2 Abhakörintö 8:10 - Imuuma Eehya

¹⁰ Ëkëntö ikiiya keno nkabharaghërrya ko engʼana iyö, ni-igha, omooka ghwahëtirë, kerenga haara mwaarë abha mbere, ti-ku ukuruusya ëbhëntö ukwene igho, kasi kora igha, mwaaighombanga okokora engʼana iyö.

2 Abhakörintö 8:10 ပူးပေါင်းရင်းမြစ်များ

Mataayo 10:42

Ömöntö wowonswe ono akohaana ömöntö uwa inyonta amanshë amamititu agha ukunywa mo-kekombe ko bhoora igha ömöntö uyö m-mosoorani uwaane, no-bhoheene nkobhatëëbhya igha, wonswe Waryobha narimutuha.”

Yohana 11:50

Kasi temomanyirë igha, nyakara ömöntö ömwë akwe ko okoghera iya abhantö bhonswe igho, okore ikyaro ketakaasikibhwa?

Yohana 16:7

“Nkobhatëëbhya ndë obhoheene igha, m-buuya kö-bhëënyu hano öni ndaaghi ko-Taata, kasi hano ntaaghi-yo, Ömötöörrya oora naabhatëëbhëri taashe hë. Kasi hano ndaaghi, nendaamotome aashe kö-bhëënyu.

Yohana 18:14

Kayafa uyö we oora yaaraghërrëëyi abhatangati abha Abhayahudi ekembere igha, nyakara ömöntö ömwë akwe, ko okoghera iya abhantö bhonswe igho.

1 Abhakörintö 10:23

Abhantö bharaghamba igha, “Ëbhëntö bhyonswe igho, m-biiya bhiiki.” Kasi te-bhyonswe igho bheena ubhwera hë. “Ëbhëntö bhyonswe igho m-biiya bhiiki,” kasi te-bhyonswe igho bhekohaghaasha umukumo ughwa ömöntö.

1 Abhakörintö 16:2

Urusikö urwa Jumapiri, kera ömöntö mö-bhëënyu, abheeke eheke iyaaye ko bheno akunyoora, okore hano ndiisha, omosorro ghotakaasha okobha-ho.

1 Abhakörintö 6:12

Abhantö abhandë bharaghamba igha, “Ëbhëntö bhyonswe igho m-buuya bhërë ku-öni,” kasi öni ndaghamba igha, te-bhyonswe igho bheena ehoorohooro hë. Ghwiki nkoghamba bharë igha, “Ëbhëntö bhyonswe igho m-buuya bhërë ku-öni,” kasi öni tentore okobha omoghorwa uwa ëkëntö kyokyonswe igho hë.

1 Abhakörintö 7:25

Bhoono ko amangʼana agha abhahara bhano bhataraatetwa, teneena engʼana iya Omonene iya okobharaghërrya. Kasi nkobharaghërrya ndë bhono öni nkomaaha, ko bhoora ko okoghera iya ikyabhera ikya Omonene, m-möntö uwa heene ndë.

1 Abhakörintö 7:40

Kasi nyakara umusinö uyö aikare igho atatëtirwë. Ghayö na-maitegherro aghaane, ndamanya öni wonswe nu-Mwika uwa Waryobha we akontangata ngambe amangʼana ghayö.

2 Abhakörintö 12:1

Ni-igha niikumi, nokaanyoora igha ti-bhuuya hë. Kasi nendaahekeere amamaaho ghano nkomaaha na obhohonyoro ubhwa amangʼana ukurwa ko-Monene.

2 Abhakörintö 8:6

Ko bhoora Tiito we yaasëmööyë engʼana iyö kö-bhëënyu hayö, ku bhuyö tokamosaasaama igha, aashe iyö abhatöörri, momarërri engʼana iya örööbhö iyö.

2 Abhakörintö 8:8

Tenkoghamba igho, okore mbahamërri, kasi nkutuna ndë mmaahe nyoore righonshe iryënyu, ni-irya obhoheene ko okobhatëëbhya amangʼana agha omotono ughwa abhantö abhandë.

2 Abhakörintö 9:2

ko bhoora, nemanyirë kya bhono mukwighomba okobhatöörrya. Öni naaihashanga ko-bhantö abha Makedonia ko okoghera iya bhëënyu, naabhatëëbhyanga igha, “Abhantö abha Akaaya, mbaaisëëmëri ukuruusya, ukurwa mooka.” Eteemo iyö, yaaghërrë abhantö abhandë abhaaru, bhonswe bhakaighomba ukuruusya.

Abhafiripi 4:17

Motakaakanya igha nkobhatëëbhya ndë igho, okore möghëndërri okondeetera ëbhëntö, ti-igho hë. Kasi keno nkutuna ni-igha, Waryobha abhangʼoore okohetera ökösërëënia ukwënyu.

Abhaëbhuraania 13:16

Motakeebha okokora amangʼana amaiya na okoghootana tobhe këntö këmwë, ko bhoora ikimwenso kya kiyö, nkyo këkötëghërya Waryobha.