2 Abhatësarönikë 3:1 - Imuuma Eehya

¹ Bhoono abhakumya bharikyëtö, motosabheraninga, okore amangʼana agha Omonene Yëësu gharomaane bhöngö. Motosabherenga, okore abhantö bhaghaikërri na bhaghasooke, kya bhoora yaarë kö-bhëënyu.

2 Abhatësarönikë 3:1 ပူးပေါင်းရင်းမြစ်များ

Mataayo 9:38

Ku bhuyö mosaasaame mwene ömöghöndö, ahire abhaghësi kö-möghöndö bhaghese.”

Ruuka 10:2

Yëësu akabhatëëbhya igha, “Ibhyakorya m-byaru kö-möghöndö, kasi abhaghësi m-bake igho. Ku bhuyö mosaasaame mwene ömöghöndö, ahire abhaghësi kö-möghöndö bhaghese.

Amangʼana agha Abhatomwa 12:24

Amangʼana agha Waryobha, ghakaghëndërrya okoromaana ko-bhantö, na abhakumya bhakaaruha bhököngʼu.

Amangʼana agha Abhatomwa 19:20

Ko nshera iya obhotoro bhuyö, engʼana iya Omonene Waryobha, ekaromaana bhököngʼu mo-bhantö.

Amangʼana agha Abhatomwa 6:7

Engʼana iya Waryobha, ekaghëndërrya okoromaana mo-bhantö. Ekerengere ikya abheegha abha Yëësu, kekaaruha bhököngʼu Yërusarëëmu hayö. Kora abhasëngëri abhaaru bhakaighwera Waryobha, na ukwikërrya Omonene Yëësu.

Abharuumi 15:30

Abhakumya bharikyëtö, ko okorengʼaana na umukumo ughwëtö ghono toonagho ko-Monene uwëëtö Yëësu Kiristo, na okorengʼaana na righonshe reno tokohaanwa na Umwika Ömöhörëëru, ndabhasaasaama ko enkoro iyaane yonswe igho igha, möghëndërri okobha na omotono ughwa okonsabhera ku-Waryobha.

1 Abhakörintö 16:9

Ko bhoora nkomaaha ndë igha, nighörrëywë ikihiita nkore emeremo, nokaanyoora abhabhisa bhano bhakondebherra m-baaru.

2 Abhakörintö 1:11

Kora bhëënyu nkötötöörrya mörë okotosabhera ku-Waryobha. Waryobha nkwighwa arë amasabhi aghëënyu, kora nkotongʼoora arë. Ku bhuyö abhantö abhaaru mbaraamukumi ko okoghera iya örööbhö urwaye kö-bhëëtö.

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

Abhakorosaai 4:3

Motosabheraninga na bhëëtö hano mwasaasaama Waryobha, okore atokorre enshera iya okoraareka engʼana iyaaye, iya imbumbure iya Yëësu Kiristo eno yaarenga ibhisirwë. Öni mo-kebhohe ndë, ko okoghera iya engʼana iyö.

1 Abhatësarönikë 1:5

Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

1 Abhatësarönikë 1:8

Ko okoghera iya bhëënyu, abhantö bhaighuurë Amangʼana agha Omonene Yëësu. Tërëngë igha nko-bhantö abha Makedonia na abha Akaaya abheene igho hë, kasi umukumo ughwënyu ku-Waryobha, ngomanyekaini ahasë honswe igho. Ku bhuyö tetoona engʼana iyëndë iya okohoorrera-ko hë.

1 Abhatësarönikë 2:1

Abhakumya bharikyëtö, bhëënyu abheene mmomanyirë igha, ukuusha kö-bhëënyu hayö, tekwaare kwa bhosa hë.

1 Abhatësarönikë 2:13

Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

1 Abhatësarönikë 5:17

mosaasaamenga ko-senkaagha syonswe igho.

1 Abhatësarönikë 5:25

Abhakumya bharikyëtö, motosabherenga ku-Waryobha.

2 Timoteo 2:9

Ko okoghera iya amangʼana ghayö, öni nkunyanka ndë, na nkobhohwa ndë na iminyorro kya ömöntö omoghogho. Kasi engʼana iya Waryobha yo tekobhohwa hë.