2 Abhakörintö 7:11 - Imuuma Eehya

¹¹ Maaha! Okobhaabhayera kono kokoreeta keno Waryobha akutuna, kobhahaayë ehoorohooro enene. Okobhaabhayera kuyö, köghërrë mobhaayë na omotono ughwa okokora ghano ghakutunwa, na ukwikoorerra ko ghano mokokora, igha na-agha obhoheene. Okobhaabhayera kuyö, kobhakörrë mörëghirë amangʼana amaghogho, mösöökirë Waryobha, mobhaayë na amaigha agha okommaaha, na okomaaha igha, ömöntö uyö yaasarya, arashibhibhwa. Ko amangʼana ghayö ghonswe igho, momaahekaini igha, temoona isoro ryoryonswe reera ko amangʼana ghayö.

2 Abhakörintö 7:11 ပူးပေါင်းရင်းမြစ်များ

Maariko 3:5

Yëësu akabhamoghorra amaiso bhonswe igho eno arërëëyë, akabhaabhayera mo-nkoro iyaaye, ko okoghera iya emetwe ighyabho ëmëköngʼu. Ho Yëësu yaamarrë akatëëbhya ömöbhëëru uyö igha, “Rambora okobhoko ukwaho.” Ömöntö uyö akarambora okobhoko ukwaye, kamwë igho kokahwena!

Yohana 2:17

Hano abheegha abhaaye bhaaighuurë ghayö, bhakahiita amangʼana ghano ghandëkirwë mo-Maandeko Amahörëëru igha, “Öbhörrö ubhwa inyumba iyaaho mbo bhoremara-ho.”

Amangʼana agha Abhatomwa 17:16

Hano Pauro yaaghanyanga Siira bhaana Timoteo Atene hayö, akamaaha umughi ghuyö ghonswe igho, ngwishööyë ëbhëtöndö ibhya amasambwa. Engʼana iyö, ekaghera akaighwa bhoghogho bhököngʼu mo-nkoro iyaaye.

Abharuumi 11:20

Bhuyö m-boheene. Amasagharya ghayö ghaaghëëshirwë ko okoghera iya ukwanga kukumya, uwe wonswe umukumo ughwaho ngwo ghokoghera örëngë igho. Ku bhuyö ni-igha wiyangarre, otakaiheema kasi ni-igha wobhohe.

Abharuumi 14:18

Mbe, hano ömöntö akörëëyë igho Yëësu Kiristo, uyö nkötëghërya arë Waryobha, kora abhantö nkumwikërrya bharë.

Abharuumi 3:5

Kasi abhantö abhandë bharatora okoghamba igha, “Ëbhëbhë ibhyëtö bhëëtö Abhayahudi, mbyo bhekoghera toramanya igha, Waryobha wa heene kö-bhöbhötöri ubhwaye ubhwa ibhiina. Kasi nyoore Waryobha nkutushibhya arë, ku bhuyö toghambe igha Waryobha te-wa heene kora hake hë?”

1 Abhakörintö 12:25

okore ömöbhërë ghotakaahokana, kasi ni-igha, imyaho ghyonswe igho ghetorraninga.

1 Abhakörintö 5:13

Bhayö bharëngë kebhara, Waryobha umwene we arebhabhotorra ikiina. Kasi bhëënyu mobhotorre ikiina abhantö bhano bharëngë mo-kanisa, kya bhono Amaandeko Amahörëëru ghakoghamba igha, “Muruusi ömöntö omoghogho uyö arëngë mö-bhëënyu muyö.”

1 Abhakörintö 5:2

Bhëënyu moraihashera engʼana iyö. Nyakara mokaabhaabhayëëyë na mughire ömöntö uyö yaakora ghayö, arwe mö-bhëënyu muyö.

2 Abhakörintö 13:7

Nkosaasaama törë Waryobha motakaakora engʼana engogho yoyonswe eera, te-ko okoghera igha toratuna tomaahekane igha bhëëtö töhëkëëyë ekerengere kiyö. Kasi keno tukutuna, ni-igha bhëënyu mokore amangʼana amaiya, nokaanyoora bhëëtö tonga kya bhano twakerwa.

2 Abhakörintö 2:6

Ubhushibhu bhono ömöntö uyö yaanyoora ukurwa kö-bhëënyu abhantö abhaaru, mbwisirë.

2 Abhakörintö 6:4

Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

2 Abhakörintö 7:7

Ti-igha ntwaashömëëywë ku ukuusha ukwa Tiito ukwene igho, kasi na kya igho mwaamöröörësëri. Yaatötëëbhëri kya bhono mukwighomba okommaaha, na kya bhono mokobhaabhayera, na omotono ughwënyu ghono moonagho ko okoghera iya öni. Ghayö ngo ghakörrë nshömëëywë bhököngʼu.

