2 Abhakörintö 7:2 - Imuuma Eehya

² Motohaane umweya mo-senkoro isyënyu, ko bhoora titwasarrya ömöntö wowonswe oora hë, taaho ono twaanyahaara ko engʼana nyabhorebhe, handë okomongʼaina.

2 Abhakörintö 7:2 ပူးပေါင်းရင်းမြစ်များ

Mataayo 10:14

Hano ömöntö wowonswe ono araabhange, handë ange ukwikërrya amangʼana aghëënyu, mokongʼonte urutu urwa ko-maghörö aghëënyu hano mwarwa mu-nyumba handë mu-mughi muyö.

Mataayo 10:40

Yëësu akaghëndërrya okobhatëëbhya igha, “Ömöntö wowonswe ono akobhasërëënia, nö-öni ukunyoora asërëënëri. Ömöntö wowonswe ono akönsërëënia, n-Waryobha ono yaantoma we ukunyoora asërëënëri.

Ruuka 10:8

“Hano moraasohe mu-mughi bhabhasërëëni, moraaghere kyokyonswe keno bharaabhahaane.

Amangʼana agha Abhatomwa 20:33

“Öni tenaighömbirë hera, esahaabhu handë singibho isya ömöntö wowonswe oora hë.

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 11:16

Nkobhatëëbhya ndë ghwiki igha, ömöntö atakaakanya igha, öni m-mokangi ndë. Hano moraakanye igha m-mokangi ndë, kasi munyikërri ko bhokangi ubhwane bhuyö, okore öni wonswe niikumi hake igho.

2 Abhakörintö 11:9

Enkaagha eno naarë na obhohabhë hano naarë kö-bhëënyu hayö, tenaritöhëëyë ömöntö wowonswe oora hë, ko bhoora abhakumya bharikyëtö bhano bhaaruurë Makedonia, mbaangʼaayë ëbhëntö bheno naatunanga. Nairebherranga, okore ntakaaritohera ömöntö wowonswe oora kö-bhëënyu, na kora ni-igho ndaaghëndërri okokora.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

Abhafiripi 2:29

Umukumya murikyënyu ono uwa Omonene Yëësu, ni-igha mömösërëëni mushömëëywë bhököngʼu. Mosookenga abhantö, bhano bhanga kya ono.

Abhakorosaai 4:10

Arisitariko, ono arëngë hamwë na öni mo-kebhohe mono, arabhakëërya. Maariko, mubhyara uwa Bharinaabha, wonswe nkobhakëërya arë. Hano arihika kö-bhëënyu iyö, mömösërëëni bhuuya kya bhono naaraghërrya.

1 Abhatësarönikë 2:10

Bhëënyu mbo abhaimërërri abhëëtö, na Waryobha namanyirë igha, eteemo iyëëtö kö-bhëënyu abhakumya bharikyëtö, në-hörëëru yaarë, iya obhoheene, tetwatëmirwë amasoro hë.

Firimoni 1:12

Bhoono ndamukyörya ku-uwe, kasi nemohanshirë kya enkoro iyaane.

Firimoni 1:17

Mbe, nyoore omanyirë igha öni na uwe n-këntö këmwë törëngë, umwikërri kya bhono okaanyikërëëyi öni.

2 Yohana 1:10

Hano ömöntö wowonswe igho araashe kö-bhëënyu, eno arëëghya amëëghyö ghano ghatatuubhaini na amëëghyö ghaara Yëësu Kiristo yëëghya, motakaamösërëënia mu-sinyumba isyënyu. Kora motakaamökëërya ënkëërya iya Ikikiristo.