2 Abhakörintö 7:13 - Imuuma Eehya

¹³ Ku bhuyö, möghërrë tushömëëywë. Ghwiki ntwaashömëëywë bhököngʼu, hano twaarööshë Tiito ashömëëywë, ko bhoora m-bëënyu mwaaghërrë akashomerwa mo-nkoro iyaaye.

2 Abhakörintö 7:13 ပူးပေါင်းရင်းမြစ်များ

Abharuumi 12:15

Mushomerwenga na bhano bhakushomerwa, bhano bhakukuura, bhonswe mukuurenga nabho.

Abharuumi 15:32

Hano engʼana iyö eraabhe bhuuya, nendaashe kö-bhëënyu hayö, hano Waryobha araahanshe. Nendaashe nshömëëywë bhököngʼu, kora mbe na umweya ughwa ukumuunya hamwë na bhëënyu.

1 Abhakörintö 12:26

Hano umwaho öghömwë ghwanyahaareka, imyaho ghyonswe igho nkunyahaareka ghërë hamwë nagho. Na hano umwaho öghömwë ghwatöönibhwa, ömöbhërë ghwonswe igho nkushomerwa ghörë.

1 Abhakörintö 16:13

Mwiraarerrenga, mokarehe kora monaghe bhököngʼu ku-mukumo ughwënyu.

1 Abhakörintö 16:18

Nkoghamba ndë igho, ko bhoora bhaghërrë nkasambaaroka mo-nkoro iyaane, ndamanya na bhëënyu bhonswe mosambaarokire mo-senkoro isyënyu. Mbe, abhantö kya bhayö mobhasërëëninga.

2 Abhakörintö 2:13

Kasi öni tenaighuurë bhuuya mo-nkoro iyaane hë, ko bhoora ntanyöörrë-ho Tiito, umukumya murikyane. Ku bhuyö nkaragha abhantö abha Tiroa hayö, nkatanora, ukughya Makedonia.

2 Abhakörintö 2:3

Kiyö nkyo kyaaghërrë nkabhandekera igha, tiniishe hë, okore enkoro iyaane, etakaabhaabhayera ko okoghera iya abhantö bhano nkwesegha igha, bhakaaghërrë nshomerwe. Nemanyirë igha, öni hano nashomerwa, na bhëënyu bhonswe nkushomerwa mörë.

2 Abhakörintö 7:14

Nyoore naaihëëmëëyë Tiito ko engʼana yoyonswe eera ko okoghera iya bhëënyu, temwansöökëri hë, kasi kera engʼana eno twaamötëëbhëri ko amangʼana aghëënyu, n-ya heene yaarë. Mbe, ku bhuyö ukwiheema ukwëtö ku-Tiito ko okoghera iya bhëënyu, n-kwa heene kwaarë.

2 Abhakörintö 7:15

Righonshe irya Tiito kö-bhëënyu, ni-nene, ekenene n-hano yaahiita bhono mwaamwighweranga, na kya igho mwaamösërëënëri, kwa okoobhoha na ukurighita.

2 Abhakörintö 7:6

Kasi Waryobha ömöröörësya uwa bhano bhabhaabhayëëyë, yaatohaayë singuru hano Tiito yaaishirë.

Abhafiripi 2:28

Ku bhuyö nehanshirë bhököngʼu igha, mmotome aashe kö-bhëënyu, hano moraamomaahe ghwiki, mushomerwe, enkoro iyaane etereme.

2 Timoteo 1:16

Ndasabha igha, Omonene Yëësu aashe kwabhera abhantö abha wa Onesiforo, ko bhoora hare kaaru yaasambaarokyanga enkoro iyaane. Kora tiyasookanga ukuusha okommaaha mo-kebhohe.

Firimoni 1:20

Bhoono umukumya murikyane, nkorra engʼana iyö ko okoghera iya Omonene Yëësu. Nkëndya enkoro iyaane kya wamwëtö ku-Kiristo.

Firimoni 1:7

Umukumya murikyane, righonshe iryaho ryaanshomera bhököngʼu, kora ryaantogheka, ko bhoora okosambaarokya senkoro isya abhakumya.

1 Peetero 3:8

Ko okomarërrya, nkobhatëëbhya ndë bhonswe igho igha, mobhe kiina këmwë, motakaabha na amaitegherro abhërë. Mohanshane kya abhantö abha enda ëmwë, mwabheranenga kora mwihootenga.