2 Abhatësarönikë 2:8 - Imuuma Eehya

⁸ Hayö bhoono, ho ömötëëyu uyö aremaahekana. Kasi hano Omonene Yëësu ariisha, narimwita na umwika ughwa mu-munywa ughwaye, na narimusikya ko okohetera ubhuhika ubhwa ukuusha ukwaye.

2 Abhatësarönikë 2:8 ပူးပေါင်းရင်းမြစ်များ

Mataayo 13:19

Hano ömöntö yaighwa engʼana iya Obhokama ubhwa Waryobha, ange okomanyërrya ensonga yaamo, nkunyoora örë Oghosambwa ghwishirë, ghomosakirë ghaara Waryobha yëëmya mo-nkoro iya ömöntö uyö. Uyö we eheke iya imbusiro eera yaaghööyë ko-nshera.

Mataayo 13:38

Ömöghöndö, bhayö na-bhantö bhano bharëngë ko-kebhara kono. Na imbusiro inshiiya, bhayö na-bhantö bhano bhakotongwa na Waryobha. Ëntöki, iyö na-bhantö abha Oghosambwa.

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 16:28

No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatandööshë öni Omoona uwa Ömöntö, ndaasha ko-Bhokama ubhwane.”

1 Abhakörintö 1:28

Waryobha yaashaaghööyë ëbhëntö ebhetaaniinu na bheno bhekoserwa ko-kebhara kono, amangʼana ghano ghataaho, okore asöökërri ghano ghaaho.

2 Abhatësarönikë 2:3

Motakaikërrya ömöntö wowonswe oora abhangʼaine ko-ngʼana yoyonswe eera, ko bhoora urusikö ruyö urwene teroraahika hë. Tangata sinsikö sihike isya abhantö abhaaru okoteeya bhököngʼu ku-Waryobha, na hano ömötëëyu omonene aremaahekana. Umuhiko ughwa ömötëëyu uyö, nu-kusikibhwa këmwë.

1 Timoteo 6:14

ni-igha onaghi amaraghërryö ghayö, oghaikërri, otakaateeya okohekera hano Omonene uwëëtö Yëësu Kiristo ariisha.

2 Timoteo 1:10

Kasi bhoono, Waryobha yöörökëri örööbhö urwaye kö-bhëëtö, ku ukuusha ukwa Kiristo Yëësu Ömötöörya uwëëtö. Uyö, we yaaruusya-ho obhotoro ubhwa uruku, akatohonyorra öbhöhöru ubhwa amakora ghonswe igho, ko Amangʼana Amaiya.

2 Timoteo 4:1

Nkokoraghërrya ndë amangʼana ghano mbere iya Waryobha na mbere iya Kiristo Yëësu, ono arebhotorra ikiina abhahöru na abhaku. Uyö we ariisha atonge ko-Bhokama ubhwaye.

2 Timoteo 4:8

Bhoono keno kitighaayë, no-kohaanwa ikirighi ikya heene. Omonene Yëësu, ono akobhotora ibhiina ubhwa heene, narekengʼaana urusikö roora arikyora. Tö-öni umwene igho hë, kasi na abhandë bhonswe igho bhano bhakwitengʼera bhököngʼu ukukyora ukwaye.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Abhaëbhuraania 10:27

Kasi keno ukunyoora kitighaayë, no-kobha na entarëki iya okobhotorrwa ikiina na omorro ghono ghurisikya abhabhisa abha Waryobha.

1 Yohana 2:13

Bhëënyu bhaataata, nkobhandekera ndë ko bhoora momanyirë Yëësu Kiristo, ono yaarenga-ho ukurwa okosemoka. Nkobhandekera ndë bhëënyu abhamura, ko bhoora mwabhaaha Oghosambwa. Nkobhaadekera ndë bhare abhaana, ko bhoora mmomanyirë Taata Waryobha.

1 Yohana 3:12

Totakaabha kya Kaini, ömöntö uwa Oghosambwa, oora yaaitirë mura waabho omoke. N-kwakë yaamwitirë? Yaamwitirë ko bhoora ghano Kaini yaakoranga, m-maghogho ghaarë, kasi ghano mura uwaabho omoke uyö yaakoranga, n-ga heene ghaarë.

1 Yohana 5:18

Ntomanyirë igha, omoona uwa Waryobha taköghëndërrya okokora ëbhëbhë hë. Keno kekoghera ataköghëndërrya okokora ëbhëbhë, n-ko bhoora Yëësu Kiristo akomorenda. Ku bhuyö Oghosambwa teghokomokora ngʼana hë.

Okohonyora 1:16

Ömöntö uyö, yaarë na sinyota muhungatë mo-kobhoko ukwa bhoryo. Umushonge umwöghë nyambagha ibhërë, ghwaarwanga mu-munywa ughwaye. Ubhusyö ubhwaye, bhwaamekamekanga kya omobhasö ömörörö kai.

Okohonyora 13:5

Mbe, ughutyënyi ghuyö, ghokahaanwa obhotoro ubhwa ukwihasha ko amangʼana agha okotoka Waryobha. Ughutyënyi ghuyö, ghwaahaaywë ubhwera ubhwa okokora ghayö, ku-myëri merongo ene na ibhërë.

Okohonyora 19:15

Umushonge umwöghë, nkurwa ghörë mu-munywa ughwaye, okore abhaahe Abhakyaro. Narebhatonga ku ubhwera obhonene. Uyö we akotashera sezabhibhu mö-këntö ikya okosemetera-mo. Ëkëntö kiyö këröörökya okorerra ukwa Waryobha uwa obhotoro bhwonswe igho.

Okohonyora 2:16

Mbe, mohongore ëbhëbhë ibhyënyu! Hano moraange okobhehongora, m-böngöbhöngö ndaashe na umushonge, ghono ghukurwa mu-munywa ughwane, okore nkore riihë na abhantö bhayö.

Okohonyora 20:10

Mbe, Oghosambwa ghono ghwaabhangʼainirë, ngoretabhutwa mu-nyansha iyö ikwibhugha omorro na ubhurutu ubhwa ikibhiriiti. Muyö mo ughutyënyi ghoora na ömörööti uwa obhorongo oora, bhaarëkëëywë-mo. Muyö mo bhareteeswanga ubhutikö na omobhasö, amakora ghonswe igho.