2 Abhakörintö 7:9 - Imuuma Eehya

⁹ Bhoono nshömëëywë, ti-igha n-ko okoghera iya bhono mwaabhaabhayëëyë, a a, kasi n-ko bhono igha, okobhaabhayera ukwënyu, kwaaghërrë mokahongora obhoghogho ubhwënyu. Temwabhaabhayëëyë ko okoghera iya ritashandighi reno twaabhandëkëëyë, kasi mwaabhaabhayëëyë ko okoghera iya keno Waryobha yaatunanga kebhe. Ku bhuyö bhëëtö, tetwabhanyahaarrë ko enshera yoyonswe eera hë

2 Abhakörintö 7:9 ပူးပေါင်းရင်းမြစ်များ

Mataayo 3:8

Nyoore m-maheene igha nkutuna mörë mbabhatiisi, ëkëntö ekenene ni-igha, mokorenga amangʼana ghano ghakwörökya igha, möhöngööyë ëbhëbhë ibhyënyu.

Ruuka 15:10

“Ndabhatëëbhya igha, ni-ighoigho, kora Waryobha na abhamaraika abhaaye bhonswe igho, nkushomerwa bharë, hano ömöntö ömwë uwa ëbhëbhë, yaahongora ëbhëbhë ibhyaye.”

Ruuka 15:32

Kasi mura uwëënyu ono, ni-igha tomokorre inyangi, tushomerwe hamwë bhonswe igho. Ko bhoora, yaarenga kya ono akuurë, kasi bhoono m-möhöru. Yaarenga asirrë, bhoono atöökirë.’ ”

Ruuka 15:7

“Ndabhatëëbhya igha, ni-igho ërë mu-ryobha, hano ömöntö ömwë uwa ëbhëbhë, yaahongora ëbhëbhë ibhyaye. Ukushomerwa kuyö, n-konene okokera ukwa abhantö abha heene merongo kenda na kenda, bhano bhatatöniibhwi na okohongora ëbhëbhë ibhyaho.

Amangʼana agha Abhatomwa 20:21

Naatëëbhyanga Abhayahudi hamwë na Abhayunaani igha, bhahongore ëbhëbhë ibhyaho, bhaashe ku-Waryobha, bhakumi Yëësu Kiristo, Omonene uwëëtö.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 2:16

Ko bhano bhakusira, bhëëtö ni-kirumba ikya uruku keno kekoreeta uruku. Kasi ko bhano bhaköhönibhwa, bhëëtö ni-kirumba ikiiya, ikya öbhöhöru keno kekoreeta öbhöhöru. Bhoono nawë akotora okokora emeremo kya ghiyö?

2 Abhakörintö 7:8

Nokaanyoora ritashandighi iryane ryaaghërrë mokabhaabhayera, kasi tenkomaaha igha, m-boghogho naakörrë hë. Eeho enkaagha nyabhorebhe nke igho, eno naaighuurë bhobhogho mo-nkoro iyaane igha, ritashandighi riyö, ryaaghërrë mokabhaabhayera, kasi kwa nkaagha enke igho.