2 Abhatësarönikë 3:4 - Imuuma Eehya

⁴ Omonene uyö, we akotohaana ubhweseghe obhonene kö-bhëënyu igha, nkokora mörë, kora moraaghëndërri okokora ghaara twaabharaghërrëëyi.

2 Abhatësarönikë 3:4 ပူးပေါင်းရင်းမြစ်များ

Mataayo 28:20

Möbhëëghi okoghoota ghonswe igho ghano naabharaghërrëëyi. Na öni, nendaabhenga hamwë na bhëënyu nkaagha syonswe igho, okohekera umuhiko ughwa ekebhara keno.”

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

Abharuumi 15:18

Tenkokareha okoghamba engʼana iyëndë hë, kasi ne-eera Kiristo Yëësu yaakora okohetera ku-öni, iya okokora Abhakyaro bhamwighwere. Engʼana iyö yaaghëkörrë okohetera ko ghano naaghambanga na ghano naakoranga.

Abharuumi 2:7

Abhantö bhano arehaana öbhöhöru ubhwa amakora ghonswe igho, m-mbano bhaana omotono ughwa okokora amangʼana amaiya. Ko bhoora nkutuna bharë ubhuhika, esooko na öbhöhöru bhono bhotakosareka.

1 Abhakörintö 14:37

Hano ömöntö araaimaahe igha m-mörööti, handë igha të-möntö uwa kinyamöbhërë hë, amanye igha ghayö nkobhandekera, na-maraghërryö agha Omonene.

1 Abhakörintö 7:19

Okosaarwa handë ukwanga okosaarwa te-ngʼana hë. Kasi ekenene, no-koghoota amaraghërryö agha Waryobha.

2 Abhakörintö 2:3

Kiyö nkyo kyaaghërrë nkabhandekera igha, tiniishe hë, okore enkoro iyaane, etakaabhaabhayera ko okoghera iya abhantö bhano nkwesegha igha, bhakaaghërrë nshomerwe. Nemanyirë igha, öni hano nashomerwa, na bhëënyu bhonswe nkushomerwa mörë.

2 Abhakörintö 2:9

Engʼana iyëndë eno yaaghërrë nkabhandekera ritashandighi reera, ni-iya okomaaha nyoore mmunyighwera ko amangʼana ghonswe igho.

2 Abhakörintö 8:22

Toratoma na umukumya murikyëtö uwöndë hamwë na bhaabho Tiito. Nkomaaha törë igha, umukumya murikyëtö uyö, m-mara kaaru akwörökya igha, aana omotono ughwa okokora emeremo, kora bhoono igho, nkwighomba arë bhököngʼu, ko bhoora aana ubhweseghe obhonene kö-bhëënyu.

Abhagharatia 5:10

Ko bhoora igha bhëënyu na-abha Omonene Yëësu mörë, ku bhuyö nemanyirë igha, timwikërri okongʼainwa hë. Kyokyonswe igho keno keraabhe, kasi ömöntö uyö akobhangʼaina narishibhibhwa.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

1 Abhatësarönikë 4:10

M-maheene ni-igho mokokorra bharikyënyu bhonswe igho, abha mo-mokowa ghwonswe igho ughwa Makedonia. Bhoono torabhasaasaama, abhakumya bharikyëtö, mohanshane bhuyöbhuyö kora mökëri hayö.

2 Abhatësarönikë 3:12

Abhantö bhayö torabharaghërrya na okobhakaania ku ubhwera ubhwa Omonene Yëësu Kiristo igha, bhakorenga emeremo ighyabho bhahörëërrë, okore bhabhe na ibhyakorya ibhyabho abheene.

2 Abhatësarönikë 3:6

Abhakumya bharikyëtö, nkobharaghërrya törë okohetera ubhwera ubhwa Omonene Yëësu Kiristo igha, mwibhashe abhahiiri abhatereghanu bhonswe igho, bhano bhatakokora kya bhoora twaabharaghërrëëyi.

Firimoni 1:21

Nkukwandekera ndë manyirë igha, noraaghaikërri. Kora noraakore okokera bhuyö nkosabhirë.