2 Abhatësarönikë 3:14 - Imuuma Eehya

¹⁴ Mwangarre ömöntö wowonswe ono atakutuna okoghoota amaraghërryö aghëëtö ghano gharëngë ku-ritashandighi reno, motakaasanga nawe, okore asooke.

2 Abhatësarönikë 3:14 ပူးပေါင်းရင်းမြစ်များ

Mataayo 18:17

Hano araange ukwighwera na bhayö bhonswe, kaghi bhoono ötëëbhi ekanisa. Hano araange kwighwera kora ekanisa, bhoono uyö momaahe igha, të-möntö ono amanyirë Waryobha hë, handë omobhare igha, n-kya ömöghööti uwa righööti.

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

1 Abhakörintö 4:14

Tinkwandeka amangʼana ghano okore mbasöökërri hë, kasi nkobhakaania ndë kya hano nkokaania abhaana abhaane abhaghonshe.

1 Abhakörintö 5:11

Kasi naabhandëkëëyë igha, motakaaghootana na ömöntö ono okobherekerwa igha umukumya murikyënyu, hano oraanyoore m-mosooraare, umuhiti, handë ömösëngërri uwa ëbhëtöndö, handë ömötöki, handë ömörëëbhi, handë omosaki. Ömöntö kya uyö, motakaasanga nawe kora ibhyakorya.

1 Abhakörintö 5:9

Naabhandekera mu-ritashandighi iryane igha, motakaaghootana hamwë na abhasooraare.

2 Abhakörintö 10:6

Hano moraabhe abhantö abha ukwighwera amangʼana agha heene, hayö ho bhëëtö toraabhe na obhotoro ubhwa ukushibhya amangʼana ghonswe igho agha ukwanga ukwighwera Kiristo.

2 Abhakörintö 2:9

Engʼana iyëndë eno yaaghërrë nkabhandekera ritashandighi reera, ni-iya okomaaha nyoore mmunyighwera ko amangʼana ghonswe igho.

2 Abhakörintö 7:15

Righonshe irya Tiito kö-bhëënyu, ni-nene, ekenene n-hano yaahiita bhono mwaamwighweranga, na kya igho mwaamösërëënëri, kwa okoobhoha na ukurighita.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

Abhakorosaai 4:16

Hano moraamare okosoma ritashandighi reno, mobhe na obhoheene igha, ekanisa iya Raodikia yonswe eresome. Kora na bhëënyu bhonswe mutune enshera iya ukunyoora ritashandighi reno naandëkëëyë Abharaodikia ryonswe moresome.

1 Abhatësarönikë 4:8

Ömöntö wowonswe ono akwanga amëëghyö ghano, tigha nu-mwëghya uyö akwanga, kasi nkwanga arë Waryobha ono yaabhahaana Umwika Ömöhörëëru.

2 Abhatësarönikë 3:6

Abhakumya bharikyëtö, nkobharaghërrya törë okohetera ubhwera ubhwa Omonene Yëësu Kiristo igha, mwibhashe abhahiiri abhatereghanu bhonswe igho, bhano bhatakokora kya bhoora twaabharaghërrëëyi.

Tiito 2:8

Amëëghyö aghaaho ghabhe agha heene, ghano ghatakotemwa amasoro na abhantö. Nyoore abhantö bharatuna okoghanyeera senkaani, bhasooke ko bhoora mbaraabhorwe engʼana, iya okotoghamba obhoghogho.

Tiito 3:10

Ömöntö ono akösëëghërrya abhantö, omokaani, hano oraamokaani urwa kabhërë, unyoore igha takwighwa hë, tighana nawe këmwë.

Firimoni 1:21

Nkukwandekera ndë manyirë igha, noraaghaikërri. Kora noraakore okokera bhuyö nkosabhirë.

Abhaëbhuraania 13:17

Mwighwere abhatangati abhëënyu, kora mobhasooke. Bhayö n-senkoro isyënyu bhakunyankera, ko bhoora mbo bhareghamba amangʼana aghëënyu mbere iya Waryobha. Mobhaighwere, okore bhakorenga emeremo ighyabho bhashömëëywë. Bhatakaabhaabhayeranga, ko bhoora hano bharaabhaabhayere, timunyoore ehoorohooro yoyonswe igho hë.

2 Yohana 1:10

Hano ömöntö wowonswe igho araashe kö-bhëënyu, eno arëëghya amëëghyö ghano ghatatuubhaini na amëëghyö ghaara Yëësu Kiristo yëëghya, motakaamösërëënia mu-sinyumba isyënyu. Kora motakaamökëërya ënkëërya iya Ikikiristo.