2 Abhakörintö 8:12 - Imuuma Eehya

¹² Hano wanyoora ömöntö aana omotono ughwa ökötöörrya, Waryobha nkwikërrya arë ko okorengʼaana na ekerengere kiyö aanakyo. Waryobha tamutune aruusi keno aataanakyo.

2 Abhakörintö 8:12 ပူးပေါင်းရင်းမြစ်များ

Mataayo 25:17

Ighoigho na uwa kabhërë oora yaahaaywë setaranta ibhërë, wonswe akakora ibhyashara, akanyoora-mo ibhërë isyëndë.

Mataayo 25:22

“Omoghorwa oora yaahaaywë setaranta ibhërë, wonswe akareeta setaranta ibhërë seera, na ibhërë isyëndë isya ehoorohooro iyaako. Akatëëbhya omonene uwaaye igha, ‘Omonene, waantëghëëyë setaranta ibhërë, okore nsekorre emeremo, tamaaha naanyoora-mo setaranta ibhërë isyëndë ehoorohooro iyaako.’

Ruuka 16:10

“Ömöntö wowonswe igho uwa heene ku ukwimererra engʼana enke, nkobha arë uwa heene, kora ku-bhwimërërri ubhwa amangʼana amanene. Ni-ighoigho ono atarëngë omoheene ku ukwimererra engʼana enke, te-moheene ku-bhwimërërri ubhwa amangʼana amanene hë.

2 Abhakörintö 8:11

Bhoono ni-igha, momarërri keno mwaasëmööyë okokora kya bhono mwaaighombanga, mokore omotono ughwa ukuruusya ëbhëntö ko okorengʼaana na ëbhëntö bheno moonabhyo.

2 Abhakörintö 8:13

Keno nkutuna ti-igha, bhëënyu munyanke kö ökötöörrya abhandë, kasi abhandë bhanyoore ehoorohooro kö-bhëënyu, a a,

2 Abhakörintö 8:19

Umukumya murikyëtö uyö, kora we yaashaaghorwa na amakanisa igha, ahinanenga na bhëëtö ko-roghendo urwa okohaheenera abhakumya abha Yërusarëëmu. Emeremo ighya örööbhö ghiyö, gheraghera Omonene Waryobha atöönibhwi, ghwiki nkwörökya ërë kya bhono toona omotono ughwa ökötöörrya abhantö abhandë.

2 Abhakörintö 9:7

Kera ömöntö aruusi kya bhono akutuna mo-nkoro iyaaye, atakaaruusya kwa okobhaabhayera handë kwa ukusingʼirribhwa, ko bhoora Waryobha, nahanshirë ömöntö ono akuruusya kwa nkoro nshiiya.

1 Peetero 4:10

Kera ömöntö naana ituho iyaaye eno yaahaanwa na Waryobha. Bhoono ni-igha aghekorre emeremo bhuuya ko ökötöörrya bharikyaye. Akorenga igho kya umwimërërri umuuya uwa örööbhö urwa Waryobha urwa seteemo nsharu.