2 Peetero 1:1 - Imuuma Eehya

¹ Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

2 Peetero 1:1 ပူးပေါင်းရင်းမြစ်များ

Mataayo 10:2

Mbe, ghano hano na-mariina agha abhatomwa ikömi na bhabhërë bhayö yaatömirë, Simööni ono yaabherekerwanga igha Peetero, Anderea, mura uwaabho Peetero enda ëmwë, Yaakobho na Yohana bhamura abha Zebhedaayo,

Mataayo 4:18

Hano Yëësu yaaghendanga ko-morambo ughwa inyansha iya Ghariraaya, akamaaha abhantö abhabhërë, ömöntö na mura uwaabho enda ëmwë. Uwöndë yaabherekerwanga igha Simööni, iriina iryaye iryëndë ni-igha Peetero, na mura uwaabho enda ëmwë uyö, yaabherekerwanga igha Anderea. Bhaarekeranga omotegho mu-nyansha, ko bhoora m-batëghi bhaarë.

Ruuka 1:47

kora nkushomerwa ërë na Waryobha, Ömötöörya uwaane.

Ruuka 11:49

“Kiyö nkyo kyaaghërrë Waryobha ko-bhongʼaini ubhwaye, akaghamba igha, ‘Nendaabhaherre abhatomwa na abharööti, kasi abharööti abhandë, mbaraaitwe, na abhandë mbaraateeswe.’

Yohana 1:42

Mbe, Anderea akareeta Simööni ku-Yëësu. Yëësu akamaaherra Simööni, akamötëëbhya igha, “Iriina iryaho nu-uwe Simööni, omoona uwa Yohana. Kasi bhoono noraabherekerwenga igha, Keefa.” Ensonga iya iriina riyö ni-igha Peetero, handë igha, ritare.

Yohana 12:26

Ömöntö wowonswe igho ono akuntighinkanera, ni-igha ansoorane. Ahasë hohonswe igho hano ndaabhe, hayö ho ömököri uwa emeremo uwaane araabhe. Taata naraasooke ömöntö ono akuntighinkanera.”

Yohana 20:21

Yëësu akabhakëërya ghwiki igha, “Mobhe na omorembe bhamurë. Kya bhono Taata Waryobha yaantoma, ni-ighoigho na öni wonswe nkobhatoma ko-kebhara kono.”

Amangʼana agha Abhatomwa 15:14

Simeoni atötëëbhëri bhono Waryobha yaanyankera Abhakyaro bhayö. Akashaaghora-mo abhandë bhabhe abhantö abhaaye.

Abharuumi 1:1

Ritashandighi reno, nku-öni Pauro omoghorwa uwa Yëësu Kiristo riruurë. Naabherekerwa igha mbe omotomwa, nkaahorwa igha, ndaarekenga Amangʼana Amaiya agha Waryobha.

Abharuumi 1:12

Keno nkutuna ni-igha, umukumo ughwënyu ghöntërëmi, na umukumo ughwane ghonswe ghobhatërëmi.

Abharuumi 1:17

Amangʼana Amaiya ghayö, nkwörökya gharë bhuuya kya bhono Waryobha akobhara abhantö igha m-ba heene. Nkobhara arë abhantö igha m-ba heene, ko okohetera umukumo ughwabho ughwene igho. N-kya bhono Amaandeko Amahörëëru ghakoghamba igha, “Ömöntö uwa heene, naremenyanga mu-mukumo ughwaye ghono aanagho.”

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 15:9

Öni tondengʼaani na abhatomwa abhandë bhonswe igho hë. Tiningʼarëëyi okobherekerwa omotomwa hë, ko bhoora naanyankëri abhakumya abha Waryobha.

1 Abhakörintö 9:1

Kanaa, nkokanya mörë igha tëndëngë mötöönööni hë? Tëndëngë omotomwa hë? Tenaamaaha Omonene uwëëtö Yëësu Kiristo hë? Emeremo gheno naakörrë, të-ghyö ghyaaghërrë mokakumya Omonene uwëëtö?

2 Abhakörintö 4:13

Amaandeko Amahörëëru gharaghamba igha, “Naakumiri, nkyo kyaaghërrë nkaraareka.” Na bhëëtö bhonswe nkukumya törë, nkyo kekoghera toraraareka.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 2:8

Mbe, Waryobha ono yaakörrë Peetero abhe omotomwa ko-Bhayahudi, we uyöuyö yaankörrë na öni wonswe nkabha omotomwa ko-Bhakyaro.

Abhaëfësö 3:5

Ësëëmyö iyö, tiyaarenga eraahonyorwa ko-rekora ryoryonswe reera hë, kasi bhoono Waryobha aghëhönyööyë ko-bhantö bhano yaahora igha bhabhe abhatomwa abhaaye, na ko abharööti abhaaye. Abhahönyörrëëyë okohetera Umwika Ömöhörëëru.

Abhaëfësö 4:11

Uyö we yaahaayë abhantö abhandë obhotoro ubhwa okobha abhatomwa, abhandë bhabhe abharööti, abhandë bhabhe abhainjirisiti, na abhandë akabhahaana obhotoro ubhwa okobha abhakaraabhërri, bhakaraabherrenga na ukwëghya.

