2 Abhatësarönikë 2:6 - Imuuma Eehya

⁶ Mmomanyirë keno kekorebherra ömötëëyu uyö bhoono igho, okore aashe okomaahekana ko-nkaagha iyaako.

2 Abhatësarönikë 2:6 ပူးပေါင်းရင်းမြစ်များ

Abharuumi 1:18

Waryobha umwene, nkwörökya arë harabhu igho ukurwa mu-ryobha igha, abhantö abhaghogho bhano bhakumwanga, nkobhashibhya arë. Abhantö bhayö nkwanga bharë obhoheene ubhwaye, ko okoghera iya okokora amangʼana aghaabho amaghogho.

2 Abhatësarönikë 2:3

Motakaikërrya ömöntö wowonswe oora abhangʼaine ko-ngʼana yoyonswe eera, ko bhoora urusikö ruyö urwene teroraahika hë. Tangata sinsikö sihike isya abhantö abhaaru okoteeya bhököngʼu ku-Waryobha, na hano ömötëëyu omonene aremaahekana. Umuhiko ughwa ömötëëyu uyö, nu-kusikibhwa këmwë.

2 Abhatësarönikë 2:7

Kora bhoono ömötëëyu uyö, nkokora arë emeremo aibhisirë. Kasi tamaahekane hë, okohekera hano ono akomorebherra arëhëënibhwa-ho.

2 Abhatësarönikë 2:8

Hayö bhoono, ho ömötëëyu uyö aremaahekana. Kasi hano Omonene Yëësu ariisha, narimwita na umwika ughwa mu-munywa ughwaye, na narimusikya ko okohetera ubhuhika ubhwa ukuusha ukwaye.