2 Abhakörintö 6:6 - Imuuma Eehya

⁶ Bhëëtö m-bantö abha heene törë, m-bamanyi abha amangʼana törë, m-baghömërrya törë, kora m-basërëënia törë. Nkokora törë amangʼana ghayö, ko okotangatwa na Umwika Ömöhörëëru, na righonshe reno retaana ubhwiköri,

2 Abhakörintö 6:6 ပူးပေါင်းရင်းမြစ်များ

Abharuumi 12:9

Mobhe na righonshe irya heene ko-bharikyënyu. Ensonga iyaamo ni-igha, mutighe okokora amangʼana amaghogho, kasi mokorenga amangʼana amaiya senkaagha syonswe igho.

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

1 Abhakörintö 12:8

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana.

1 Abhakörintö 13:4

Ömöntö uwa righonshe, nköghömërrya arë amangʼana, nkösërëënia arë abhantö, takobha na rikenge hë, takwihasha handë ukwiheema hë.

1 Abhakörintö 2:16

N-kya bhono Amaandeko Amahörëëru ghakoghamba igha, “Taaho ömöntö ono amanyirë amaitegherro agha Omonene Waryobha hë, taaho ömöntö ono akotora okomoraghërrya hë.” Kasi bhëëtö nkwitegherra törë ghano ghakurwa ku-Kiristo.

1 Abhakörintö 2:4

Engʼana iyaane, na okoraareka ukwane, tibhyarenga ibhya obhongʼaini ubhwa ököngʼënërrya sehakëri isya abhantö hë, kasi n-ko ebhemanyërryö ibhya obhotoro ubhwa Umwika Ömöhörëëru.

2 Abhakörintö 1:23

Tenaishirë Körintö iyö, ko bhoora ntatunanga munyahaareke mo-senkoro isyënyu. Ghayö nkoghamba no-bhoheene, kora Waryobha wonswe namanyirë igha, no-bhoheene nkobhatëëbhya.

2 Abhakörintö 11:11

Okoghamba ukwane igho, ensonga yaamo ti-igha tembahanshirë hë. Waryobha namanyirë kya bhono mbahanshirë.

2 Abhakörintö 11:4

Ngambirë igho, ko bhoora igha, bhëënyu m-bangö mörë abha ukwikërrya amangʼana agha ömöntö ono akuusha okoraareka amangʼana agha Yëësu, ghano ghatarengʼaini na ghano twaabharaarëkëëyë. Ghwiki nkwikërrya mörë umwika uwöndëwöndë igho, handë amangʼana aghandë igho ghano ghatakorengerrania na ghano mwaaikërëëyi ekembere ukurwa kö-bhëëtö.

2 Abhakörintö 11:6

Nokaanyoora nkomaahekana ndë igha, temanyirë okoghamba bhuuya hë, kasi obhomanyi ubhwane ubhwa amangʼana, m-bonene. Kiyö nkyo mwaarööshë bhuuya kö-bhëëtö, ahasë honswe igho, na senkaagha syonswe igho hano twaarë kö-bhëënyu hayö.

2 Abhakörintö 12:15

Öni nendaashomerwe ukuruusya ëbhëntö ibhyane, na ukwiruusya öni umwene, okore mbatöörri. Kasi bhoono, nkomaahekana ërë igha, enkaagha eno öni nköghëndërrya okobhahansha bhököngʼu, ho bhëënyu mukusuuhya righonshe iryënyu ku-öni.

2 Abhakörintö 13:10

Nkobhandekera ndë amangʼana ghano ntaraasha kö-bhëënyu iyö, okore hano ndiisha, ntakaasha okomaaha amangʼana ghano ghareghera nderre kora mbööröki ubhwera ubhwane bhono neenabho ko-Monene. Nkoghamba ndë igho, ko bhoora Omonene tiyangʼaana ubhwera ubhwa okobhasarya, kasi nu-bhwa okokora umukumo ughwënyu ghonaghe.

2 Abhakörintö 2:10

Ömöntö wowonswe igho ono bhëënyu mukwabhera, öni wonswe marrë kumwabhera. Engʼana yoyonswe igho eno yaare-ho iya ukwabherwa ömöntö, iyö nabhëëyë mbere iya Yëësu Kiristo ko okoghera iya bhëënyu,

2 Abhakörintö 2:4

Naabhandëkëëyë ritashandighi reera ko okoghera ukwa inyanko na inyaanyi indito iya amaisöri amaaru këmwë eno naarë nayo mo-nkoro iyaane. Keno naatunanga, ti-igha mobhaabhayere mo-senkoro isyënyu hë, kasi naatunanga momanye kya bhono mbahanshirë bhököngʼu.