Abhaëfësö 4:5

Bhonswe igho ntoona Omonene ömwë ooraoora, umukumo ughwëtö n-gömwë, na obhobhatiisyo bhwonswe m-bömwë.

Abhafiripi 1:1

Ritashandighi reno nö-öni Pauro ndyandëkirë tohamwë na murikyane Timoteo. Uyö we nkokora hamwë nawe emeremo ighya Kiristo Yëësu. Torandekera abhaimërërri, abhashemaasi, na abhantö abha Waryobha bhonswe igho bhano mörëngë Firipi hayö, bhano mwabha ëkëntö ëkëmwë na Kiristo Yëësu.

Abhafiripi 1:29

Ko bhoora tukukumya Kiristo ukwene igho mwaahaanwa, kasi kora inyanko yonswe mwatoorrwa-ho ko okoghera iya we.

Abhafiripi 3:9

Ghwiki ni-igha ngootane nawe këmwë. Tinkwitengʼera ghwiki ukunyoora obhoheene ubhwane ko okoghera iya ököröndërrya amaraghërryö, kasi Waryobha yaamara okoghamba igha, m-möntö uwa heene ndë ko okoghera igha, neneena umukumo ku-Kiristo. Obhoheene bhuyö, nku-Waryobha bhukurwera, bhuusha ko bhaara bhakukumya Kiristo.

2 Timoteo 1:5

Kora ghwiki nkuhiita ndë umukumo ughwaho ughwa obhoheene. Umukumo ghuyö ghöökö uwëënyu Röisi yaarenagho, na nyakuwëënyu Eunike wonswe. Neena obhoheene igha, kora uwe wonswe nonagho.

Tiito 1:1

Ritashandighi reno, nö-öni Pauro ndyandëkirë, öni ömököri uwa emeremo uwa Waryobha, ono ndëngë omotomwa uwa Yëësu Kiristo. Naatomwa ndaghërri abhantö bhano bhaashaaghorwa na Waryobha, okore bhamukumi na okomanya obhoheene ubhwa Yëësu Kiristo. Obhoheene bhuyö, mbo bhokoraghërrya abhantö bhasooke Waryobha,

Tiito 1:4

Tiito nu-uwe nkwandekera. Uwe m-maheene igha, m-moona uwaane örë ku-mukumo ghono tokosanga. Örööbhö na omorembe bheno bhikurwa ku-Waryobha Taata uwëëtö, na ku-Kiristo Yëësu Ömötöörya uwëëtö, bhebhe hamwë na uwe.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Yaakobho 1:1

Nö-öni Yaakobho omoghorwa uwa Waryobha, na uwa Omonene Yëësu Kiristo nandëkirë ritashandighi reno. M-bëënyu nkökëërya abhantö abha amakabhira ikömi na abhërë, bhano mwanyaraghana ko-kebhara kono! Ritashandighi reno m-bëënyu nkwandekera.

1 Peetero 1:1

Ritashandighi reno, nö-öni Peetero omotomwa uwa Yëësu Kiristo ndyandëkirë. M-bëënyu abhaahorwa abha Waryobha nandëkëëyë, bhano mwanyaraghana ukughya okomenya ku-bhyaro ibhya abhandë, mo-mekowa ighya Ponto, Gharatia, Kapadokia, Asia Enke na Bhitinia.

1 Peetero 1:7

Amashaasho ghayö, nkokora gharë umukumo ughwënyu ghomaahekane igha, n-gwa heene, kya bhono esahaabhu yonswe ikushaashwa mo-morro. Umukumo ughwënyu ngoona ubhwera obhonene okokera esahaabhu eno ekosareka. Ku bhuyö, Yëësu Kiristo hano ariisha, na ukwiyörökya harabhu igho, narebhakora mukumibhwi, mobhe na ubhuhika, kora mosookwe.

1 Peetero 2:7

Yëësu Kiristo naana ubhwera obhonene kö-bhëënyu bhano mukumukumya. Kasi, ko bhano bhatakumukumya, Amaandeko Amahörëëru gharaghamba igha, “Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba.”

1 Peetero 5:1

Bhoono nkushumaasha ndë na bhëënyu abhaghaaka abha ekanisa. Öni m-moghaaka murikyënyu ndë, ono naamaaha na amaiso aghaane bhono Kiristo yaatëësirwë. Ghwiki öni m-mosangi murikyënyu ndë, uwa ubhuhika bhono bhoraamaahekane bhöngö hano. Ku bhuyö nkobhasaasaama ndë igha,

2 Peetero 1:4

Ko okoghera iya ghayö, yaatohaana imituho emenene ighya ubhwera, kya bhono yaatoraghaini. Imituho ghiyö, nkötötöörrya ghërë ukwibhasha obhoghogho bhono bhokoreetwa na oronamba oroghogho, urwa ko-kebhara kono. Ghwiki nkötötöörrya ghërë, okore tosange eteemo iya Waryobha.

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.