2 Abhatësarönikë 1:5 - Imuuma Eehya

⁵ Ghayö ghonswe igho nkwörökya gharë igha, okobhotora ibhiina ukwa Waryobha, n-kwa heene. Okobhotora ibhiina kuyö nkoraaghere bhëënyu mongʼaarre okosoha mo-Bhokama ubhwaye, bhono mukunyankera.

2 Abhatësarönikë 1:5 ပူးပေါင်းရင်းမြစ်များ

Ruuka 20:35

Kasi bhaara Waryobha araamaahe igha mbaingʼarëëyë ukuryökibhwa mo-bhaku, na okomenya mu-kyaro ekehya, bhayö tebharetetana hë.

Ruuka 21:36

Ku bhuyö mwiyangarre senkaagha syonswe igho! Möghëndërri okosaasaama Waryobha, okore abhahaane obhotoro ubhwa ukwibhasha ghonswe igho ghayö gharyebhoka, na ukwemerra bhöröngë ubhwane, öni Omoona uwa Ömöntö.”

Amangʼana agha Abhatomwa 13:46

Pauro bhaana Bharinaabha, bhakabhahonshora ko obhokarë igha, “Yaarë igha motangate okoraarekerwa amangʼana agha Waryobha. Kasi ko bhono bhëënyu abheene mwangirë, moraimaaha igha timwingʼarëëyi öbhöhöru ubhwa amakora ghonswe igho hë, tigha mbe bhoono bhëëtö twisyöri okoraarekera Abhakyaro.

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Abharuumi 2:5

Hano okomaaha igha oona ekeghaaka, kora tukutuna igha ohongore ëbhëbhë ibhyaho hë, ku bhuyö nkwibheekera örë ubhushibhu, okohekera ku-rusikö roora Waryobha arebhotora ubhwa heene ibhiina ibhya abhantö.

Abharuumi 8:17

Mbe, nyoore bhëëtö m-baana abha Waryobha törë, m-bëëtö abhari abha umwandö ughwa Waryobha, hamwë na Yëësu Kiristo. Kasi bhoono keno kikutunwa, nö-köghömërrya inyaanyi kya bhono Kiristo yaaghömërrëëyi. Hayö bhoono ho törëtöönibhwa hamwë nawe.

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

Abhafiripi 1:28

Kora motakoobhohanga abhabhisa bhëënyu, okokora igho, nkwo kukwörökya igha, bho nko-nshera iya ukusikibhwa bharë, kasi bhëënyu nko-nshera iya ökötööribhwa mörë. Ghayö ghonswe igho ne-meremo ighya Waryobha.

Abhakorosaai 1:12

na eno morakumya Taata Waryobha, ko bhoora abhakörrë mobhe abhasangi abha ikitweno ikya umwandö ughwa abhantö abhaaye, mo-Bhokama ubhwaye ubhwa emerengaari.

1 Abhatësarönikë 2:14

Abhakumya bharikyëtö, ghaara ghaanyöörrë abhakumya abha Kiristo Yëësu mo-makanisa agha Waryobha mo-mokowa ughwa Yudea, ni-ighoigho na bhëënyu ghaabhanyöörrë. Abhantö abhëënyu bhaabhanyankëri, kya hano bhayö bhaanyankiibhwi na Abhayahudi bharikyabho.

2 Abhatësarönikë 1:11

Ku bhuyö nkobhasabhera törë sinsikö syonswe igho igha, Waryobha uwëëtö abhakore morengʼaane na keno yaabhabhërëkërra. Ghwiki nkobhasabhera törë igha, ko obhotoro ubhwaye, ahekerani amangʼana amaiya ghano mukutuna okokora, na okohekerania emeremo ighyënyu ghyonswe igho ighya umukumo.

2 Timoteo 2:12

Hano toraaghömërri, ntoretonga hamwë nawe. Hano toraamwange, wonswe naritwanga.

Okohonyora 15:4

Ë Omonene, ni-igha abhantö bhonswe igho bhakwobhohe, kora bhatööni iriina iryaho, ko bhoora nu-uwe umwene ömöhörëëru. Abhantö abha ibhyaro bhyonswe igho mbariisha, bhakosengerre, ko bhoora amangʼana aghaaho agha heene, nkomaahekana gharë harabhu igho.”

Okohonyora 16:7

Mbe, nkaighwa engamba erarwera ku-riighyö eraghamba igha, “M-maheene, Omonene Waryobha uwa obhotoro bhwonswe igho, ubhushibhu ubhwaho, m-bwa heene, na ubhwa obhoheene.”

Okohonyora 19:2

ko bhoora okobhotora ibhiina ukwaye, n-kwa obhoheene, na n-kwa heene. Abhötörëëyë omosooraare bhököngʼu oora ikiina, ono yaasarya ekebhara ko obhosooraare ubhwaye. Waryobha amarrë ikisiiyomba ko okoghera iya amaanyinga agha abhaköri abha emeremo abhaaye.”

Okohonyora 3:4

Kasi bhaaho abhasoorani abhake igho Saridi hayö, bhano bhataraakönia singibho isyabho ko okokora ëbhëbhë. Mbe, mbarebha hamwë na öni, bhaibhöhiibhwi singibho sendabhu, ko bhoora abhantö bhayö, mbaingʼarëëyë okokorrwa ghayö.