2 Abhakörintö 6:7 - Imuuma Eehya

⁷ na ko okoraareka engʼana iya obhoheene. Nkokora törë amangʼana ghayö, ko obhotoro ubhwa Waryobha, ko okohetera ku-bhyöghë ibhyëtö ibhya obhoheene, ibhya okorekera na ibhya ukwikengerrya.

2 Abhakörintö 6:7 ပူးပေါင်းရင်းမြစ်များ

Maariko 16:20

Abheegha abhaaye bhakatanora ukurwa hayö. Bhakaghya okoraareka Amangʼana Amaiya kera hasë. Omonene Yëësu yaabhahaananga obhotoro ubhwa ebhemanyërryö, ku bhuyö ni-igho yöörökëri igha, amangʼana ghayö n-ga obhoheene.]

Amangʼana agha Abhatomwa 11:21

Obhotoro ubhwa Omonene Waryobha, mbwaarë hamwë nabho. Abhantö abhaaru këmwëkëmwë, bhakakumya na ukukyora ko-Monene Yëësu.

1 Abhakörintö 1:24

Kasi ko bhano Waryobha yaabhabherekera bhabhe abhaaye, mbakaabha Abhayahudi handë abhantö bhano bhatarë Abhayahudi, Yëësu Kiristo, we obhotoro na obhongʼaini ubhwa Waryobha.

2 Abhakörintö 13:4

No-bhoheene igha, Yëësu Kiristo yaahanëkirwë ko-mosarabha kö-bhötëntëëru ubhwa kinyabhantö, kasi bhoono igho, m-möhöru ko obhotoro ubhwa Waryobha. Amangʼana ni-igho gharë igha, bhëëtö m-batëntëëru törë ku-Yëësu Kiristo, kasi moremaaha igha, ntorebha abhahöru ko obhotoro ubhwa Waryobha.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

2 Abhakörintö 7:14

Nyoore naaihëëmëëyë Tiito ko engʼana yoyonswe eera ko okoghera iya bhëënyu, temwansöökëri hë, kasi kera engʼana eno twaamötëëbhëri ko amangʼana aghëënyu, n-ya heene yaarë. Mbe, ku bhuyö ukwiheema ukwëtö ku-Tiito ko okoghera iya bhëënyu, n-kwa heene kwaarë.

Abhaëfësö 1:13

Hano na bhëënyu bhonswe mwaaighuurë engʼana iya obhoheene iya Amangʼana Amaiya agha bhono Waryobha akobhahönia, mokaikërrya. Waryobha akabhatoorra-ko umuhuri ughwaye. Eharama iyö, nu-Mwika Ömöhörëëru ono Waryobha yaabhahaana kya bhoora yaaraghaini igha, nakaabhahaayë. Yaakörrë igho, ukwörökya igha, bhëënyu bhonswe m-bantö abhaaye mörë.

Abhaëfësö 3:20

Bhoono tigha tötööni Waryobha, ono akotora okokora amangʼana amaaru okokera ghano ghonswe igho tokomosabha igha akore, handë ghano tukwitegherra. Nkokora arë ko obhotoro ubhwaye bhono bhokokora emeremo mo-senkoro isyëtö.

Abhaëfësö 4:21

Keno mwaaighwa ko amangʼana agha Yëësu, na keno abhëëghya abhëënyu bhaabhëëghya, m-maheene igha bhuyö no-bhoheene ubhwa ukurwa ku-Yëësu Kiristo, ubhwa amangʼana aghaaye kya igho gharë.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

1 Abhatësarönikë 5:8

Kasi ko bhoora bhëëtö m-bantö abha mo-bhorabhu törë, twirebherre. Tobhe na umukumo hamwë na righonshe, bhiyö bhebhe kya ingubha iya ökökëngërrya ibhikubha ibhyëtö. Ghwiki tweseghe Waryobha igha natötöörya, hayö ho toraabhe kya bhano tötöörrë sëngöfiira isya ikyoma ko-metwe.

2 Timoteo 2:15

Okore omotono ughwa ukwëghya engʼana iya obhoheene, kya bhono ikutunwa na Waryobha igha yëghiibhwi. Hayö ho oraabhe ömököri uwa emeremo ono atakosookera emeremo ighyaye. Ghayö ngo Waryobha akutuna.

2 Timoteo 4:7

Naitaini bhuuya riihë irya umukumo, oroghendo urwa umukumo ndomarrë, na ghwiki nnaghëri umukumo.

Abhaëbhuraania 2:4

Waryobha wonswe akaimererra amangʼana ghayö ko okokora ebhemanyërryö na amakono amaaru, kora akahaana abhantö ituho iya Umwika Ömöhörëëru kya bhono umwene yaahanshirë.

Yaakobho 1:18

Kya bhono we umwene yaatunanga, akatokora tobhe abhaana abhaaye, ko okohetera ko-ngʼana iyaaye iya obhoheene, okore tobhe abhatangi abhaaye, ku-bhyonswe igho bheno yaabhömbirë.