2 Abhatësarönikë 2:10 - Imuuma Eehya

¹⁰ Narebhangʼaina ko obhongʼanangʼana ubhwaru, bhonswe igho bhano bharëngë ko-bhesendo ibhya ukusira, ko bhoora bhakwanga ukwikërrya obhoheene, okore bhatööribhwi.

2 Abhatësarönikë 2:10 ပူးပေါင်းရင်းမြစ်များ

Mataayo 13:11

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye.

Yohana 3:17

Waryobha tiyatömirë Omoona uwaaye ko-kebhara kono, okore abhotorre abhantö ikiina, kasi yaamötömirë, okore atööri abhantö okohetera ku-uyö.

Yohana 5:34

Tërëngë igha nu-bhwimërërri ubhwa abhantö nkutuna, kasi nkobhatëëbhya ndë ghonswe igho ghayö, okore mötööribhwi.

Abharuumi 10:1

Abhakumya bharikyëtö, ëkëntö ekenene keno nkutuna mo-nkoro iyaane, keno nkosaasaama ku-Waryobha, ni-igha Abhaisiraëri bharikyane bhatööribhwi.

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

Abharuumi 6:17

Bhëënyu ni-igho mwaarë kare, ko bhoora m-baghorwa abha ëbhëbhë mwaarë. Bhoono öni nkukumya ndë Waryobha, ko bhoora mwikërëëyi amëëghyö agha Kiristo ghano mwëghibhwa, kora nkoghasoorana mörë bhwaheene.

1 Abhakörintö 1:18

Engʼana iya omosarabha ughwa Yëësu Kiristo ko bhano bhakusira, nkomaaha bharë igha, m-bokangi, kasi ko bhano tökötööribhwa, nkomaaha törë igha, engʼana iyö, no-bhotoro ubhwa Waryobha.

1 Abhakörintö 16:22

Ömöntö wowonswe ono atahanshirë Omonene Yëësu Kiristo, aihiimwe. Maranata!

2 Abhakörintö 11:13

Ko bhoora abhantö kya bhayö, m-batomwa abha obhorongo, nkokora bharë emeremo kwa ököngʼënërrya, nkwikora bharë igha, m-batomwa abha Yëësu Kiristo.

2 Abhakörintö 11:15

Ku bhuyö te-ngʼana iya ököröghöörya hë, okomaaha abhaköri abha emeremo abhaaye, bharaikora igha, m-baköri abha emeremo abha heene. Kasi umuhiko ughwabho, ngorebhaingʼarra kya amangʼana aghaabho ghano bhakokora.

2 Abhakörintö 2:15

Ni-igho ërë ko bhoora bhëëtö ni-kirumba ikiiya ikya Yëësu Kiristo ku-Waryobha, ko-bhantö bhano bhakötööribhwa, na ko bhano bhakusira.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

1 Abhatësarönikë 2:16

ko bhoora bhakotokaania okoraareka Amangʼana Amaiya ko-Bhakyaro. Keno bhakutuna ni-igha, Abhakyaro bhatakaatööribhwa. Ku bhuyö ni-igho bhaköghëndërrya okohekerania ëbhëbhë bhyonswe igho bheno bhakokora senkaagha syonswe igho. Kasi bhoono öbhöbhë ubhwa Waryobha, bhobhahëkërëëyë!

2 Abhatësarönikë 2:12

Hayö ho bharebhotorrwa ikiina, abhantö bhonswe igho bhano bhatarikumya obhoheene kasi në-bhëbhë bhaashomerrwanga nabhyo.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

1 Timoteo 2:4

Keno Waryobha akutuna ni-igha abhantö bhonswe igho bhatööribhwi kora bhamanye obhoheene.

Abhaëbhuraania 3:13

Kasi ni-igha motoghekanenga kera urusikö rono rokobherekerwa igha reero, okore atakaabha-ho mö-bhëënyu muyö, ömöntö nyamotwe mököngʼu, ko okoghera iya okongʼainwa na ëbhëbhë.

2 Peetero 2:12

Abhantö bhayö, bho nkotoka bharë ëkëntö kyokyonswe igho, keno bhatamanyirë. Mbatuubhaini kya sityënyi seno setaana obhongʼaini, ko bhoora nkwebhorwa sërë igho, okore seghootwe na okoghooghwa! Ni-igho abhëëghya nyangasheka bhayö bharisika.

2 Peetero 2:18

Nkoghamba bharë amangʼana agha ikiheemere, ghano ghataana ubhwera. Oronamba urwabho oroghogho urwa kinyamöbhërë, ndo rokoghera bharakemba abhantö bhano bhaakumya bhöngö hano, bhano bhaatigha okokora ghano abhasarya bhakokora.