2 Abhakörintö 8:23 - Imuuma Eehya

²³ Mbe, hano ömöntö araatune okomanya amangʼana agha Tiito, Tiito uyö, nö-mököri uwa emeremo murikyane kö-bhëënyu. Na abhandë bhayö, m-barikyëtö, ekanisa yo ebhatömirë okore Kiristo atöönibhwi.

2 Abhakörintö 8:23 ပူးပေါင်းရင်းမြစ်များ

Ruuka 5:10

Yaakobho na Yohana bhamura abha Zebhedaayo, bhano bhaarë mu-bhwato ubhwöndë, mbaarë na öbhömwë na Simööni ko-mangʼana agha öbhötëghi. Abheene bhonswe, ghayö ngaabharöghöörri. Yëësu akatëëbhya Simööni igha, “Uwe otakoobhoha. Uwe m-möghökööri uwa sinswë örë, kasi ukurwa reero, na-bhantö oraaghokoorenga.”

Ruuka 5:7

Ku bhuyö bhakakobhakobha bharikyabho bhano bhaarë mu-bhwato ubhwöndë, bhaashe okobhatöörrya. Hano bhaaishirë, mbaaishööyi amaato ghonswe igho abhërë sinswë, kora hake igho bhakwererre.

Yohana 13:16

No-bhoheene nkobhatëëbhya igha, omoghorwa, taatore okobha omonene kokera omonene uwaaye. Omotomwa, te-monene okokera ono amötömirë.

1 Abhakörintö 11:7

Ti-bhuuya umushaasha akundikiiri ëkëntö ko-motwe, ko bhoora we ni-tuubho na ubhuhika ubhwa Waryobha. Kasi omokari ne-merengaari ighya mushaasha uwaaye.

2 Abhakörintö 12:18

Naasaasaamirë Tiito aashe kö-bhëënyu. Naatömirë umukumya murikyëtö aashe nawe hamwë kö-bhëënyu iyö. Tiito yaabharuusiri ëkëntö kyokyonswe keera? Kasi temokomaaha igha, öni na Tiito n-këntö këmwë törë ko okokora emeremo? Eteemo iyëëtö në-ëmwë.

2 Abhakörintö 7:6

Kasi Waryobha ömöröörësya uwa bhano bhabhaabhayëëyë, yaatohaayë singuru hano Tiito yaaishirë.

2 Abhakörintö 8:16

Nkukumya ndë Waryobha, ono yaakora Tiito abhe na omotono ughwa okobhangarra, kya bhono öni nkobhangarra.

2 Abhakörintö 8:18

Hamwë na uyö, nkotoma törë umukumya murikyëtö ono akukumibhwa na amakanisa ghonswe igho, ko-meremo ighyaye, ighya okoraareka Amangʼana Amaiya.

2 Abhakörintö 8:19

Umukumya murikyëtö uyö, kora we yaashaaghorwa na amakanisa igha, ahinanenga na bhëëtö ko-roghendo urwa okohaheenera abhakumya abha Yërusarëëmu. Emeremo ighya örööbhö ghiyö, gheraghera Omonene Waryobha atöönibhwi, ghwiki nkwörökya ërë kya bhono toona omotono ughwa ökötöörrya abhantö abhandë.

2 Abhakörintö 8:22

Toratoma na umukumya murikyëtö uwöndë hamwë na bhaabho Tiito. Nkomaaha törë igha, umukumya murikyëtö uyö, m-mara kaaru akwörökya igha, aana omotono ughwa okokora emeremo, kora bhoono igho, nkwighomba arë bhököngʼu, ko bhoora aana ubhweseghe obhonene kö-bhëënyu.

2 Abhakörintö 8:6

Ko bhoora Tiito we yaasëmööyë engʼana iyö kö-bhëënyu hayö, ku bhuyö tokamosaasaama igha, aashe iyö abhatöörri, momarërri engʼana iya örööbhö iyö.

Abhafiripi 2:25

Bhoono nkomaaha ndë igha, m-buuya ntome Epafurodito kö-bhëënyu, we nu-mukumya murikyane, nkokora arë emeremo ighya Waryobha hamwë na öni. Ntoona omotono kya abhasirikare ku ukwitanera Amangʼana Amaiya. Ghwiki uyö, we mwaatömirë ku-öni, aashe ukuntighinkanera, na ököntöörrya ëbhëntö bheno bhikunsuuha.

Abhafiripi 4:3

Kora uwe ömöntö uwa heene, ömököri uwa emeremo murikyane, ndakosabha ötöörri abhakari abhabhërë bhayö, bhabhe ikiina ëkëmwë. Bhayö bhonswe igho bhabhërë, mbaarë na omotono bhököngʼu hamwë na öni ughwa okoraareka Amangʼana Amaiya agha Yëësu Kiristo ko-bhantö. Ghwiki abhakari bhayö, mbaakörrë emeremo hamwë na Kërëmënti na abhantö abhandë, abhaköri abha emeremo bharikyane. Amariina agha abhantö bhayö bhonswe igho, ngaandëkirwë mo-Ketabho ikya Öbhöhöru.

Abhakorosaai 1:7

Amangʼana Amaiya ghayö mwëëghibhwa na Epafura. Epafura uyö, m-moghonshe uwëëtö, ömököri uwa emeremo murikyëtö, kora m-möntö uwa heene, ko okokorra Kiristo emeremo ko okoghera iya bhëëtö.

1 Abhatësarönikë 2:2

Ghwiki mmomanyirë igha, enkaagha eno waanyöörrë totaraahika kö-bhëënyu, ntwaanyankiibhwi bhököngʼu, kora tokatokwa mu-mughi ghoora ghokobherekerwa igha Firipi. Nokaanyoora twaarëbhërrëywë bhököngʼu igha totakaasha kö-bhëënyu, kasi Waryobha yaatohaayë singuru isya okoraareka Amangʼana aghaaye Amaiya kö-bhëënyu.

2 Timoteo 4:10

ko bhoora Dema, yaantigha. Dema uyö, yaahansha amangʼana agha ko-kebhara kono, akamaaha igha aghende mu-mughi ughwa Tësarönikë. Kiresike, yaghëëyë mo-mokowa ughwa Gharatia, na Tiito, yaghëëyë mo-mokowa ughwa Darimatia.

Tiito 1:4

Tiito nu-uwe nkwandekera. Uwe m-maheene igha, m-moona uwaane örë ku-mukumo ghono tokosanga. Örööbhö na omorembe bheno bhikurwa ku-Waryobha Taata uwëëtö, na ku-Kiristo Yëësu Ömötöörya uwëëtö, bhebhe hamwë na uwe.

Firimoni 1:17

Mbe, nyoore omanyirë igha öni na uwe n-këntö këmwë törëngë, umwikërri kya bhono okaanyikërëëyi öni.

Firimoni 1:24

Kora abhaköri abha emeremo bharikyane, Maariko bhaana Arisitariko, Dema na Ruuka, bhonswe bharakökëërya.

3 Yohana 1:8

Ku bhuyö bhëëtö Abhakiristo, ni-igha tötöörringa abhantö kya bhayö. Hano toraakore igho, nkunyoora örë toghootaini nabho hamwë ko-meremo ighya okoraareka obhoheene.