2 Peetero 1:10 - Imuuma Eehya

¹⁰ Mbe, abhakumya bharikyane, mokore omotono bhököngʼu, ukwörökya igha, Waryobha yaabhabherekera na okobhaahora. Hano moraakore igho, timutighe umukumo ughwënyu kora hake hë.

2 Peetero 1:10 ပူးပေါင်းရင်းမြစ်များ

Mataayo 22:14

Mbe, Yëësu akamarërrya ko okoghamba igha, “Abhantö m-baaru këmwë bhano Waryobha akobherekera igha bhasohe mo-Bhokama ubhwaye, kasi abhaahorwa m-bake.”

Abharuumi 11:29

Ko bhoora Waryobha yaabhahööyë na okobhangʼoora, tabhaigharanshore hë.

2 Timoteo 2:19

Kasi abhantö bhano bhanaghirë, bho n-kya umusingi umuuya ghono Waryobha yaakora. Ku-musingi kuyö, amangʼana ghandëkirwë igha, “Omonene Waryobha namanyirë abhantö abhaaye,” ghwiki igha, “Ömöntö wowonswe ono akwibherekera igha nu-uwa Omonene Waryobha, ni-igha atighe obhoghogho.”

Abhaëbhuraania 6:11

Keno tukutuna ni-igha, kera ömöntö mö-bhëënyu, aghëndërri okobha na omotono ko mangʼana ghayö okohekera ku-muhiko, okore muushe ukunyoora ghayö mukwitengʼera.

Abhaëbhuraania 6:19

Ntoona ubhweseghe mo-senkoro, bhono bhonga kya insika, eno ekoghooterra iryato retakaahirwa na rikama. Ubhweseghe bhuyö nkoheta bhörë mwi-pazia bhosoha Ahasë Ahahörëëru aha Ahahörëëru aha mu-ryobha.

Yaakobho 2:10

Hano ömöntö araaghoote amaraghërryö ghonswe igho, kasi rimwë remoterroke, naraabharwe igha, mosarya uwa ghonswe igho.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

1 Peetero 1:5

Bhëënyu Waryobha nkobharenda arë ko obhotoro ubhwaye, okore munyoore öbhöhönia, bhono bhoremaahekana ku-sinsikö isya umuhiko. Keno kekoghera arabharenda, nu-mukumo ughwënyu ghono moonagho ku-Yëësu Kiristo.

2 Peetero 1:3

Waryobha yaatohaana ghonswe igho ghano tukutuna, okohetera ko obhotoro ubhwaye, okore tobhe na öbhöhöru, kora tomosooke. Yaatohaana ghayö ko enshera iya okomomanya. Ghwiki atöbhërëkëëyë ko okoghera iya ubhuhika na öbhöntö ubhwa heene ubhwaye.

2 Peetero 1:5

Ku bhuyö mokore omotono, okore umukumo ughwënyu ghwëngëribhwi-ko öbhöntö ubhwa heene, öbhöntö ubhwa heene bhuyö, bhwëngëribhwi-ko obhongʼaini.

2 Peetero 3:14

Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.

2 Peetero 3:17

Bhoono abhaghonshe abhaane, momarrë okomanya amangʼana agha abhëëghya nyangasheka bhayö, ku bhuyö mwiraarerre, okore motakangʼainwa na obhongʼaini ubhwa abhasarya bhayö, bhobhakore moghwe kora mutighe obhoheene ubhwënyu ubhwa obhoheene.

Yuuda 1:24

Waryobha aana obhotoro ubhwa okobharenda motakaasira, na okobhareeta mbere iya ubhuhika ubhwaye mushömëëywë, motaana isoro.

Okohonyora 22:14

Mbe, nyakara abhantö bhano bhakufura singibho isyabho, okore bhaikërërribhwi bhasohe mu-mughi omohya ghuyö, okohetera mu-bhihiita ibhyagho, na bharaagherenga sehagho isya ömötë ughwa öbhöhöru.