2 Abhatësarönikë 1:7 - Imuuma Eehya

⁷ Bhëënyu bhano mukunyankibhwa, murimuunya inyanko iyëënyu hamwë na bhëëtö. Ni-igho Waryobha arekora, enkaagha eno Omonene Yëësu aremaahekana ararwa mu-ryobha. Nariisha na ëbhëmörë ibhya omorro hamwë na abhamaraika abhaaye abha obhotoro.

2 Abhatësarönikë 1:7 ပူးပေါင်းရင်းမြစ်များ

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 16:28

No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatandööshë öni Omoona uwa Ömöntö, ndaasha ko-Bhokama ubhwane.”

Mataayo 25:31

Ghwiki Yëësu akaghëndërrya ukushumaasha na abheegha abhaaye, akabhatëëbhya igha, “Hano ndiisha öni Omoona uwa Ömöntö neena ubhuhika ubhwane, hamwë na abhamaraika bhonswe igho, hayö bhoono ho ndikara ku-kitumbë ikya ekekama.

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

Mataayo 26:64

Yëësu akamohonshora igha, “Nu-uwe oghambirë igho. Kasi nkobhatëëbhya ndë bhonswe igho igha, ukusimirya reero, moraamaahe öni Omoona uwa Ömöntö nikaayë bhoryo ubhwa Waryobha uwa obhotoro. Ghwiki moreemmaaha ndaasha ndëngë ko-masaarö.”

Maariko 14:62

Yëësu akamohonshora igha, “Nö-öni. Moreemmaaha öni Omoona uwa Ömöntö nikaayë bhoryo ubhwa Waryobha uwa obhotoro, ndaasha ndëngë ko-masaarö.”

Maariko 8:38

Ömöntö ono akoommaahera sënsöni öni na amangʼana aghaane, ko-nkaagha eno iya abhantö bhano bhakokora ëbhëbhë, uyö we öni Omoona uwa Ömöntö ndemaahera sënsöni ku-bhuhika ubhwa Taata, hano ndiisha ukurwa mu-ryobha, hamwë na abhamaraika abhahörëëru.”

Ruuka 16:25

“Kasi Ibhurahimu akamohonshora igha, ‘Moona uwaane, uhiite igha waanyöörrë amangʼana amaiya mö-bhöhöru ubhwaho, na Raazaaro, akanyoora amaghogho. Kasi bhoono umwene hano, nkösërëënibhwa arë, na uwe nkunyanka örë hayö.

Ruuka 17:30

“Ni-igho erebha urusikö urwa okohonyorwa ukwane öni Omoona uwa Ömöntö.

Yohana 1:3

Ëbhëntö bhyonswe igho, mbyaabhömbirwë ko okohetera ku-uyö akobherekerwa igha Engʼana, kora tekeeho ëkëntö kora ëkëmwë keno ketaabhömbirwë okohetera ku-uyö.

Yohana 1:51

Ho yaamarrë akamötëëbhya igha, “No-bhoheene nkobhatëëbhya igha, moremaaha mu-ryobha hahönyökirë, abhamaraika abha Waryobha bharariina na ukwika ku-öni Omoona uwa Ömöntö.”

Amangʼana agha Abhatomwa 1:11

Abhantö bhayö, bhakabhöörya abhatomwa bhayö igha, “Bhëënyu bhare Bhaghariraaya, ndarra mwimërëëyë hano moragharamera mu-ryobha? Yëësu uyö aruurë kö-bhëënyu hano ukughya mu-ryobha, kasi rooho urusikö rono arikyora kya ighoigho mömörööshë araghya mu-ryobha.”

Amangʼana agha Abhatomwa 3:19

Ku bhuyö, mohongore ëbhëbhë ibhyënyu, mukyore ku-Waryobha, abharuusiri-ho ëbhëbhë ibhyënyu, okore siishe senkaagha sensambaaroku, isya okobha-ho ukwa Omonene. Hayö ho Waryobha araabhamuunyi ko okotoma Yëësu Kiristo.

