2 Peetero 1:8 - Imuuma Eehya

⁸ Hano seteemo siyö seraaiyëngëri kö-bhëënyu, nsebhatöörrya, okore ko amangʼana agha okomanya Omonene uwëëtö Yëësu Kiristo, motakaabha kya ëmëtë gheno ghetakwama.

2 Peetero 1:8 ပူးပေါင်းရင်းမြစ်များ

Mataayo 13:22

Ëkërëngyö ikya seheke isya imbusiro seera syaaghööyë mo-maanyamahwa, siyö no-oora akwighwa engʼana iya Obhokama ubhwa Waryobha, kasi abha na ehaho iya amangʼana amaaru na ukutuna ukwaye ubhwamë, komongʼaina. Ku bhuyö takukumya bhököngʼu engʼana iya Obhokama ubhwa Waryobha hë.

Mataayo 20:3

“Hano yaahikirë saa taatu, akaghya mo-moteera. Hano yaahikirë-yo, akanyoora abhantö abhandë bhaimërëëyë, tebhaana omoremo hë.

Mataayo 20:6

Hano yaahikirë seesa ikömi na ëmwë, akaghya ghwiki mo-moteera, akamaaha abhantö abhandë bhaimërëëyë mo-moteera hayö. Akabhabhöörya igha, ‘N-kwakë mwimërëëyë hano ukurwa nyinkyo, temoona omoremo ughwa okokora hë?’

Mataayo 25:26

“Omonene uwaaye akamohonshora igha, ‘Uwe no-moghorwa omoghogho örë, kora m-mörösu örë. Nyoore waamanyirë igha öni nkoghesa ndë keno ntëëmëri, nkokomania ndë keno ntabhusurrë,

Yohana 15:2

Kera risagharya reno retakwama sehagho na mbe nku-öni rërë, Taata nkuriruusya arë ku-öni. Kasi kera risagharya reno rikwama sehagho, Taata nkoreharörrya arë, okore ryame bhököngʼu.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 5:42

Kasi öni mmarrë okomanya igha, temohanshirë Waryobha mo-senkoro isyënyu hë.

Abharuumi 12:11

Mobhe na omotono ughwa okokora emeremo ighya Waryobha, Umwika Ömöhörëëru abhatöörri, möghëndërri okokora emeremo ghiyö bhuuya, mokorre Omonene Yëësu Kiristo emeremo.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

2 Abhakörintö 13:5

Mwiyitaahe bhëënyu abheene, mwimmaahe nyoore m-maheene mmoona umukumo. Kasi temomanyirë igha, Yëësu Kiristo mö-bhëënyu muyö arë? Hano oraanyoore igha ti-igho ërë hë, hayö momanye igha, ubhwitaahi ubhwënyu, tëbhöhëkërëëyë ekerengere keno kikutunwa hë.

2 Abhakörintö 8:2

Abhantö bhayö, m-batöbhu bhököngʼu, kora bhaanyoora amashaasho amaköngʼu agha inyanko, kasi ukushomerwa kono bhaarë nako, n-konene kwaarë. Kora ukushomerwa kuyö, nkwo kwaaghërrë bhakabha abhantö abha ökösërëënia bhököngʼu abhantö.

2 Abhakörintö 8:7

Bhëënyu m-baamë mörë abha bhyonswe igho, m-baamë mörë abha umukumo, obhoraarëki ubhwa engʼana, obhomanyi, omotono na righonshe iryënyu kö-bhëëtö, ni-ighoigho tukutuna kora igha mobhe abhaamë abha enkoro iya okokora igho.

2 Abhakörintö 9:14

Engʼana iyö, neraaghere bhaabhasabherenga ku-Waryobha kwa okobhaighomba, ko okoghera iya örööbhö urwaru rono Waryobha yaabhahaana.

Abhafiripi 1:9

Nkobhasabhera ndë ku-Waryobha igha, righonshe iryënyu rëghëndërri ukwaruha bhököngʼu, kora mobhe na obhongʼaini na okomanya amangʼana,

Abhafiripi 2:5

Mobhe na enkoro eeraeera Kiristo Yëësu yaarë nayo.

Abhafiripi 3:8

Kora te-ghayö agheene igho hë, kasi nkomaaha ndë igha, kera ëkëntö tekeena ubhwera hë, hano nakerengʼania na ehoorohooro iya okomanya Kiristo Yëësu, Omonene uwaane. Ko bhoora naahaatera ghonswe igho ghayö, ko okoghera iyaaye. Nkoghamaaha ndë igha, ghayö n-kya amatokoore, okore mbe ömöntö uwa Kiristo.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhakorosaai 2:7

Mohangarre mönsë iyaaye, mwihaghaashe ko-we na umukumo kya bhono mwëëghibhwa. Ghwiki mobhe abhantö bhano mukukumya bhököngʼu Waryobha.

Abhakorosaai 3:16

Engʼana iya Kiristo ebhaikarre ku ubhwaru. Mworokerraninga, morakaanania kwa bhongʼaini bhonswe igho. Mörëëtëringa Waryobha mo-senkoro isyënyu, na ukumukumya ko-sezabhuri, amarëëtyö na sëtënzi isya mo-nkoro.

1 Abhatësarönikë 3:12

Omonene abhëngëri na ököbhëngërërrya righonshe irya okohanshana bhëënyu abheene ko abheene na okohansha abhandë bhonswe igho, kya bhono toona righonshe rinene kö-bhëënyu.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

1 Timoteo 5:13

Abhasinö kya bhayö, nkunyoora örë bhaana eteemo iya ubhworo na ubhwërëëri ubhwa mu-mighi ighya abhantö. Bhayö n-nyangasheka, abhashërëngya abha amangʼana agha abhantö abhandë, nkoghamba bharë amangʼana ghano ghatabhatönëri, na ghano ghataana enshera.

Tiito 3:14

Abhakumya bharikyëtö bhonswe, bheeghe okokora amangʼana amaiya, okore bhatöörri abhahabhë. Hano bharaakorenga igho, mbaraabhe abhantö abha ubhwera tebhahete bhosa igho hë.

Firimoni 1:6

Nkosabha ndë Waryobha igha, umukumo ghuyö okosanga hamwë na bhëëtö, ghökötöörri omanye bhuuya amangʼana amaiya ghonswe igho ghano tukunyoora ukurwa ku-Kiristo.

Abhaëbhuraania 6:12

Motakaabha abhooro, kasi momaahere ko bhano bhakumiri na ököghömërrya, bhakanyoora umwandö ghono Waryobha yaabharaghaini.

2 Peetero 1:2

Örööbhö na omorembe bhebhe hamwë na bhëënyu bhököngʼu, ko okohetera ko okomanya Waryobha bhaana Omonene uwëëtö Yëësu.

2 Peetero 1:3

Waryobha yaatohaana ghonswe igho ghano tukutuna, okohetera ko obhotoro ubhwaye, okore tobhe na öbhöhöru, kora tomosooke. Yaatohaana ghayö ko enshera iya okomomanya. Ghwiki atöbhërëkëëyë ko okoghera iya ubhuhika na öbhöntö ubhwa heene ubhwaye.

2 Peetero 2:20

Hano ömöntö yaibhasha ubhunyanku ubhwa ko-kebhara kono, ko okomanya amangʼana agha Omonene Ömötöörya uwëëtö Yëësu Kiristo, amare ghwiki aghöötiibhwi, akerwe ukurwa mu-bhunyanku, nkobha arë na eteemo engogho bhököngʼu, okokera eera yaarë nayo ekembere.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.