2 Abhatësarönikë 1:9 - Imuuma Eehya

⁹ Ubhushibhu bhuyö, mbörëghëndërrya okobhasikya amakora ghonswe igho, kora mbarebha hare na Omonene Yëësu, na ubhuhika ubhwaye obhonene.

2 Abhatësarönikë 1:9 ပူးပေါင်းရင်းမြစ်များ

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 22:13

Omokama uyö akatëëbhya abhaköri abhaaye abha emeremo igha, ‘Mobhohe ömöntö ono amaghörö na amabhoko, momorekere mu-kisuntë kebhara iyö. Iyö yo abhantö bhakukuura na okokaaraatya amaino.’”

Mataayo 24:30

“Ko-nkaagha iyö, ekemanyërryö ikya öni Omoona uwa Ömöntö, nkeremaahekana ighörö iyö, na abhantö abha mu-bhyaro bhyonswe igho, mbarikuura igho, bhashaashaane. Mbaremmaaha öni Omoona uwa Ömöntö ndaasha ndëngë ko-masaarö, neena obhotoro na ubhuhika.

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

Mataayo 25:46

“Ho bhoono abha ëbhëbhë bhayö, bharyemoka bhaghende mu-bhushibhu ubhwa amakora ghonswe igho. Kasi abhantö abha heene bhaara, bho mbaresoha mö-bhöhöru ubhwa amakora ghonswe igho.”

Mataayo 26:24

Öni Omoona uwa Ömöntö, nendaaitwe kya igho yandëkirwë mo-Maandeko Amahörëëru. Kasi haahö, ömöntö ono araannyeere inikö. Ömöntö uyö, nyakara atakaaibhööywë.”

Mataayo 7:23

Hayö ho ndebhatëëbhya harabhu igho igha, ‘Tembamanyirë hë. Mundwere-ho, bhëënyu abhakora maghogho.’”

Ruuka 13:27

Kasi umwene areebhahonshora igha, ‘Tembamanyirë hë, kora temanyirë hasë murwërëëyë hë. Mundwere-ho, bhëënyu abhakora amaghogho.’

Yohana 5:14

Hano ghayö ghaahööyë, Yëësu akasikana na ömöntö uyö kö-bhööri ubhwa risengerro, akamötëëbhya igha, “Bhoono uhwënirë, kasi wangarre, utighe okokora ëbhëbhë. Hano otaatighe, engʼana indito bhököngʼu, irikunyoora okokera iyö waarenga nayo.”

Abhafiripi 3:19

Abhantö bhayö mbarekamba bhasikibhwi, ko bhoora bhaakora igha, oronamba urwabho ndwo waryobha uwaabho. Amangʼana agha sënsöni ghano bhakokora igha ngo bhakwiheemera. Amangʼana ghano bhakwitegherra na-agha ko-kebhara kono.

1 Abhatësarönikë 5:3

Enkaagha eno abhantö bhakokanya igha, “Omorembe ghooho, na kora amangʼana ghonswe igho m-buuya ghakughya,” hayö ho obhosarya bhukwebhokera. Obhosarya bhuyö mborebhabhasha kya hano ebhesa bhyatakya omokari ono arëngë enda. Ku bhuyö, tebharëtööribhwa kora hake igha hë.

2 Abhatësarönikë 2:8

Hayö bhoono, ho ömötëëyu uyö aremaahekana. Kasi hano Omonene Yëësu ariisha, narimwita na umwika ughwa mu-munywa ughwaye, na narimusikya ko okohetera ubhuhika ubhwa ukuusha ukwaye.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Abhaëbhuraania 10:29

Mbe, bhoono morakanya igha m-bushibhu ubhwa iyakë bhono araanyoore ömöntö ono akotashera hansë Omoona uwa Waryobha, na okomaaha igha amaanyinga agha Imuuma ghano ghaamosaabhuura te-ngʼana hë, na okokorra ikisiraani Umwika Ömöhörëëru?

2 Peetero 2:17

Abhantö bhayö n-kya ibhisima bheno bhetaana amanshë, n-kya indumbë eno ikuhuushwa na ikighumbë. Ahasë aha ikisuntë ekenene ho Waryobha yaabhasëëmërya.

2 Peetero 3:7

Ghwiki ko okohetera engʼana iyöiyö, Waryobha yatigha-ho mu-ryobha na ekebhara, okore bhiishe okosambwa mo-morro. Yabhitigha-ho okore bheghanye urusikö rono arebhotorra ibhiina abhantö bhano bhatakumwighwera, hayö bhoono, ho bharisika.

Yuuda 1:13

Tebhakwirebherra hë. Bhaabha kya amayengo amanene agha ku-nyansha. Amangʼana aghaabho agha sënsöni ghano bhakokora, gharomaana kya rihuro irya amayengo. N-kya sinyota seno sikwinaaranaara igho, kora teseena ubhwera hë. Waryobha yaabhatoorra-ho emongo iyaabho, ahasë aha ikisuntë ekenene amakora ghonswe igho.

Okohonyora 20:11

Mbe, nkamaaha Waryobha aikaayë ku-kitumbë ekenene ekerabhu ikya ekekama. Mu-ryobha na ekebhara, bhekamwihëënërya-ho, kora tibhyamaahekana ghwiki hë.

Okohonyora 20:14

Hano ghayö ghaahööyë, uruku bheena ikyaro ikya abhaku, bhekatabhutwa mu-nyansha iyö ikwibhugha omorro. Inyansha iyö ikwibhugha omorro, yo uruku urwa kabhërë.

Okohonyora 21:8

Kasi bhoono abhoobha, bhano bhatakukumya Waryobha, bhano bhakösësëëbhya enkoro iya Waryobha, abhaiti, abhasooraare, abhaturutumbi, bhano bhakosengerra ëbhëtöndö, na abharongo, bhonswe igho bhayö, mbaretoorwa mu-nyansha eno ikwibhugha omorro, na ubhurutu ubhwa ikibhiriiti. Na ruyö ndwo uruku urwa kabhërë.”

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.