2 Abhatësarönikë 1:11 - Imuuma Eehya

¹¹ Ku bhuyö nkobhasabhera törë sinsikö syonswe igho igha, Waryobha uwëëtö abhakore morengʼaane na keno yaabhabhërëkërra. Ghwiki nkobhasabhera törë igha, ko obhotoro ubhwaye, ahekerani amangʼana amaiya ghano mukutuna okokora, na okohekerania emeremo ighyënyu ghyonswe igho ighya umukumo.

2 Abhatësarönikë 1:11 ပူးပေါင်းရင်းမြစ်များ

Maariko 4:28

Rirobha ndyo rekokora imbusiro iyö ikiina igho kora yaama. Nkosebhoka ërë tangata, ekora inyerenyere, emara ëhörökya ekeghara keno kekobha na seheke.

Ruuka 12:32

“Nokaanyoora te-bhaaru mörë hë, kasi motakoobhoha. Ko bhoora Suwëënyu arööshë igha, abhahaane Obhokama ubhwaye.

Abharuumi 1:9

Waryobha ono nkutighinkanera kwa nkoro ëmwë igho, hano naraarekera abhantö Amangʼana Amaiya agha Omoona uwaaye, namanyirë kya bhono nkobhasabhera nkaagha syonswe igho.

Abharuumi 11:29

Ko bhoora Waryobha yaabhahööyë na okobhangʼoora, tabhaigharanshore hë.

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

Abharuumi 8:30

Ku bhuyö abhantö bhano yaashaaghööyë, mbo yaabhërëkëëyë, akabhabhara igha m-ba heene, kora akabharaghania igha, narebhahaana ubhuhika.

1 Abhakörintö 1:8

Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

Abhaëfësö 1:16

kora tenakatighirë ukukumya Waryobha ko okoghera iya bhëënyu. Hano nasaasaama Waryobha, nkobhasabhera ndë.

Abhaëfësö 1:5

yaasëëmëri ukurwa kare igha atokore tobhe abhaana abhaaye. Yaakörrë igho, ko okohetera ko keno Yëësu Kiristo yaakörrë, ni-igho yaatunirë igha akore, na engʼana iyö ekamushomera.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

Abhafiripi 2:13

Mbe, mokorenga igho, ko bhoora Waryobha we akoghera morahansha okokora ghano akutuna mokore, kora nkobhahaana arë obhotoro ubhwa okoghakora.

Abhafiripi 3:14

Nkwiköngʼërrya ndë nhike ku-muhiko, okore ntuhwe ituho iyaane. Ituho iyö, yo Waryobha akobherekerra abhantö mu-ryobha, ko okohetera ku-Kiristo Yëësu.

1 Abhatësarönikë 1:3

Hano twabhasabhera ko-Taata uwëëtö Waryobha, nkuhiita törë umukumo ughwënyu ko amangʼana ghano mokokora. Torahiita omotono ughwa righonshe ghono moonagho, na kya igho monaghirë ku ubhweseghe bhono moonabho ko-Monene uwëëtö Yëësu Kiristo.

2 Abhatësarönikë 1:5

Ghayö ghonswe igho nkwörökya gharë igha, okobhotora ibhiina ukwa Waryobha, n-kwa heene. Okobhotora ibhiina kuyö nkoraaghere bhëënyu mongʼaarre okosoha mo-Bhokama ubhwaye, bhono mukunyankera.

2 Abhatësarönikë 2:14

Waryobha yaabhabhërëkëëyë, okore munyoore öbhötöörya bhuyö okohetera ko Amangʼana Amaiya ghano twaabharaarëkëëyë. Abhabhërëkëëyë okore munyoore ubhuhika ubhwa Omonene uwëëtö Yëësu Kiristo.

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

Abhaëbhuraania 3:1

Mbe, bhëënyu abhakumya abhahörëëru bharikyane, bhano Waryobha yaashaaghora igha mobhe abhantö abhaaye, mwitegherre bhuuya amangʼana agha Omotomwa Yëësu Kiristo, ono arëngë Omonene uwa abhasëngëri uwa umukumo ghono tukwikërrya.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

Okohonyora 3:4

Kasi bhaaho abhasoorani abhake igho Saridi hayö, bhano bhataraakönia singibho isyabho ko okokora ëbhëbhë. Mbe, mbarebha hamwë na öni, bhaibhöhiibhwi singibho sendabhu, ko bhoora abhantö bhayö, mbaingʼarëëyë okokorrwa ghayö.

Okohonyora 5:10

Uwe waakörrë abhantö bhano bhabhe abha Obhokama ubhwa Waryobha uwëëtö, bhabhe abhasëngëri abha okomokorra emeremo, mbaraatonge ekebhara keno.”