2 Peetero 2:14 - Imuuma Eehya

¹⁴ Amaiso aghaabho, n-ga kesooraare. Oronamba urwabho oroghogho urwa okokora ëbhëbhë, teroona umuhiko hë. Nköngʼënërrya bharë bhanyamukumo mötëntëëru. Senkoro isyabho, bhaasenarya ukwighomba ëbhëntö. Abhantö bhayö bhaihiimwa!

2 Peetero 2:14 ပူးပေါင်းရင်းမြစ်များ

Mataayo 12:34

Bhëënyu m-baghogho mörë kya sinshoka, iyakë moraakore moghambe amangʼana amaiya? Ko bhoora ni-igha, keno ömöntö akoghamba, m-monkoro iyaaye kikurwa.

Mataayo 23:14

“Haahö, bhare abhëëghya abha amaraghërryö agha Mosa na Abhafarisaayo, bhëënyu na-bhaikörya mörë. Ko bhoora mokosaasaama Waryobha ku-ribhagha ritambë bhököngʼu okore momaahwe na abhantö, na eno mbe nkuruusya mörë abhasinö ëbhëntö ibhyabho. Ko okoghera iya amangʼana ghayö, murishibhibhwa bhököngʼu na Waryobha.]

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

Mataayo 5:28

Kasi öni ndabhatëëbhya igha, umushaasha atakaighomba okotaara na omokari ono atarëngë mokaaye. Hano araakore igho, noraanyoore mo-maitegherro aghaaye, amarrë okotaara nawe.

Maariko 13:22

Ko bhoora mbariisha abhantö abharongo bhano bharibherekeranga igha, mbo Kiristo. Kora mbariisha abharööti abha obhorongo, bhano bharekora amakono na ebhemanyërryö, okore bhangʼaine abhantö, kora abhaahorwa abha Waryobha.

Yohana 5:44

Bhoono iyakë moraankumi rëndë mbe keno mukutuna n-sinkuma isyënyu abheene ko bheene, kasi sinkuma seno sikurwa ku-Waryobha timukusituna hë?

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

1 Abhakörintö 11:19

Ko bhoora ni-igha ukwahokana kobhe mö-bhëënyu, okore bhamanyekane bhano bhaikërribhwa na Waryobha.

Abhaëfësö 2:3

Bhëëtö bhonswe igho Abhayahudi na bhëënyu Abhakyaro, tetwaighweranga Waryobha hë. Hano waanyöörrë totaraakumya Yëësu Kiristo, ntwaarë kya bhayö bhatakwighwera Waryobha. Twaakoranga amangʼana ghano ëmëbhërë ighyëtö na sehakëri isyëtö bhyaatunanga tokore. Ntwaarë kya bhono abhantö abhandë bharëngë ko-kebhara kono. Ntwaaibhööywë na esemoko iya obhoghogho. Twaarërërrëëywë na Waryobha, kora nakaatushibhiri.

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

Abhakorosaai 2:18

Bhaaho abhantö bhano bhakokangʼasërrya amangʼana agha ubhwihöötu ubhwa okomaahwa na abhantö na agha okosengerra abhamaraika. Motakabhaikërrya, bhatakaasha okobharuusya ituho iyëënyu iya amakora ghonswe igho. Abhantö bhayö nkwiheema bharë ko bhoora bhakoghamba igha, bhaamaaha amangʼana ghayö mo-bherooto. Kasi obhoheene ni-igha, amaitegherro aghaabho amaghogho agha bhunyakyaro, ghabhakangihya.

Yaakobho 1:8

Ömöntö kya nyametwe imyaru uyö, nkohagha arë ko-mangʼana aghaaye ghonswe igho.

2 Peetero 2:18

Nkoghamba bharë amangʼana agha ikiheemere, ghano ghataana ubhwera. Oronamba urwabho oroghogho urwa kinyamöbhërë, ndo rokoghera bharakemba abhantö bhano bhaakumya bhöngö hano, bhano bhaatigha okokora ghano abhasarya bhakokora.

2 Peetero 2:3

Mbarebhaghaneranga amaghano agha obhorongo, ko oronamba urwabho oroghogho, okore bhanyoore keno bhakutuna kö-bhëënyu. Kasi okobhotorrwa ikiina ukwabho, kwamara kösëëmibhwa ukurwa kare. Ukusikibhwa ukwabho, tekoteghete hë.

2 Peetero 3:16

Mo-matashandighi aghaaye ghonswe igho, na-mangʼana ghayö akushumaashera. Ghaamo amangʼana aghandë mo-matashandighi aghaaye, n-këköngʼu okoghamanya. Abhantö bhano bhataana obhongʼaini na bhanyamukumo mötëntëëru, nkoghasisasisa bharë kya bhono bhakusisasisa Amaandeko aghandë Amahörëëru. Nkwisikya bharë abheene ko okokora amangʼana ghayö.

1 Yohana 2:16

Ngambirë igho ko bhoora igha, obhoghogho ubhwa ko-kebhara kono, tibhukurwa ku-Waryobha hë, nko-kebhara kono bhukurwa. Obhoghogho bhuyö, n-kya oronamba urwa ömöbhërë, ukwighomba okobha na kyokyonswe igho keno okomaaha, na ikiheemere ikya ubhwamë.

Yuuda 1:11

Haahö, abheene bhayö! Ko bhoora bhaghöötirë enshera iya Kaini, iya okokora ëbhëbhë. Ko bhoora nu-bhwamë bhakutuna, bhaihaatera këmwë, kora mö-bhöngʼënërrya kya ubhwa Bharaamu bhoora bharë. Bhaasika, ko bhoora bhaatëëyirë kya bhoora Koora yaatëëyirë akasika.

Okohonyora 12:9

Ughushoka oghonene ghuyö, ghokarekerwa ko-kebhara hamwë na abhamaraika abhaagho. Ghuyö, ngwo ughushoka ughwa kare ghoora ghokobherekerwa igha, Nyangasheka handë igha Oghosambwa. Ghuyö, ngo ghwaangʼainirë abhantö bhonswe igho ko-kebhara kono, okore bhakore ëbhëbhë.