2 Abhakörintö 7:10 - Imuuma Eehya

¹⁰ Okobhaabhayera kono Waryobha akutuna, n-kono kokoreeta öbhöhöngöri ubhwa ëbhëbhë. Okohongora ëbhëbhë kya kuyö, të-këntö ikya ukwighwera obhoghogho hë, ko bhoora nkoreeta körë öbhöhönia. Kasi okobhaabhayera ukwa ko-kebhara kono, kuyö nu-ruku kokoreeta.

2 Abhakörintö 7:10 ပူးပေါင်းရင်းမြစ်များ

Mataayo 26:75

Mbe, Peetero akahiita amangʼana ghaara Yëësu yaamötëëbhëri igha, “Noraashe unyikaane katatö setaraaraghora.” Akarishoka kebhara, akakuura bhököngʼu.

Ruuka 15:10

“Ndabhatëëbhya igha, ni-ighoigho, kora Waryobha na abhamaraika abhaaye bhonswe igho, nkushomerwa bharë, hano ömöntö ömwë uwa ëbhëbhë, yaahongora ëbhëbhë ibhyaye.”

Ruuka 18:13

“Kasi ömöghööti uwa righööti uyö, umwene akaimerra hare, kora tiyagharamera mu-ryobha hë. Kasi akabha araitematema ku-kikubha ikyaye, ku ukwörökya igha abhaabhayëëyë. Akaghamba igha, ‘Waryobha, otanyabhera öni n-wa ëbhëbhë ndë.’ ”

Amangʼana agha Abhatomwa 11:18

Hano Abhayahudi bhayö bhaaighuurë amangʼana ghayö, bhakakira kiri. Bhakatöönia Waryobha bharaghamba igha, “Waryobha ahaayë Abhakyaro umweya, ughwa okohongora ëbhëbhë ibhyaho, okore bhanyoore öbhöhöru ubhwa amakora ghonswe igho!”

Amangʼana agha Abhatomwa 3:19

Ku bhuyö, mohongore ëbhëbhë ibhyënyu, mukyore ku-Waryobha, abharuusiri-ho ëbhëbhë ibhyënyu, okore siishe senkaagha sensambaaroku, isya okobha-ho ukwa Omonene. Hayö ho Waryobha araabhamuunyi ko okotoma Yëësu Kiristo.

2 Abhakörintö 12:21

Ghwiki nkoobhoha ndë igha, hano ndiisha, Waryobha nareghera nsooke kö-bhëënyu. Ndebhaabhayera hano ndemaaha abhantö abhaaru, bhano bhaakora ëbhëbhë mö-bhëënyu, tebhakaahöngööyë ëbhëbhë ibhyabho hë. Kasi mbakeena amangʼana aghaabho amaghogho ghaara agha obhosooraare, na amangʼana aghandë agha sënsöni ghano bhaarë nagho ukurwa kare.

2 Abhakörintö 7:9

Bhoono nshömëëywë, ti-igha n-ko okoghera iya bhono mwaabhaabhayëëyë, a a, kasi n-ko bhono igha, okobhaabhayera ukwënyu, kwaaghërrë mokahongora obhoghogho ubhwënyu. Temwabhaabhayëëyë ko okoghera iya ritashandighi reno twaabhandëkëëyë, kasi mwaabhaabhayëëyë ko okoghera iya keno Waryobha yaatunanga kebhe. Ku bhuyö bhëëtö, tetwabhanyahaarrë ko enshera yoyonswe eera hë

Abhaëbhuraania 12:17

Mmomanyirë bhuuya igha, hano Esaau yaatunirë okorya umwandö ughwa obhongʼoore, umweya ghuyö, teghwatöökirë hë. Ko bhoora tiyaanyöörrë umweya ughwa okohongora ëbhëbhë ibhyaye, nokaanyoora igha yaatunirë umweya ghuyö rwa amaisöri.