2 Abhatësarönikë 2:13 - Imuuma Eehya

¹³ Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

2 Abhatësarönikë 2:13 ပူးပေါင်းရင်းမြစ်များ

Yohana 1:1

Bhosemoka hayö, yaare-ho Engʼana. Engʼana iyö, yaarenga hamwë na Waryobha, ghwiki yo yaarë Waryobha.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Amangʼana agha Abhatomwa 13:48

Hano Abhakyaro bhaaighuurë igho, bhakashomerwa. Bhakakumya amangʼana agha Omonene Yëësu. Bhonswe igho bhano bhaaitengʼerwanga ukunyoora öbhöhöru ubhwa amakora ghonswe igho, mbaakumiri Omonene Yëësu.

Amangʼana agha Abhatomwa 15:9

Ku bhuyö keno Waryobha yaakörrë kö-bhëëtö, nkyo yaakörrë na ko bheene bhonswe. Nkoghamba ndë igho ko bhoora bhonswe mbaasaabhuurrwë senkoro isyabho, ko okohetera ukukumya Yëësu.

Abharuumi 6:17

Bhëënyu ni-igho mwaarë kare, ko bhoora m-baghorwa abha ëbhëbhë mwaarë. Bhoono öni nkukumya ndë Waryobha, ko bhoora mwikërëëyi amëëghyö agha Kiristo ghano mwëghibhwa, kora nkoghasoorana mörë bhwaheene.

Abharuumi 8:33

Taaho ömöntö uwa ukushongera abhaahorwa abha Waryobha, ko bhoora Waryobha umwene we akobhabhara igha m-ba heene.

Abharuumi 9:11

Hano waanyöörrë ebhesare bhiyö bhetareebhorwa, kora bhataraakora engʼana engogho handë inshiiya, Waryobha akatëëbhya Rebheka igha, “Ömöntö mökörö naretighinkanera omoke uwaaye.” Engʼana iyö nkwörökya ërë igha, Waryobha nkwahora arë ömöntö ko okorengʼaana na bhono Waryobha umwene akutuna. Takokora ko okorengʼaana na amangʼana ghano ömöntö yaakora.

1 Abhakörintö 1:21

Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

Abhagharatia 3:1

Bhëënyu bhare Bhagharatia, m-bakangi mörë! Nawë yaabharogha? Rëndë mbe naabharaghërrëëyi bhuuya amangʼana agha Yëësu Kiristo kya igho yaahanëkirwë ko-mosarabha.

Abhaëfësö 2:8

N-ko okoghera iya örööbhö urwa amaabhë aghaaye, nkyo kyaaghërrë Akabhatöörya ku umukumo ghono moonagho ku-Yëësu Kiristo. Tiyabhatöörya ko okoghera igha mwaamokorra ëkëntö kyokyonswe keera, ti-igho hë, kasi iyö ni-tuho eno Waryobha yaabhahaana.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

Abhakorosaai 3:12

Bhoono ko bhoora m-baahorwa abha Waryobha mörë, kora na-bhahörëëru bhano ahanshirë, mobhe na enkoro iya amaabhë, eteemo inshiiya, ubhwihöötu, obhohaabhu, bheena öbhöghömërrya.

1 Abhatësarönikë 1:4

Bhëënyu abhakumya bharikyëtö, ntomanyirë igha, Waryobha nabhahanshirë, nkyo këghërrë abhashaaghööyë mobhe abhantö abhaaye.

1 Abhatësarönikë 2:12

Ntwaabhatoghekanga mo-senkoro, torabhatërëmya na okobhakangʼasërrya, okore igha, mokore ghano Waryobha ahanshirë. Waryobha uyö, we akobhabherekera okore mosohe mo-Bhokama na mu-bhuhika ubhwaye.

1 Abhatësarönikë 4:7

Waryobha tiyaatöbhërëkëëyë igha tokore obhosooraare, kasi yaatöbhërëkëëyë okore tobhe abhahörëëru.

1 Abhatësarönikë 5:9

Waryobha tiyaatushaaghööyë, okore atusiki ku ukutushibhya hë. Kasi yaatushaaghööyë, okore töhönibhwi okohetera ko-Monene uwëëtö Yëësu Kiristo.

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

2 Abhatësarönikë 2:10

Narebhangʼaina ko obhongʼanangʼana ubhwaru, bhonswe igho bhano bharëngë ko-bhesendo ibhya ukusira, ko bhoora bhakwanga ukwikërrya obhoheene, okore bhatööribhwi.

2 Abhatësarönikë 2:12

Hayö ho bharebhotorrwa ikiina, abhantö bhonswe igho bhano bhatarikumya obhoheene kasi në-bhëbhë bhaashomerrwanga nabhyo.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

2 Timoteo 2:15

Okore omotono ughwa ukwëghya engʼana iya obhoheene, kya bhono ikutunwa na Waryobha igha yëghiibhwi. Hayö ho oraabhe ömököri uwa emeremo ono atakosookera emeremo ighyaye. Ghayö ngo Waryobha akutuna.

2 Timoteo 3:15

Wamanya Amaandeko Amahörëëru ökërëngë moke. Amaandeko ghayö, nkokohaana gharë obhongʼaini bhono bhokoghera ömöntö ahönibhwa ku ukukumya Kiristo Yëësu.

Abhaëbhuraania 1:10

Ghwiki Waryobha arashumaashera Omoona uwaaye igha, “Omonene, nu-uwe waabhömbirë ekebhara ukurwa okosemoka, kora ghwiki nu-uwe waabhömbirë mu-ryobha ko amabhoko aghaaho.

Yaakobho 1:18

Kya bhono we umwene yaatunanga, akatokora tobhe abhaana abhaaye, ko okohetera ko-ngʼana iyaaye iya obhoheene, okore tobhe abhatangi abhaaye, ku-bhyonswe igho bheno yaabhömbirë.

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.