2 Abhakörintö 7:9

Bhoono nshömëëywë, ti-igha n-ko okoghera iya bhono mwaabhaabhayëëyë, a a, kasi n-ko bhono igha, okobhaabhayera ukwënyu, kwaaghërrë mokahongora obhoghogho ubhwënyu. Temwabhaabhayëëyë ko okoghera iya ritashandighi reno twaabhandëkëëyë, kasi mwaabhaabhayëëyë ko okoghera iya keno Waryobha yaatunanga kebhe. Ku bhuyö bhëëtö, tetwabhanyahaarrë ko enshera yoyonswe eera hë

2 Abhakörintö 9:2

ko bhoora, nemanyirë kya bhono mukwighomba okobhatöörrya. Öni naaihashanga ko-bhantö abha Makedonia ko okoghera iya bhëënyu, naabhatëëbhyanga igha, “Abhantö abha Akaaya, mbaaisëëmëri ukuruusya, ukurwa mooka.” Eteemo iyö, yaaghërrë abhantö abhandë abhaaru, bhonswe bhakaighomba ukuruusya.

Abhaëfësö 4:26

Hano mwarerra, okorerra ukwënyu kuyö, kotakaaghera mokore ëbhëbhë, iryobha retakaaghwa mökërëërëëyë.

Abhaëfësö 5:11

Motakaaghootana okokora amangʼana ghano ghataana ubhwera, ghano ghakokorwa na abhantö abha mu-kisuntë, kasi mohamere amangʼana kya ghayö.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

1 Abhatësarönikë 4:6

Ömöntö wowonswe oora atakaasarrya murikyaye ko amangʼana kya ghayö, handë okomongʼaina. Twaabhatëëbhëri na okobhakaania igha, bhonswe igho bhano bhakokora amangʼana kya ghayö, Omonene Yëësu narebhashibhya.

1 Timoteo 5:20

Kasi abhaghaaka abha ekanisa bhano bhaköghëndërrya okokora ëbhëbhë, obhakaani harabhu igho abhandë bhonswe bhaighwe, okore bhoobhohe.

2 Timoteo 2:15

Okore omotono ughwa ukwëghya engʼana iya obhoheene, kya bhono ikutunwa na Waryobha igha yëghiibhwi. Hayö ho oraabhe ömököri uwa emeremo ono atakosookera emeremo ighyaye. Ghayö ngo Waryobha akutuna.

Tiito 3:8

Amangʼana ghayö nkötëëbhëri, na-agha obhoheene. Nkutuna ndë igha oghakangʼasërri ko-bhantö, okore bhano bhonswe igho bhakukumya Waryobha, bhaghanaghi, na bhaiköngʼërri okokora amangʼana amaiya. Amangʼana ghayö m-maiya, kora ngaana ubhwera ko-bhantö bhonswe igho.

Abhaëbhuraania 4:1

Mbe, ko bhoora rekeeho riraghaniö irya Waryobha, irya okosoha ahasë ahaaye aha ukumuunya, ni-igha twobhohe, okore ömöntö atakaakerwa okosoha-mo.

Yaakobho 3:17

Kasi, obhongʼaini bhono bhukurwa ku-Waryobha, m-buuya, mboona omorembe, na obhohaabhu, nkwitegherra bhörë bhuuya amangʼana agha abhantö. Obhongʼaini bhuyö, nkokora bhörë amangʼana amaiya, kora mboona ikyabhera, tebhoona ekeroterro, handë ubhwahöri ubhwa abhantö, handë ubhwihunaania.

1 Peetero 1:17

Waryobha ono mokobherekera igha n-Suwëënyu ko-masaasaamo aghëënyu, momanye igha, taana ekeroterro kö ömöntö wowonswe igho hë. Narebhotorra abhantö bhonswe igho ibhiina, ko okorengʼaana na ghano bhaakora. Ku bhuyö mosooke Waryobha ko-nkaagha eno mökëmënyirë ko-kebhara kono, kya abhaghëni.

1 Peetero 2:2

Bhoono momarrë okomanya igha Omonene Yëësu Kiristo, n-wa heene. Mbe, mwighombenga amabheere amaiya agha öbhöhörëëru, kya bhono ebhengʼerre bhikutuna amabheere agha bhanyakuwaabho, na bhëënyu bhonswe ighoigho, okore mobhe na singuru, monaghe kora mohone.

Yuuda 1:23

Abhantö abhandë mobhatööri ko okobhasakörya ukurwa mo-morro. Abhandë mobhaabhere, kasi mwangarre, mwibhashe obhoghogho ubhwabho.

Okohonyora 3:19

Nkokaania ndë na ukuhiinya bhano nhanshirë. Mbe, mokore omotono ughwa okohongora ëbhëbhë ibhyënyu.