2 Abhakörintö 7:4 - Imuuma Eehya

⁴ Neena obhokarë ubhwa ukushumaasha na bhëënyu, kora nkwihasha ndë ko okoghera iya bhëënyu ko bhoora möndöörësëri bhököngʼu. Nokaanyoora mu-nyanko törë, kasi bhoono nshömëëywë bhököngʼu.

2 Abhakörintö 7:4 ပူးပေါင်းရင်းမြစ်များ

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

Abharuumi 5:3

Bhoono kora ntokaanyoora inyanko, kasi tushomerwenga, ko bhoora ntomanyirë igha inyanko iyö, nkotokora ërë töghömërri ku-mukumo ughwëtö.

1 Abhakörintö 1:4

Nkukumya ndë Waryobha sinsikö syonswe igho, ko okoghera iya bhëënyu, ko okoghera iya örööbhö urwaye rono yaabhahaana okohetera ku-Kiristo Yëësu.

2 Abhakörintö 1:14

nokaanyoora igha, bhoono igho, amangʼana te-ghonswe igho momanyirë hë. Kasi nkwitengʼera ndë igha moremanya bhuuya igha, bhëëtö mbo esemoko iya ukwikumya ukwënyu, kya bhono bhëënyu bhonswe mörëngë esemoko, iya ukwikumya ukwëtö, urusikö roora Omonene Yëësu Kiristo arikyora.

2 Abhakörintö 1:4

We akötöghösörrya mu-nyanko iyëëtö yonswe igho, okore na bhëëtö bhonswe töghösörri abhandë bhano bharëngë mu-nyaanyi yoyonswe eera, kya bhono bhëëtö tököghösörribhwa na Waryobha.

2 Abhakörintö 10:8

Nokaanyoora igha nkwihasha ndë bhököngʼu, okoheteera ekerengere ikya ubhwera bhono Omonene Yëësu Kiristo yaatohaana. Nokaanyoora ni-igho, tenkosooka hë, ko bhoora obhotoro bhuyö tebhokobhatemora hë, kasi nkobhakora bhörë igha monaghe ku-mukumo.

2 Abhakörintö 11:21

Nkosooka ndë okoghamba igha, bhëëtö m-batëntëëru twaarë ko engʼana iyö! Bhoono nkoghamba ndë kya omokangi igha, nyoore aaho ömöntö ono akwimaaha igha, naingʼarëëyë ukwikumirya engʼana yoyonswe eera, tigha ngambe kinyabhokangi igha, öni wonswe ningʼarëëyë ukwikumirya engʼana iyö.

2 Abhakörintö 2:14

Kasi tukumi Waryobha ono aköghëndërrya okototangata senkaagha syonswe igho ku ukushengera obhobhaahi ubhwa Yëësu Kiristo. Waryobha nkoghera arë abhantö ahasë honswe igho, bhamanya Yëësu Kiristo okohetera kö-bhëëtö, nkobha ërë kya ukurumbaasa ukwa ikirumba ikiiya.

2 Abhakörintö 3:12

Nkoghamba törë ko bhokarë, ko okoghera iya ubhweseghe bhuyö toonabho.

2 Abhakörintö 7:14

Nyoore naaihëëmëëyë Tiito ko engʼana yoyonswe eera ko okoghera iya bhëënyu, temwansöökëri hë, kasi kera engʼana eno twaamötëëbhëri ko amangʼana aghëënyu, n-ya heene yaarë. Mbe, ku bhuyö ukwiheema ukwëtö ku-Tiito ko okoghera iya bhëënyu, n-kwa heene kwaarë.

2 Abhakörintö 8:24

Ku bhuyö ni-igha, möbhööröki righonshe iryënyu, okore amakanisa ghamanye igha, ntoona ikibhuno ikya ukwihasha ko okoghera iya bhëënyu.

Abhafiripi 1:14

Hamwë na ghayö ghonswe igho, nemanyirë igha, okobhohwa ukwane kono, kwaghera senkoro isya abhakumya bharikyëtö abhaaru, syanagha ko-Monene Yëësu. Ku bhuyö nkoraarekera bharë abhantö engʼana iya Waryobha ku singuru syonswe igho, kora tebhaana entarëki hë.

Abhafiripi 1:20

Ndaghanya kwa inyonta enene na ukwitengʼera igha, tënsöökërribhwi kwa nshera yoyonswe igho hë. Bhoono kya bhono yaarë sinsikö syonswe igho, nendaaghëndërri kwiköngʼërya mo-nkoro, okore Kiristo atöönibhwi ko ghano ghonswe igho nkokora, nekaakwa, handë hone.

Abhafiripi 1:26

Enkaagha eno ndebha hamwë na bhëënyu, murishomerwa bhököngʼu ku-Kiristo Yëësu, ko bhoora igha, nurinyoora antöörri nkyore kö-bhëënyu.

Abhafiripi 2:17

Nenkaruusya öbhöhöru ubhwane, bhobhe kya ikimwenso ikya idivai hamwë na umukumo ughwënyu ghono ghokokorwa ikimwenso ku-Waryobha, öni nendaashomerwe nsange hamwë na bhëënyu bhonswe igho.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

1 Abhatësarönikë 2:19

Naatunanga niishe iyö ko bhoora igha hano Omonene Yëësu ariisha, m-bëënyu morebha ikibhuno ikya ubhweseghe na ukushomerwa ukwëtö, na morebha ikirighi ikyëtö ikya obhobhaahi.

1 Abhatësarönikë 2:2

Ghwiki mmomanyirë igha, enkaagha eno waanyöörrë totaraahika kö-bhëënyu, ntwaanyankiibhwi bhököngʼu, kora tokatokwa mu-mughi ghoora ghokobherekerwa igha Firipi. Nokaanyoora twaarëbhërrëywë bhököngʼu igha totakaasha kö-bhëënyu, kasi Waryobha yaatohaayë singuru isya okoraareka Amangʼana aghaaye Amaiya kö-bhëënyu.

2 Abhatësarönikë 1:4

Ku bhuyö nkwikumya törë mo-makanisa agha Waryobha, ko okoghera iya ököghömërrya ukwënyu, na umukumo ghono moonagho ku-nyanko yonswe igho, na inyaanyi eno mukunyoora.

Firimoni 1:7

Umukumya murikyane, righonshe iryaho ryaanshomera bhököngʼu, kora ryaantogheka, ko bhoora okosambaarokya senkoro isya abhakumya.

Yaakobho 1:2

Abhakumya bharikyane, mushomerwenga hano mwashaashwa ukushaashwa kwokwonswe koora,