2 Abhatësarönikë 3:6 - Imuuma Eehya

⁶ Abhakumya bharikyëtö, nkobharaghërrya törë okohetera ubhwera ubhwa Omonene Yëësu Kiristo igha, mwibhashe abhahiiri abhatereghanu bhonswe igho, bhano bhatakokora kya bhoora twaabharaghërrëëyi.

2 Abhatësarönikë 3:6 ပူးပေါင်းရင်းမြစ်များ

Mataayo 18:17

Hano araange ukwighwera na bhayö bhonswe, kaghi bhoono ötëëbhi ekanisa. Hano araange kwighwera kora ekanisa, bhoono uyö momaahe igha, të-möntö ono amanyirë Waryobha hë, handë omobhare igha, n-kya ömöghööti uwa righööti.

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

1 Abhakörintö 11:2

Mbe, nkobhakumya ndë ko bhoora mukunhiita ko mangʼana ghonswe igho, kora nkoghoota mörë amangʼana ghaara, kya bhono naabhatëëbhëri.

1 Abhakörintö 5:4

Hano mwaikomania hamwë ku iriina irya Omonene uwëëtö Yëësu Kiristo, öni wonswe nkunyoora örë enkoro iyaane n-hamwë ërë na bhëënyu. Kora na obhotoro ubhwa Yëësu Kiristo bhwonswe, nkunyoora örë hamwë bhörë na bhëënyu.

1 Abhakörintö 5:9

Naabhandekera mu-ritashandighi iryane igha, motakaaghootana hamwë na abhasooraare.

2 Abhakörintö 2:10

Ömöntö wowonswe igho ono bhëënyu mukwabhera, öni wonswe marrë kumwabhera. Engʼana yoyonswe igho eno yaare-ho iya ukwabherwa ömöntö, iyö nabhëëyë mbere iya Yëësu Kiristo ko okoghera iya bhëënyu,

Abhaëfësö 4:17

Mbe, keno nkutuna mbatëëbhi ni-igha, mwitegherre bhuuya amangʼana aghaane ghano. Omonene Yëësu Kiristo yaangʼaana ubhwera, ku bhuyö nkobhakaania ndë igha, motakaaghëndërrya okokora amangʼana kya Abhakyaro. Bho nkokora bharë amangʼana bhono abheene bhakutuna. Amaitegherro aghaabho, teghaana ubhwera bhwobhwonswe bhoora hë.

Abhakorosaai 3:17

Ghonswe igho ghano mokoghamba handë okokora, mokorenga okohetera iriina irya Omonene Yëësu Kiristo, na eno morakumya Taata Waryobha ko okohetera ku-uyö.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

1 Abhatësarönikë 4:11

Mobhe na omorembe. Ömöntö wowonswe igho, atakaatönibhwa na amangʼana agha abhandë, kasi akore emeremo ighyaye umwene, kya bhoora twaabharaghërrëëyi.

1 Abhatësarönikë 5:14

Abhakumya bharikyëtö, torabhasaasaama igha, mokaaninga abhooro na okotogheka bhano bhaakwa emetwe. Ghwiki motoghekenga bhano bhataana singuru na ököghömërrya abhantö bhonswe igho.

2 Abhatësarönikë 2:15

Bhoono abhakumya bharikyëtö, mwimerre monaghe, moghoote amëëghyö ghano mwaaikërëëyi, nekaabha ko-nshera iya obhoraarëki ubhwëtö, handë ko-nshera iya amatashandighi aghëëtö.

2 Abhatësarönikë 3:7

Keno kekoghera toraghamba igho, n-ko bhoora bhëënyu abheene mmomanyirë igha, ni-igha mweghe eteemo iyëëtö eno twaarenayo kö-bhëënyu hayö. Bhëëtö hano twaarë hayö, te-bhatereghanu twaarë hë.

1 Timoteo 5:21

Nkokoraghërrya ndë mbere iya Waryobha, na mbere iya Kiristo Yëësu na abhamaraika abhaahorwa igha, onaghi amangʼana ghayö nkwandëkëëyë. Otakaaheeta okobhotora ibhiina. Otakaabha na ekeroterro.

1 Timoteo 6:5

Kora nkoghera gharë abhantö bhanga ukwighwerrana. Abhantö kya bhayö, emetwe ghyabhasarekera, tebhaana obhoheene hë. Nkokanya bharë igha, okosooka Waryobha ne-nshera iya okoneebhera-mo.

2 Timoteo 3:5

Abhantö bhayö, mbaremaahekananga igha nkwighwera bharë Waryobha, kasi mo-senkoro isyabho, nurinyoora bharanga obhotoro ubhwa Waryobha, ubhwa okorera seteemo isya abhantö. Abhantö kya bhayö, obhaibhashe.

2 Timoteo 4:1

Nkokoraghërrya ndë amangʼana ghano mbere iya Waryobha na mbere iya Kiristo Yëësu, ono arebhotorra ikiina abhahöru na abhaku. Uyö we ariisha atonge ko-Bhokama ubhwaye.

2 Yohana 1:10

Hano ömöntö wowonswe igho araashe kö-bhëënyu, eno arëëghya amëëghyö ghano ghatatuubhaini na amëëghyö ghaara Yëësu Kiristo yëëghya, motakaamösërëënia mu-sinyumba isyënyu. Kora motakaamökëërya ënkëërya iya Ikikiristo.