2 Abhatësarönikë 1:10 - Imuuma Eehya

¹⁰ Urusikö roora Omonene Yëësu arikyora, narëtöönibhwa na abhantö abhaaye, kora naresookwa na abhantö bhonswe igho bhano bhakumukumya. Na bhëënyu bhonswe moreebha-mo, ko bhoora mwikërëëyi engʼana eera twaabhatëëbhëri.

2 Abhatësarönikë 1:10 ပူးပေါင်းရင်းမြစ်များ

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 16:28

No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatandööshë öni Omoona uwa Ömöntö, ndaasha ko-Bhokama ubhwane.”

Mataayo 24:36

Yëësu akaghëndërrya okobhatëëbhya, akaghamba igha, “Kasi urusikö ruyö na enkaagha iyaako, taaho ömöntö amanyirë hë, mbakaabha abhamaraika abha mu-ryobha, handë Omoona uwa Waryobha, kasi Taata Waryobha, we umwene igho amanyirë.

Mataayo 25:31

Ghwiki Yëësu akaghëndërrya ukushumaasha na abheegha abhaaye, akabhatëëbhya igha, “Hano ndiisha öni Omoona uwa Ömöntö neena ubhuhika ubhwane, hamwë na abhamaraika bhonswe igho, hayö bhoono ho ndikara ku-kitumbë ikya ekekama.

Mataayo 7:22

Urusikö urwa okobhotorrwa ikiina hano rurihika, abhantö abhaaru mbarëntëëbhyanga igha, ‘Omonene uwëëtö! Omonene uwëëtö! Kasi tomanyirë igha bhëëtö ntwaaruusiri öbhörööti, tokaata na amasambwa ku iriina iryaho, kora tokakora amakono amaaru?’

Ruuka 10:12

Keno nkobhatëëbhya ni-igha, hano Waryobha arebhotorra abhantö abha ko-kebhara kono ibhiina ibhyaho, narishibhya abhantö abha mu-mughi ghuyö, okokera bhono arishibhya abhantö abhatëëyu abha Sodoma.”

Yohana 11:4

Hano Yëësu yaaighuurë amangʼana ghayö, akaghamba igha, “Öbhörööyë bhuyö tibhumwite hë, kasi öbhörööyë bhuyö, nu-bhwa ukwörökya ubhuhika ubhwa Waryobha. Naröörrë, okore abhantö bhansooke öni Omoona uwa Waryobha, ko okohetera öbhörööyë bhuyö.”

Yohana 17:10

Abhantö abhaane bhonswe igho, na-bhaaho. Na abhantö abhaaho bhonswe igho na-bhaane. Ku bhuyö nyöörrë ubhuhika okohetera ko-bhantö bhayö.

1 Abhakörintö 1:6

Ghayö nkwörökya gharë igha, amangʼana agha Yëësu Kiristo ghano twaabharaarëkëëyë na-agha obhoheene.

1 Abhakörintö 3:13

Ubhuuya ubhwa omoremo ughwa kera ömöntö, mboremaahekana harabhu igho. Urusikö roora urwa okobhotora ikiina, emeremo ghyonswe igho ngeremaahekana harabhu igho, ko bhoora omoremo ughwa kera ömöntö, ngurishaashibhwa ko okohetera mo-morro ughwa okobhotorra ibhiina.

Abhagharatia 1:24

Mbe, bhakatöönia Waryobha ko okoghera iya ghano yaankorra.

Abhaëfësö 1:12

Akakora igho okore bhëëtö Abhayahudi bhano törëngë abha mbere ukwesegha Yëësu Kiristo, tukumi Waryobha na ökömötöönia.

Abhaëfësö 1:14

Umwika Ömöhörëëru uyö, n-kya ekebhete ikya Waryobha kö-bhëëtö igha, Waryobha naretohaana ëbhëntö ibhyëndë bhyonswe igho, bheno yaaraghaini igha, aretohaana. Umwika Ömöhörëëru uyö, we ono Waryobha yaatoora-ho okohekera hano aritutungurya bhëëtö abhantö abhaaye. Ku bhuyö ni-igha tumukumi ku ubhuhika ubhwaye.

