2 Abhakörintö 9:15 - Imuuma Eehya

¹⁵ Waryobha akumibhwi ko okoghera iya ituho iyaaye eno ëhëtërëëyë bhyonswe igho.

2 Abhakörintö 9:15 ပူးပေါင်းရင်းမြစ်များ

Ruuka 2:14

“Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Ruuka 2:38

Hano Simeoni yaashumaashanga na Maryamu, Ana yaaimërëëyë haangʼë hayö. Akasimya ukukumya Waryobha enkaagha iyöiyö. Akaraareka amangʼana agha omoona uyö ko-bhantö bhonswe igho bhano bhaaghanyanga igha, Waryobha naritungurya Yërusarëëmu.

Yohana 1:16

Ko okorengʼaana na obhohekeranu ubhwaye, abhantö bhonswe igho twaanyoora örööbhö, kö rööbhö urwöndë.

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Abharuumi 5:15

Kasi riragha irya ëkëbhë keno Adamu yaakörrë, ne-ngʼana enke bhököngʼu hano wagherengʼania na örööbhö urwa Waryobha rono Yëësu Kiristo yaatoreetera. Örööbhö urwa Waryobha ruyö, teroona ekerengere hë. Maaha mbe igha, Adamu yaareetera abhantö uruku, ko okoghera iya ëkëbhë ikyaye. Kasi Yëësu Kiristo, we yaareetera abhantö örööbhö urwa ukwabherwa ëbhëbhë ibhyabho, bhanyoore öbhöhöru.

Abharuumi 6:23

Ömöntö wowonswe ono akobha omoghorwa uwa ëbhëbhë, ehoorohooro iyaaye, nu-ruku urwa amakora ghonswe igho. Kasi bhëëtö, Waryobha nkotohaana arë öbhöhöru ubhwa amakora ghonswe igho. Öbhöhöru ubhwa amakora ghonswe igho bhuyö, tebhokohakerwa hë, kasi nkohaanwa törë ituho iyö, ko okoghera iya okoghootana ukwëtö na Omonene uwëëtö Kiristo Yëësu.

Abharuumi 8:32

Waryobha tiyaabhaayë na ikyabhera ko-Moona uwaaye hë, kasi akamokora abhe ikimwenso ko okoghera iya bhëëtö bhonswe igho. Ko bhoora igha, yaakora Omoona uwaaye abhe ikimwenso ikyëtö, ku bhuyö naretongʼoora obhongʼoore ubhwa amangʼana amaiya ghonswe igho, okohetera ku-uyö.

1 Abhakörintö 15:57

Kasi bhoono ni-igha tukumi Waryobha ono akotohaana obhotoro ubhwa okobhaaha okohetera ko-Monene uwëëtö Yëësu Kiristo.

2 Abhakörintö 2:14

Kasi tukumi Waryobha ono aköghëndërrya okototangata senkaagha syonswe igho ku ukushengera obhobhaahi ubhwa Yëësu Kiristo. Waryobha nkoghera arë abhantö ahasë honswe igho, bhamanya Yëësu Kiristo okohetera kö-bhëëtö, nkobha ërë kya ukurumbaasa ukwa ikirumba ikiiya.

2 Abhakörintö 9:11

Moraamëhibhwi kö-bhëntö ibhyaru, okore möghëndërri okobha abhantö abha ökösërëënia abhantö abhandë nkaagha syonswe igho. Hayö ho abhantö bharaakumi Waryobha ko okoghera iya ëbhëntö bheno tokobhaherra.

2 Abhakörintö 9:14

Engʼana iyö, neraaghere bhaabhasabherenga ku-Waryobha kwa okobhaighomba, ko okoghera iya örööbhö urwaru rono Waryobha yaabhahaana.

Abhaëfësö 5:20

Mukuminga Taata uwëëtö Waryobha nkaagha syonswe igho, ko amangʼana ghonswe igho, ko okoghera iya amangʼana ghano Omonene uwëëtö Yëësu Kiristo yaakora.

Yaakobho 1:17

Ëkëntö ikiiya kyokyonswe keno tokohaanwa, mu-ryobha kikurwa, ku-Waryobha Ömöbhömbi uwa emerengaari. We takwisyöryasyörya kya ikiiriiri hë.

Okohonyora 4:9

Ëbhëntö ibhine bhiyö bhekoheeshera, bhyaatöönianga, bherasooka na ukukumya oora yaaikaayë ku-kitumbë ikya ekekama, ono aaho amakora ghonswe igho.