iya Nuhu, Waryobha tiyaatighirë ukushibhya abhantö bhano bhatamwighwërëëyë, yaarëëtirë ëhöörö iya amanshë ko-kebhara, abhantö bhakakwa. Akatöörya Nuhu hamwë na abhantö abhandë muhungatë. Nuhu uyö, we yaaraarëkëëyë abhantö abha enkaagha iyaaye igha, bhakore bhono Waryobha akutuna.

2 Peetero 2:9

Ku bhuyö momanye igha, Omonene Waryobha namanyirë enshera iya ökötöörya abhantö abhaaye, bharwe mo-mashaashyo. Kora ghwiki namanyirë bhono arishibhya abhakora amaghogho, urusikö urwa okobhabhotorra ikiina.

1 Yohana 3:8

Kasi ömöntö wowonswe ono aköghëndërrya okokora ëbhëbhë, uyö m-möntö uwa Oghosambwa. Ntomanyirë igho, ko bhoora Oghosambwa n-gököri ughwa ëbhëbhë ukurwa kare. Kiyö nkyo ikibhuno keno kyaaghërrë Omoona uwa Waryobha akaasha ko-kebhara kono, okore asari emeremo ighya Oghosambwa.

Yuuda 1:13

Tebhakwirebherra hë. Bhaabha kya amayengo amanene agha ku-nyansha. Amangʼana aghaabho agha sënsöni ghano bhakokora, gharomaana kya rihuro irya amayengo. N-kya sinyota seno sikwinaaranaara igho, kora teseena ubhwera hë. Waryobha yaabhatoorra-ho emongo iyaabho, ahasë aha ikisuntë ekenene amakora ghonswe igho.

Yuuda 1:6

Muhiitoke igha, kora abhamaraika bhano bhataanaghëri ibhyeo ibhyabho, bhakatigha ahasë ahaabho aha okomenya, Waryobha yabhabhoha na ebheraangʼani mu-kisuntë. Nkoghanya bharë urusikö oronene roora, urwa okobhotorrwa ikiina.

Okohonyora 20:10

Mbe, Oghosambwa ghono ghwaabhangʼainirë, ngoretabhutwa mu-nyansha iyö ikwibhugha omorro na ubhurutu ubhwa ikibhiriiti. Muyö mo ughutyënyi ghoora na ömörööti uwa obhorongo oora, bhaarëkëëywë-mo. Muyö mo bhareteeswanga ubhutikö na omobhasö, amakora ghonswe igho.