Abharuumi 8:17

Mbe, nyoore bhëëtö m-baana abha Waryobha törë, m-bëëtö abhari abha umwandö ughwa Waryobha, hamwë na Yëësu Kiristo. Kasi bhoono keno kikutunwa, nö-köghömërrya inyaanyi kya bhono Kiristo yaaghömërrëëyi. Hayö bhoono ho törëtöönibhwa hamwë nawe.

1 Abhakörintö 3:13

Ubhuuya ubhwa omoremo ughwa kera ömöntö, mboremaahekana harabhu igho. Urusikö roora urwa okobhotora ikiina, emeremo ghyonswe igho ngeremaahekana harabhu igho, ko bhoora omoremo ughwa kera ömöntö, ngurishaashibhwa ko okohetera mo-morro ughwa okobhotorra ibhiina.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

Abhaëfësö 1:2

Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo, bhebhe hamwë na bhëënyu.

Abhakorosaai 1:16

Ko bhoora ëbhëntö bhyonswe igho bhyaabhömbirwë okohetera ku-uyö, ibhya mu-ryobha na ibhya ko-kebhara, bheno bhekomaahekana na bheno bhetakomaahekana, mbokaabha ubhwera handë obhokama, obhonene handë singuru. Bhyonswe igho mbyaabhömbirwë, ko okoghera iya we.

1 Abhatësarönikë 3:13

Ghwiki ni-igha atogheke senkoro isyënyu, okore mobhe abhantö abhahörëëru na motakaabha na risoro ku-Waryobha Taata uwëëtö, enkaagha eno Omonene uwëëtö Yëësu ariisha hamwë na abhahörëëru abhaaye bhonswe igho.

2 Timoteo 2:12

Hano toraaghömërri, ntoretonga hamwë nawe. Hano toraamwange, wonswe naritwanga.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Abhaëbhuraania 10:27

Kasi keno ukunyoora kitighaayë, no-kobha na entarëki iya okobhotorrwa ikiina na omorro ghono ghurisikya abhabhisa abha Waryobha.

Abhaëbhuraania 12:29

Ko bhoora Waryobha uwëëtö, no-morro ghono ghukusikya.

Abhaëbhuraania 4:1

Mbe, ko bhoora rekeeho riraghaniö irya Waryobha, irya okosoha ahasë ahaaye aha ukumuunya, ni-igha twobhohe, okore ömöntö atakaakerwa okosoha-mo.

Abhaëbhuraania 4:11

Mbe, tokore omotono ughwa okosoha mo-bhotooro muyö, okore ömöntö wowonswe igho atakaakerwa kya bhono bhaaghuuka abhëëtö bhaakërrwë ukwighwera Waryobha.

Abhaëbhuraania 4:9

Mbe, ku bhuyö bhoono, rokee-ho urusikö urwa Obhotooro urwa Waryobha ko-bhantö abhaaye.

Abhaëbhuraania 9:28

Amangʼana ni-ighoigho gharë igha, Yëësu Kiristo wonswe, yaakörrwë ikimwenso kamwë igho, okore agheghe ëbhëbhë ibhya abhantö abhaaru. Kasi hano ariisha urwa kabhërë, të-bhëbhë ariisha komara-ho hë, kasi nö-bhöhönia arereeta ko bhano bhaana omotono ughwa okomoghanya.

1 Peetero 3:22

Yëësu Kiristo yaaghëëyë mu-ryobha, na bhoono igho, naikaayë okobhoko ukwa bhoryo ubhwa Waryobha, ahasë hano hakosookwa bhököngʼu. Nkotonga arë abhamaraika, ëbhëntö ëbhëtöngi bhyonswe igho, na bheno bheena obhotoro.

2 Peetero 3:7

Ghwiki ko okohetera engʼana iyöiyö, Waryobha yatigha-ho mu-ryobha na ekebhara, okore bhiishe okosambwa mo-morro. Yabhitigha-ho okore bheghanye urusikö rono arebhotorra ibhiina abhantö bhano bhatakumwighwera, hayö bhoono, ho bharisika.