2 Abhakörintö 3:3

Nkomaahekana mörë bhuuya igha, bhëënyu n-kya ritashandighi irya Yëësu Kiristo mörë, reno rikwörökya emeremo gheno twaakora kö-bhëënyu. Ritashandighi riyö, tiryandekwa na ubhwino hë, kasi ndyandekwa na Umwika uwa Waryobha ömöhöru. Kora tëmörëngë kya ritashandighi reno ryandekwa ko-bhebhaau ibhya amaghena, kasi mo-senkoro isya abhantö.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

2 Abhakörintö 7:2

Motohaane umweya mo-senkoro isyënyu, ko bhoora titwasarrya ömöntö wowonswe oora hë, taaho ono twaanyahaara ko engʼana nyabhorebhe, handë okomongʼaina.

Abhagharatia 3:2

Bhoono tigha mbabhööri-ko engʼana. Mwaanyöörrë Umwika Ömöhörëëru ko okoghera iya okoghoota amaraghërryö agha Mosa kasi n-ko okoghera ukwa ukwitegherra Amangʼana Amaiya agha Yëësu na okoghakumya?

Abhagharatia 3:5

Bhoono möntëëbhi, kanaa, Waryobha yaabhahaana Umwika Ömöhörëëru na okokora amakono mö-bhëënyu ko okoghoota amaraghërryö agha Mosa, kasi n-ko okoghera iya ukwitegherra Amangʼana Amaiya agha Yëësu na okoghakumya?

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhaëfësö 3:4

Hano moraasome amangʼana ghayö mbandëkëëyë, moratora okomanyërrya kya bhono öni manyirë ësëëmyö iyö, iya amangʼana agha Yëësu Kiristo.

Abhaëfësö 4:2

Mwihoote ko-ghonswe igho ghano mokokora, mobhe abhahaabhu, möghömërri na ököghömërrania ukwa okohanshana.

Abhaëfësö 4:32

Mokorrane amangʼana amaiya, mohanshane na mwabherane kya bhono Waryobha yaabhabhëëyë okohetera ku-Yëësu Kiristo.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

Abhakorosaai 2:3

Ku-Yëësu nko emongo iya imbumbure yonswe igho iya obhongʼaini na obhomanyi ërëngë.

Abhakorosaai 3:12

Bhoono ko bhoora m-baahorwa abha Waryobha mörë, kora na-bhahörëëru bhano ahanshirë, mobhe na enkoro iya amaabhë, eteemo inshiiya, ubhwihöötu, obhohaabhu, bheena öbhöghömërrya.

1 Abhatësarönikë 2:10

Bhëënyu mbo abhaimërërri abhëëtö, na Waryobha namanyirë igha, eteemo iyëëtö kö-bhëënyu abhakumya bharikyëtö, në-hörëëru yaarë, iya obhoheene, tetwatëmirwë amasoro hë.

1 Timoteo 4:12

Ömöntö wowonswe oora atakaakosera igha m-mumura ökërë, kasi okore omotono ughwa okobha ëkërëngyö ko abhakumya, ko bhoghambi ubhwaho, eteemo iyaaho, righonshe iryaho, umukumo ughwaho, otakaabha na risoro.

1 Timoteo 5:2

Abhakungu, obharaghërri kya hano waraghërrya bhanyakuwëënyu, na abhaisëkë, kya bhono okoraghërrya abhaisëkë abhëënyu. Ughinga orakora engʼana iyö kwa enkoro inshiiya.

2 Timoteo 3:10

Kasi uwe waaghoota-ko amëëghyö aghaane, eteemo iyaane, ësëëmyö iyaane, umukumo ughwane, na ököghömërrya ukwane,

2 Timoteo 4:2

Bhoono oraarekenga engʼana iya Waryobha na eno wisëëmëri okokora emeremo ighya Waryobha, ko-nkaagha eno amangʼana ghakughya bhuuya, na enkaagha eno ukunyoora ghasarëkirë. Okaaninga abhantö, obhahamerenga na okobhatogheka. Okorenga igho, kö ököghömërrya bhököngʼu na örëëghya.

Tiito 2:7

Uwe Tiito, ko amangʼana ghonswe igho, obhe ëkërëngyö ikya abhantö ökörëngya okokora amangʼana amaiya. Obhe ömöntö uwa obhoheene na ono onaghirë kö-mëëghyö aghaaho.

Yaakobho 3:17

Kasi, obhongʼaini bhono bhukurwa ku-Waryobha, m-buuya, mboona omorembe, na obhohaabhu, nkwitegherra bhörë bhuuya amangʼana agha abhantö. Obhongʼaini bhuyö, nkokora bhörë amangʼana amaiya, kora mboona ikyabhera, tebhoona ekeroterro, handë ubhwahöri ubhwa abhantö, handë ubhwihunaania.

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

1 Yohana 3:18

Bhëënyu abhaana abhaane abhaghonshe, totakaahanshana ko mangʼana agheene igho hë, kasi tohanshane këmwëkëmwë ko okokorrana ubhwa heene.