2 Abhakörintö 8:7 - Imuuma Eehya

⁷ Bhëënyu m-baamë mörë abha bhyonswe igho, m-baamë mörë abha umukumo, obhoraarëki ubhwa engʼana, obhomanyi, omotono na righonshe iryënyu kö-bhëëtö, ni-ighoigho tukutuna kora igha mobhe abhaamë abha enkoro iya okokora igho.

2 Abhakörintö 8:7 ပူးပေါင်းရင်းမြစ်များ

Mataayo 25:22

“Omoghorwa oora yaahaaywë setaranta ibhërë, wonswe akareeta setaranta ibhërë seera, na ibhërë isyëndë isya ehoorohooro iyaako. Akatëëbhya omonene uwaaye igha, ‘Omonene, waantëghëëyë setaranta ibhërë, okore nsekorre emeremo, tamaaha naanyoora-mo setaranta ibhërë isyëndë ehoorohooro iyaako.’

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

1 Abhakörintö 1:5

Ko okobha na öbhömwë na Yëësu Kiristo, mwamëhirë ko obhoghambi bhwonswe igho, na ko obhongʼaini bhwonswe igho.

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

1 Abhakörintö 13:2

Ghwiki nekaabha na obhotoro ubhwa ukuruusya öbhörööti, kora mmanye imbumbure na amangʼana ghonswe igho, nenkaabha na umukumo omonene, ughwa okotora okongʼaanya singuku, kasi nyoore ntaana righonshe, m-bosa.

1 Abhakörintö 13:8

Righonshe terekotemboka hë. Kasi hano oraanyoore öbhörööti bhooho, nkusika bhörë, hano oraanyoore ebheghambo ebhehya bheeho, nkusika bhërë, hano oraanyoore obhomanyi ubhwa amangʼana bhooho, nkusika bhörë.

1 Abhakörintö 14:12

Ni-ighoigho ekobha kora na kö-bhëënyu bhonswe. Ko bhono mukutuna bhököngʼu igha mobhe na ituho iya Umwika Ömöhörëëru, mokore omotono ughwa ukughinyoora, okore ekenene bhëënyu ekanisa, motoghekane.

1 Abhakörintö 4:7

Bhoono uwe n-nawë yaakokora obhe uwa heene okokera abhandë? N-kë onakyo keno otaahaanwa na Waryobha? Nyoore waahaanwa, n-kwakë ukwibhaaka kya ono otaahaanwa?

2 Abhakörintö 7:7

Ti-igha ntwaashömëëywë ku ukuusha ukwa Tiito ukwene igho, kasi na kya igho mwaamöröörësëri. Yaatötëëbhëri kya bhono mukwighomba okommaaha, na kya bhono mokobhaabhayera, na omotono ughwënyu ghono moonagho ko okoghera iya öni. Ghayö ngo ghakörrë nshömëëywë bhököngʼu.

2 Abhakörintö 8:6

Ko bhoora Tiito we yaasëmööyë engʼana iyö kö-bhëënyu hayö, ku bhuyö tokamosaasaama igha, aashe iyö abhatöörri, momarërri engʼana iya örööbhö iyö.

2 Abhakörintö 9:14

Engʼana iyö, neraaghere bhaabhasabherenga ku-Waryobha kwa okobhaighomba, ko okoghera iya örööbhö urwaru rono Waryobha yaabhahaana.

2 Abhakörintö 9:8

Hayö ho Waryobha araabhangʼoore bhököngʼu, okokera bhono mukutuna, okore nkaagha syonswe igho, mobhe na kera ëkëntö keno mukutuna. Ni-igho araabhakorre, okore möghëndërri okokora amangʼana amaiya amaaru agha ökötöörrya abhantö.

Abhaëfësö 4:29

Motakaaghambanga amangʼana amaghogho. Kasi moghambenga amangʼana amaiya ghano ghakotogheka mukumo ughwa bharikyënyu.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Abhafiripi 1:9

Nkobhasabhera ndë ku-Waryobha igha, righonshe iryënyu rëghëndërri ukwaruha bhököngʼu, kora mobhe na obhongʼaini na okomanya amangʼana,

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

2 Timoteo 2:1

Mbe, uwe omoona uwaane ku-mukumo ghono tokosanga, obhe na singuru kö örööbhö rono tukunyoora ku ukukumya Kiristo Yëësu.

Abhaëbhuraania 12:28

Ku bhuyö tukuminga Waryobha, ko bhoora atwikërëëyi tobhe mo-Bhokama ubhwaye bhono bhotakusingisa. Tosaasaamenga Waryobha, ko nshera eno ikumushomera iya ubhwihöötu na okomosooka.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

Okohonyora 3:17

Moraghamba igha, ‘M-baamë törë. Twaniibha bhököngʼu. Ëbhëntö bhyonswe igho ntoonabhyo, tetokobhorwa ëkëntö hë!’ Kasi temomanyirë igha m-batëntëëru mörë, m-bakwabherwa mörë, öbhötöbhu na ubhuhukuru nu-bhwënyu, kora n-kengʼaabhi mörë.