2 Abhakörintö 6:8 - Imuuma Eehya

⁸ Bhëëtö twamara ukwiruusya igha, abhantö mbakaatosooka, handë bhatosere, mbakaatoghamba bhuuya, handë bhatoghambe bhoghogho, te-ngʼana hë. Nkomaahekana törë igha m-barongo törë, kasi no-bhoheene tokoghamba.

2 Abhakörintö 6:8 ပူးပေါင်းရင်းမြစ်များ

Mataayo 10:25

Bhëënyu abheegha abhaane ni-igha mobhe kya öni. Mwitengʼere igha abhantö mbarebhakorra obhoghogho kya bhono bhakonkorra obhoghogho. Öni m-motangati uwëënyu ndë, hano okomaaha bharamberekera igha n-Gosambwa ndë, na bhëënyu bhonswe mbarebharoka amariina amaghogho bhököngʼu.”

Mataayo 22:16

Ku bhuyö Abhafarisaayo bhayö, bhakatoma ku-Yëësu abheegha abhaabho, hamwë na abhasoorani abha rikomo irya omokama Herode. Hano bhaahikirë ku-Yëësu, bhakamöbhöörya igha, “Umwëghya, bhëëtö ntomanyirë igha, uwe m-möntö uwa heene örë, nkwëghya örë abhantö obhoheene ubhwa engʼana iya Waryobha. Kora tokoobhoha ömöntö wowonswe oora hë. Nakaabha na ikyeo ekenene iyakë, uwe tokomoobhoha hë.

Mataayo 27:63

Bhakatëëbhya Piraato igha, “Omonene, torahiita igha, enkaagha eno omongʼaini ono waanyöörrë akërëngë möhöru, yaaghambirë igha, ‘Nindiryoka urusikö urwa katatö.’

Maariko 12:14

Bhakaghya igho hano bhaahikirë, bhakatëëbhya Yëësu igha, “Umwëghya, ntomanyirë igha, uwe m-möntö uwa heene örë, amangʼana ghonswe igho ghano okoghamba, na-agha obhoheene. Uwe töötöniibhwi na obhonene ubhwa emeremo ighya ömöntö. Nkwëghya örë amangʼana agha enshera iya Waryobha, ko obhoheene. Bhoono, okohaka righööti ko-Kaisaari ne-ngʼana nshiiya? Ni-igha tohakenga, kasi totakaahaka?”

Yohana 7:12

Abhantö abhaaru bhakabha bharanyeerana senkaani ko okoghera iya Yëësu. Abhandë bhakaghamba igha, Yëësu m-möntö uwa heene, kasi abhandë bhakaghamba igha, ti-igho hë, kasi na-bhantö akongʼaina.

Amangʼana agha Abhatomwa 10:22

Bhakamötëëbhya igha, “Töötömirwë na omonene uwa abhasirikare, ono akobherekerwa igha Körönëriö. Körönëriö uyö, nkosookwa arë na Abhayahudi bhonswe igho, ko bhoora akwighwera Waryobha, ghwiki m-möntö uwa heene. Maraika uwa Waryobha yaamötëëbhëri igha, akobherekere oghende waaye ka, okore aighwe amangʼana ghano oraamötëëbhi.”

Amangʼana agha Abhatomwa 16:39

Ho abhatöngi bhayö bhaaishirë bhakaarra amabhoko Pauro bhaana Siira igha, bhabhaabhere. Bhakabharishökya ukurwa mu-nyumba iya ekebhohe iyö, bhakabhasaasaama igha bharwe mu-mughi ghuyö.

Amangʼana agha Abhatomwa 22:12

“Mu-mughi muyö, yaarenga-mo ömöntö ono yaasookwanga na Abhayahudi bhonswe igho abha iyö, yaabherekerwanga igha, Anania. Anania uyö, yaasookanga amaraghërryö aghëëtö.

Amangʼana agha Abhatomwa 24:5

“Törööshë igha ömöntö ono, m-moghogho bhököngʼu. Arasëëghërrya Abhayahudi, na ököghöötya riihë ko-kebhara kyonswe igho. We omotangati uwa rikomo irya idiini iya obhorongo iya Abhanazarëëti.

Amangʼana agha Abhatomwa 28:22

Bhëëtö hano nkutuna törë twighwe amangʼana aghaaho, ko bhoora ntomanyirë igha, idiini eno onayo, nkoghambwa ërë bhoghogho ahasë honswe igho.”