Yuuda 1:7

Ghwiki ni-igha muhiite ghano ghaanyöörrë abhantö abha imighi ighya Sodoma na Ghomora na imighi gheno ghyaaheegheraini naghyo. Amangʼana ghayö, n-kya agha abhamaraika bhayö. Abhantö bhayö, bhaakoranga obhosooraare na okoghoota amangʼana agha oronamba urwa ömöbhërë, rono rotatuubhaini kya bhono ëmëbhërë ighyabho ghyaabhömbirwë igha ghekore. Bhakashibhibhwa ku ukusikibhwa mo-morro ghotakurima amakora ghonswe igho. Ku bhuyö okobhotorrwa ikiina kuyö, kwabha ëkërëngyö ikya ukushibhibhwa.

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

Okohonyora 14:10

ömöntö uyö wonswe naraanywe idivai iya okorerra ukwa Waryobha. Idivai iyö, në-ndörö kya amarwa ghano ghataghörröywë na amanshë. Waryobha umwene naraamotoorre mo-kekombe ikya okorerra ukwaye anywe. Ömöntö uyö naraateeswe mo-morro ömörörö kai, na ubhurutu ubhwa ikibhiriiti, bhöröngë ubhwa abhamaraika abhahörëëru na bhöröngë ubhwa Omoona Ringʼöndi.

Okohonyora 14:13

Nkaighwa engamba erarwa mu-ryobha, eraghamba igha, “Andeka igha, nyakara abhantö bhano bhakukwa ukurwa bhoono igho na eno bhakumiri Omonene Yëësu.” Mbe, Umwika Ömöhörëëru uwa Waryobha akaghamba igha, “Tigha bhamuunye inyanko iyaabho eno bhaanyoora, ko bhoora amangʼana aghaabho amaiya ghano bhaakora, ngarebhasoorana.”

Okohonyora 20:11

Mbe, nkamaaha Waryobha aikaayë ku-kitumbë ekenene ekerabhu ikya ekekama. Mu-ryobha na ekebhara, bhekamwihëënërya-ho, kora tibhyamaahekana ghwiki hë.

Okohonyora 21:4

Narebheeya amaisöri. Enkaagha iyö, uruku terorebha-ho hë, kora okobhaabhayera tekorebha-ho hë. Ikikuuro tekerebha-ho hë handë ukunyahaareka, ko bhoora amangʼana agha kare ghaara, nurinyoora ghaahwa.”

Okohonyora 22:16

“Öni Yëësu, nö-öni umwebhorwa uwa omokama Daudi, nkomekameka ndë kya entorrona. Ntömirë maraika uwaane, aashe abhatëëbhi bhëënyu abhasoorani abhaane, amangʼana ghano ko okoghera iya amakanisa.”

Okohonyora 22:6

Mbe, maraika uyö akantëëbhya igha, “Amangʼana ghano, na-agha obhoheene, kora n-ga ukukumibhwa. Omonene Waryobha ono akuhuuha abharööti Umwika uwaaye, yaatömirë maraika uwaaye ökwörökya abhaköri abha emeremo abhaaye amangʼana ghano gharaabhe bhöngö hano.”

Okohonyora 22:9

Kasi we akantëëbhya igha, “Tigha, otakaakora igho! Öni wonswe m-mököri uwa emeremo murikyaho ndë. N-kya abhakumya bharikyaho abharööti ndë, na abhandë bhonswe igho bhano bhakoghoota engʼana iya eketabho keno. Ku bhuyö sengerra Waryobha umwene igho!”

Okohonyora 6:11

Mbe, bhonswe igho bhayö bhaaitirwë, bhakahaanwa sengansho sendabhu. Bhakatëëbhibhwa igha, bhaghanye hake igho okohekera hano abhakumya bharikyabho, abhaköri abha emeremo bharikyabho, bhaitwe kya bho, okore ekerengere ikyabho kehekerane.