2 Peetero 1:9 - Imuuma Eehya

⁹ Kasi ömöntö ono ataana seteemo siyö, uyö n-kya umuhukuru, ko bhoora yeebha igha, Waryobha yaamosaabhuura ëbhëbhë ibhyaye.

2 Peetero 1:9 ပူးပေါင်းရင်းမြစ်များ

Maariko 10:21

Yëësu akamomaaherra, akamohansha, akamötëëbhya igha, “Usuuhirwë engʼana ëmwë. Kaghi öghöri ëbhëntö bhyonswe igho bheno onabhyo, seehera seno oraanyoore-mo, ohaane abhatöbhu, hayö ho oraabhe na emongo mu-ryobha ku-Waryobha. Bhoono hayö omanye kuusha konsoorana.”

Ruuka 18:22

Hano Yëësu yaaighuurë amangʼana ghayö, akamötëëbhya igha, “Eeho engʼana ëmwë, eno ukutunwa okore. Kaghi öghöri ëbhëntö bhyonswe igho bheno onabhyo, seehera syonswe igho seno oraanyoore-mo, utwenani abhatöbhu. Hayö ho oraabhe na emongo iyaaho mu-ryobha. Hano oraamare, uushe onsoorane.”

Abharuumi 6:11

Bhëënyu bhonswe mwibhare igha, mwaakwa hamwë na Kiristo Yëësu, m-bahöru mörë ku-Waryobha, ku bhuyö ëbhëbhë tebheetore okobhabhaaha hë. Bhoono mwibhare igha, m-bahöru mörë, na öbhömënyi ubhwënyu, bhobhe bhono bhökötëghërya Waryobha ko-nshera iya okoghootana na Kiristo Yëësu.

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 9:14

Kasi bhoono amaanyinga agha Yëësu Kiristo, ngaana ubhwera bhököngʼu, okokera agha situgho ghayö. Uyö we yaairuusiri umwene ko obhotoro ubhwa Umwika uwa amakora ghonswe igho, okore abhe ikimwenso keno ketaana risoro ku-Waryobha. Ikimwenso ikya amaanyinga aghaaye, nkyo kikutwöghya amaitegherro aghëëtö gharwe mo-mangʼana ghano ghakoreeta uruku, okore tosaasaamenga Waryobha ömöhöru.

1 Peetero 3:21

Amanshë agha ëhöörö iyö në-kërëngyö ikya obhobhatiisyo bhono bhokobhatöörya bhëënyu reero eno, ti-igha nu-kuruusya ubhunyanku kö-möbhërë hë, kasi no-kobha na enkoro inshiiya ku-Waryobha. Amangʼana ghayö, nkobha gharë okohetera ukuryoka ukwa Yëësu Kiristo.

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.

Okohonyora 3:17

Moraghamba igha, ‘M-baamë törë. Twaniibha bhököngʼu. Ëbhëntö bhyonswe igho ntoonabhyo, tetokobhorwa ëkëntö hë!’ Kasi temomanyirë igha m-batëntëëru mörë, m-bakwabherwa mörë, öbhötöbhu na ubhuhukuru nu-bhwënyu, kora n-kengʼaabhi mörë.