Amangʼana agha Abhatomwa 4:21

Hano Peetero na Yohana bhaamarrë okoghamba amangʼana ghayö, abhanene bhayö tebhaarööshë engʼana iya okobhashibhya hë, ko bhoora abhantö bhonswe igho, mbaatöönianga Waryobha bhököngʼu ku ukughira iya ekemanyërryö ikya rikono keera bhaakörrë. Mbaamanyirë igha, ömöntö uyö yaahwëniibhwi, ni-tengʼo yaarë ukurwa ukwebhorwa ukwaye. Ömöntö uyö yaahwëniibhwi, yaarë na imyoka okoheteera merongo ene. Ku bhuyö abhanene bhakabhöbhöhërrya ghwiki bhököngʼu kwa öbhörrö, bhakabhahaatera bhaghende.

Amangʼana agha Abhatomwa 5:13

Kasi abhantö bhandë bhoobhohanga okoghootana hamwë na abhakumya abha Yëësu, nokaanyoora mbaabhasookanga.

Amangʼana agha Abhatomwa 6:3

Bhoono abhakumya bharikyëtö, engʼana eno eeho ni-igha, mushaaghore abhashaasha muhungatë mö-bhëënyu muyö, bhano bhaana eteemo inshiiya, bhano bhaishööyë Umwika Ömöhörëëru, na obhongʼaini. Abhantö kya bhayö, mbo toraaghööti omoremo ghuyö, bhaghwimererre,

Abharuumi 3:8

Iyö n-kya hano oraaghambe igha, “Tokorenga ëbhëbhë, okore amangʼana amaiya ghaashe.” Abhantö abhandë nkotohanga bharë igha, kora bhëëtö bhonswe ni-igho tukwëghya. Maaha mbe igha, abhantö bhayö bhonswe igho, mbarishibhibhwa ko okorengʼaana na obhoghogho ubhwabho.

2 Abhakörintö 1:18

Kasi ko bhono Waryobha arëngë uwa obhoheene, amangʼana ghano twaabhatëëbhëri, teghaarenga agha ömöntö ukwikërrya igha “Yëë,” ghwiki atema hayö aanga igha “A a.”

2 Abhakörintö 11:21

Nkosooka ndë okoghamba igha, bhëëtö m-batëntëëru twaarë ko engʼana iyö! Bhoono nkoghamba ndë kya omokangi igha, nyoore aaho ömöntö ono akwimaaha igha, naingʼarëëyë ukwikumirya engʼana yoyonswe eera, tigha ngambe kinyabhokangi igha, öni wonswe ningʼarëëyë ukwikumirya engʼana iyö.

2 Abhakörintö 12:16

Öni tenabharitöhëëyë ko-ngʼana yoyonswe eera hë, kasi abhandë mö-bhëënyu muyö nkoghamba bharë igha, “Pauro mongʼaini, yaabhangʼënërrëëyi.”

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

1 Abhatësarönikë 2:3

Amangʼana ghano tokobhakangʼasërrya, ta-agha okobhasirya ëkëkööri, handë okobharaarekera ko obhoghogho, handë okobhangʼaina.

1 Timoteo 3:7

Kasi abhe ömöntö ono akoghambwa bhuuya kora na bhano bhatarëngë Abhakiristo, okore atakaasha okobha na risoro na ököghöötibhwa ko-motegho ughwa Oghosambwa.

1 Timoteo 4:10

Engʼana iyö, yo ekoghera toranyanka na torakora omotono ko-meremo, ko bhoora igha, Waryobha ömöhöru we tukwitengʼera. Uyö we Ömötöörya uwa abhantö bhonswe igho, ekenene m-Mötöörya uwa bhano bhakumukumya.

Abhaëbhuraania 13:13

Bhoono ni-igha tughi ku-Yëësu Kiristo kebhara iya umughi, na eno twitëëkirë okoserwa ukwaye.

1 Peetero 4:14

Hano moraatokwe ko okoghera iya iriina irya Yëësu Kiristo, momanye igha mmoraangʼoorwe. Engʼana iyö nköbhöörökya ërë igha, Umwika uwa Waryobha uwa ubhuhika, hamwë arë na bhëënyu.

3 Yohana 1:12

Abhantö bhonswe igho, nkoghamba bharë igha, “Demetirio m-möntö uwa heene. Nkokora arë amangʼana kya bhono Waryobha akutuna.” Kora bhëëtö bhonswe nkoghamba törë igha, uyö m-möntö uwa heene. Kora uwe wonswe nomanyirë igha, ghayö tokoghamba m-maheene.

Okohonyora 3:9

Motamaaha! Nendaakohaane abhasoorani abha inyumba iya esango iya Oghosambwa, bhano bhakwibherekera igha m-Bayahudi nabho te-Bhayahudi hë, kora m-barongo. Mbe, nendaabhakore bhaashe bhabhatemere hansë ibhiru. Ho bhayö bhonswe igho bhareemanya igha, öni nembahanshirë.