2 Abhakörintö 8:19 - Imuuma Eehya

¹⁹ Umukumya murikyëtö uyö, kora we yaashaaghorwa na amakanisa igha, ahinanenga na bhëëtö ko-roghendo urwa okohaheenera abhakumya abha Yërusarëëmu. Emeremo ighya örööbhö ghiyö, gheraghera Omonene Waryobha atöönibhwi, ghwiki nkwörökya ërë kya bhono toona omotono ughwa ökötöörrya abhantö abhandë.

2 Abhakörintö 8:19 ပူးပေါင်းရင်းမြစ်များ

Amangʼana agha Abhatomwa 14:23

Pauro bhaana Bharinaabha bhakabha bharashaaghora abhaghaaka abhatangati abha ekanisa, mo-makanisa ghonswe igho ghano bhaahetanga-mo. Bhakaisasa ibhyakorya bharabhasabhera bharendwe na Omonene Yëësu ono bhaakumiri.

Amangʼana agha Abhatomwa 15:22

Abhatomwa abha Yëësu bhayö, abhaghaaka abha ekanisa, na abhakumya abhandë abha Yërusarëëmu hayö, bhakabhotora ikiina igha, bhashaaghore abhantö bhano bharaahinane na bhaabho Pauro Antiökia iyö. Ku bhuyö, bhakashaaghora abhatangati bhabhërë, Yuuda ono yaabherekerwanga igha, Bharisabha, na uwöndë ono yaabherekerwanga igha, Siira.

Amangʼana agha Abhatomwa 15:25

Mbe, amangʼana ghayö ngo ghaghërrë tokamaaha igha, tushaaghore abhantö bhano toraatome iyö, bhareetane hamwë na abhaghonshe abhëëtö, Bharinaabha bhaana Pauro. Ntökörrë igho, hano tomarrë kwighwerrana.

Amangʼana agha Abhatomwa 19:22

Ku bhuyö akatoma abhatöörrya abhaaye bhabhërë, Timoteo na Erasito, igha bhatangate ukughya Makedonia, we akatighara Asia Enke hayö sinsikö nke igho.

Amangʼana agha Abhatomwa 19:29

Umughi ughwa Ëfësö ghonswe igho, ghokaromaana riihë. Abhantö bhakaghoota Ghaayo bhaana Arisitariko, Abhamakedonia bhano bhaarë hamwë na Pauro ko-roghendo, bhakasoha nabho mu-righari reno abhantö bhaakorranga-mo ëmëhöörwë.

Abharuumi 5:11

Te-ngʼana iyö iyeene igho hë, kasi Waryobha atökörrë tushomerwe bhököngʼu, ko bhoora Omonene uwëëtö Yëësu Kiristo, yaakora twaighwerrana na Waryobha.

Abharuumi 5:3

Bhoono kora ntokaanyoora inyanko, kasi tushomerwenga, ko bhoora ntomanyirë igha inyanko iyö, nkotokora ërë töghömërri ku-mukumo ughwëtö.

2 Abhakörintö 4:15

Inyanko yonswe igho eno tukunyoora, n-ko okoghera iya bhëënyu, okore örööbhö urwa Waryobha, rwaruhe na okohekeera abhantö abhaaru, kora abhantö bhayö bhakumi bhököngʼu Waryobha na ökömötöönia.

2 Abhakörintö 8:11

Bhoono ni-igha, momarërri keno mwaasëmööyë okokora kya bhono mwaaighombanga, mokore omotono ughwa ukuruusya ëbhëntö ko okorengʼaana na ëbhëntö bheno moonabhyo.

2 Abhakörintö 8:12

Hano wanyoora ömöntö aana omotono ughwa ökötöörrya, Waryobha nkwikërrya arë ko okorengʼaana na ekerengere kiyö aanakyo. Waryobha tamutune aruusi keno aataanakyo.

2 Abhakörintö 8:20

Nkutuna törë twitashe hare na risoro ryoryonswe reera, irya emeremo gheno, ighya ökösërëënia abhantö.

2 Abhakörintö 9:2

ko bhoora, nemanyirë kya bhono mukwighomba okobhatöörrya. Öni naaihashanga ko-bhantö abha Makedonia ko okoghera iya bhëënyu, naabhatëëbhyanga igha, “Abhantö abha Akaaya, mbaaisëëmëri ukuruusya, ukurwa mooka.” Eteemo iyö, yaaghërrë abhantö abhandë abhaaru, bhonswe bhakaighomba ukuruusya.

2 Abhakörintö 9:8

Hayö ho Waryobha araabhangʼoore bhököngʼu, okokera bhono mukutuna, okore nkaagha syonswe igho, mobhe na kera ëkëntö keno mukutuna. Ni-igho araabhakorre, okore möghëndërri okokora amangʼana amaiya amaaru agha ökötöörrya abhantö.