Abhaëfësö 1:18

Ghwiki nkobhasabhera ndë igha, abhatöörri momanye obhoheene, okore momanye ubhweseghe bhono yaaraghaini kö-bhëënyu hano yaabhabhërëkëëyë. Momanye ubhwaru ubhwa obhongʼoore ubhwaye bhono yaaraghaini igha akaahaayë abhantö abhaaye.

Abhaëfësö 1:6

Ku bhuyö ni-igha tumukumi, ko okoghera iya örööbhö urwaye urwa ököröghöörya, rono yaatohaayë bhosa igho okohetera ku-Kiristo Yëësu ono Waryobha ahanshirë.

Abhaëfësö 2:7

Waryobha yaakörrë ghayö, okore aashe ukwörökya ekebhara ubhwamë ubhwa örööbhö urwaye, rono rotakorengʼaanibhwa na kyokyonswe keera ko amaabhë aghaaye, kö-bhëëtö bhano toona öbhömwë na Kiristo Yëësu.

Abhaëfësö 3:10

Yaakörrë igho, okore okohetera mo-kanisa ko bhoono igho, obhongʼaini ubhwa Waryobha ubhwa seteemo nsharu, bhomanywe na abhatöngi na abha ubhwera bhano bhakotonga ahasë hano hatakomaahwa.

Abhaëfësö 3:16

Nkobhasaasaamera ndë ku-Waryobha igha, ku ubhuhika ubhwaye ubhwaru bhono aanabho, Umwika Ömöhörëëru abhahaane singuru, mokongʼe mo-senkoro isyënyu,

1 Abhatësarönikë 1:5

Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

1 Abhatësarönikë 2:1

Abhakumya bharikyëtö, bhëënyu abheene mmomanyirë igha, ukuusha kö-bhëënyu hayö, tekwaare kwa bhosa hë.

1 Abhatësarönikë 2:12

Ntwaabhatoghekanga mo-senkoro, torabhatërëmya na okobhakangʼasërrya, okore igha, mokore ghano Waryobha ahanshirë. Waryobha uyö, we akobhabherekera okore mosohe mo-Bhokama na mu-bhuhika ubhwaye.

1 Abhatësarönikë 2:13

Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

2 Abhatësarönikë 1:12

Ni-igho tokosabha, okore iriina irya Omonene uwëëtö Yëësu, rëtöönibhwinga okohetera kö-bhëënyu. Kora bhëënyu mötöönibhwinga ko okoghera iya Yëësu. Ghayö ngarebha ko okoghera iya örööbhö urwa Waryobha uwëëtö, na urwa Omonene Yëësu Kiristo.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

2 Timoteo 1:12

Kiyö nkyo kekoghera ndanyanka. Kasi tenkosookera inyanko iyö hë, ko bhoora nemanyirë ono naakumya. Ghwiki nemanyirë igha, amangʼana agha obhoheene ghano Yëësu Kiristo yaangʼaana, nkogharenda arë bhuuya okohekera urusikö roora arikyora.

2 Timoteo 1:18

Na uwe wonswe nomanyirë bhuuya, amangʼana amaaru ghano yaankörëëyë mu-mughi ughwa Ëfësö hayö. Omonene Yëësu aashe kumwabhera urusikö roora urwa okobhotora ibhiina.

2 Timoteo 4:8

Bhoono keno kitighaayë, no-kohaanwa ikirighi ikya heene. Omonene Yëësu, ono akobhotora ibhiina ubhwa heene, narekengʼaana urusikö roora arikyora. Tö-öni umwene igho hë, kasi na abhandë bhonswe igho bhano bhakwitengʼera bhököngʼu ukukyora ukwaye.

1 Peetero 2:9

Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.