2 Abhatësarönikë 2:12 - Imuuma Eehya

¹² Hayö ho bharebhotorrwa ikiina, abhantö bhonswe igho bhano bhatarikumya obhoheene kasi në-bhëbhë bhaashomerrwanga nabhyo.

2 Abhatësarönikë 2:12 ပူးပေါင်းရင်းမြစ်များ

Maariko 14:11

Hano abhanene abha abhasëngëri bhaaighuurë amangʼana ghayö, bhakashomerwa bhököngʼu. Bhakaikererrania na Yuuda igha bhamohaane seehera. Mbe, Yuuda akasimya ukutuna umweya umuuya ughwa okobhaghöötya Yëësu.

Maariko 16:16

Ömöntö wowonswe igho ono araakumi, abhatiisibhwi, naraatööribhwi. Kasi, ömöntö wowonswe igho ono ataakumi, uyö naraabhotorrwe ikiina.

Yohana 3:36

Ömöntö ono akukumya Omoona uwa Waryobha, uyö naana öbhöhöru ubhwa amakora ghonswe igho. Kasi ono akumwanga, taana öbhöhöru ubhwa amakora ghonswe igho hë, kora okorerra ukwa Waryobha nkoraaghëndërri okobha kö-möntö uyö.

Abharuumi 1:32

Abhantö bhayö, mbamanyirë bhuuya igha, ömöntö ono akokora amangʼana amaghogho kya ghayö, naingʼarëëyë ukusikibhwa na Waryobha. Nokaanyoora ni-igho ërë, kasi abheene tebhatöniibhwi hë! Nköghëndërrya bharë okokora amangʼana amaghogho ghayö, kora nkwikererrania bharë na abhaköri abha amangʼana amaghogho kya ghayö.

Abharuumi 12:9

Mobhe na righonshe irya heene ko-bharikyënyu. Ensonga iyaamo ni-igha, mutighe okokora amangʼana amaghogho, kasi mokorenga amangʼana amaiya senkaagha syonswe igho.

Abharuumi 2:8

Kasi abhaingʼahërya, na bhano bhakwanga amangʼana agha obhoheene, kora m-baköri abha amangʼana amaghogho, Waryobha narebharererra, abhashibhi.

1 Abhakörintö 13:6

Ömöntö uwa righonshe, obhoghogho tibhukumushomera hë, kasi obhoheene mbo akushomerwa nabho.

1 Abhatësarönikë 5:9

Waryobha tiyaatushaaghööyë, okore atusiki ku ukutushibhya hë. Kasi yaatushaaghööyë, okore töhönibhwi okohetera ko-Monene uwëëtö Yëësu Kiristo.

2 Abhatësarönikë 2:10

Narebhangʼaina ko obhongʼanangʼana ubhwaru, bhonswe igho bhano bharëngë ko-bhesendo ibhya ukusira, ko bhoora bhakwanga ukwikërrya obhoheene, okore bhatööribhwi.

2 Peetero 2:3

Mbarebhaghaneranga amaghano agha obhorongo, ko oronamba urwabho oroghogho, okore bhanyoore keno bhakutuna kö-bhëënyu. Kasi okobhotorrwa ikiina ukwabho, kwamara kösëëmibhwa ukurwa kare. Ukusikibhwa ukwabho, tekoteghete hë.

3 Yohana 1:11

Bhoono Ghaayo omoghonshe uwaane, otakeegha okokora amangʼana amaghogho ghayö. Kasi weeghe eteemo iya abhantö bhano bhakokora amangʼana amaiya. Hano ömöntö yakora amangʼana amaiya, nkwörökya gharë igha, ömöntö uyö, m-moona uwa Waryobha. Kasi ömöntö ono akokora amangʼana amaghogho, uyö tamanyirë Waryobha hë.