2 Abhakörintö 6:5 - Imuuma Eehya

⁵ Bhëëtö nkotemwa törë, nkobhohwa törë mo-kebhohe, nkokorrwa törë riihë, toona inyanko iya emeremo ëmëköngʼu, umweko, kora titukunyoora tero hë.

2 Abhakörintö 6:5 ပူးပေါင်းရင်းမြစ်များ

Mataayo 14:10

Abhasirikare bhakaghya mu-nyumba iya abhabhohe, bhakakenga Yohana righöti.

Mataayo 14:3

Herode yaaghambirë igho, ko bhoora yaaghöötirë Yohana, akamotoora mo-kebhohe. Yaamöbhöhirë ko okoghera iya amangʼana ghano Yohana yaaghambirë, agha Herode okoteta Herodia, na mbe kare hayö, Herodia m-mokwe uwa Herode yaarë, ko bhoora yaarenga atëtirwë na Firipö mura uwaabho Herode uyö.

Mataayo 9:15

Yëësu akabhahonshora igha, “Abhaghëndësya abha ömötëti, tebhakobhaabhayera enkaagha eno ukunyoora bharëngë hamwë na ömötëti. Kasi hano ömötëti ariruusibhwa mo-bhasaani abhaaye muyö, hayö bhoono ho abhasaani abhaaye bhareebhabhayera na ukwisasa ibhyakorya.

Amangʼana agha Abhatomwa 13:3

Ku bhuyö hano bhaamarrë ukwisasa ibhyakorya na okosaasaama Waryobha, bhakabhatoorra amabhoko, bhakabhatigha bhaghende.

Amangʼana agha Abhatomwa 14:19

Mbe, bhakaasha-ho Abhayahudi abhandë bhano bhaarwërëëyë Antiökia na Iköniö. Bhakangʼënërrya abhantö abha mu-mughi ughwa Risitira, bhakaghootana hamwë, bhakatema Pauro na amaghena. Bhakamungʼuura ukughya kebhara iya umughi, bharakanya igha nakuurë.

Amangʼana agha Abhatomwa 14:23

Pauro bhaana Bharinaabha bhakabha bharashaaghora abhaghaaka abhatangati abha ekanisa, mo-makanisa ghonswe igho ghano bhaahetanga-mo. Bhakaisasa ibhyakorya bharabhasabhera bharendwe na Omonene Yëësu ono bhaakumiri.

Amangʼana agha Abhatomwa 17:5

Kasi amangʼana ghayö ghakaghera Abhayahudi abhandë bhakabha na rikenge. Ku bhuyö bhakaghya mo-moteera, bhakakora inikö na abhantö abha eteemo engogho. Abhantö bhayö, bhakakora riihë rinene mu-mughi ghuyö. Bhakaghya yeeka wa Yasööni, bhakasoha mu-nyumba kwa nguru, bharatuna Pauro na Sira, okore bhabhahire mo-sango iya abhantö hayö.

Amangʼana agha Abhatomwa 20:31

Ku bhuyö, mwiyangarre! Muhiitenga igha, imyoka etatö gheno naikaayë hamwë na bhëënyu hano, naaraghërryanga kera ömöntö ubhutikö na omobhasö, kora nkuura amaisöri ghaheta.

Amangʼana agha Abhatomwa 23:10

Hano amangʼana ghaasöbhirë, omonene uwa abhasirikare akoobhoha igha, Pauro nanyaamuuribhwa. Akatëëbhya abhasirikare abhaaye igha, bhaibhumbure mo-Bhayahudi kwa nguru, okore bharuusi muyö Pauro, bhamuhire mo-bhogho ubhwa abhasirikare.

Amangʼana agha Abhatomwa 23:35

akatëëbhya Pauro igha, “Ikiina ikyaho, ndikitegherra hano abhashöngëri abhaaho bhariisha.” Ömötöngi uyö akaraghërrya igha, Pauro anaghibhwi mu-ghunyumba ughwa öbhötöngi ubhwa Herode.

Amangʼana agha Abhatomwa 24:27

Hano ghyaahööyë imyoka ëbhërë, Fëriki akateghera Porikio Fesito öbhötöngi. Kasi ko bhono Fëriki yaatunanga ukwihanshania ko-Bhayahudi, akatigha Pauro mo-kebhohe.

Amangʼana agha Abhatomwa 26:10

Amangʼana ghayö ngo naakörrë Yërusarëëmu haara. Naahaaywë ubhwera na abhanene abha abhasëngëri, ku bhuyö nkaghoota abhantö abhaaru abha Waryobha, nkabhatoora mo-kebhohe. Abhandë bhano bhaabhotorrwanga ibhiina igha bhaitwe, öni wonswe mo-bhabhötöri abha ibhiina bhiyö naarë.

Amangʼana agha Abhatomwa 26:29

Pauro akamohonshora igha, “Nkosaasaama ndë Waryobha igha, m-bono bhonswe ekaabha, ebhe igha kwa amangʼana amaaru handë make igho, tu-uwe umwene igho hë, kasi bhonswe igho bhano bhakunyitegherra hano bhoono igho, bhabhe kya bhono ndë, kasi bhatakaabhohwa ebheraangʼani kya bheno.”

Amangʼana agha Abhatomwa 28:30

Pauro akamara imyoka ëbhërë aikaayë mu-nyumba eno yaarenga apangirë-mo. Akabha arasërëënia muyö abhantö bhonswe igho bhano bhaamotaarranga.

Amangʼana agha Abhatomwa 5:18

Ku bhuyö, bhakaghoota abhatomwa bhayö, bhakabhabhoha mu-nyumba enene iya ekebhohe.

1 Abhakörintö 15:10

Kasi bhono ndëngë bhoono igho, n-ko okoghera ukwa örööbhö urwa Waryobha. Örööbhö urwaye ruyö ku-öni, te-rwa bhosa hë, ko bhoora rwaaghera naakora emeremo okokera abhandë bhonswe igho, te-ko obhotoro ubhwane umwene hë, kasi nö-rööbhö urwa Waryobha ruyö rörëngë hamwë na öni.

1 Abhakörintö 4:11

Kora bhoono, ntoona umweko na inyonta, twaghoterwa singibho, toratemwa sinkundi, nkoghendaghenda törë igho, tetoona ahasë aha okomenya hë.

1 Abhakörintö 7:5

Ömöntö atakaima murikyaye ko amangʼana agha abhantö bhakörö ghaara, kasi n-hano oraanyoore mwikererraini kwa ibhagha ike igho, okore mobhe na umweya ughwa okosaasaama. Hano mokomara, mukyorrane, okore Oghosambwa ghotakaabhashaasha.

2 Abhakörintö 11:27

Naakora emeremo ëmëköngʼu, na nkanyanka, inyanko iya ukwanga okoraara hare kaaru, inyanko iya okosengera na inyanko iya inyonta, naahika okobhorwa ibhyakorya hare kaaru, inyanko iya embeho na iya okobhorwa singibho.

Abhaëfësö 3:1

Ko okoghera iya amangʼana ghayö ngambirë, öni Pauro nëmböhirwë ko okokorra Kiristo Yëësu emeremo kö-bhëënyu Abhakyaro. Nkobhasabhera ndë ku-Waryobha.

Abhafiripi 1:13

Ko bhuyö bhonswe igho, abhasirikare abharëndi abha ughunyumba ughwa omokama, hamwë na abhantö abhandë bhonswe igho, mbaamanyirë ikibhuno ikya okobhohwa ukwane igha, n-ko bhoora nkutighinkanera Kiristo.

1 Abhatësarönikë 2:9

Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

1 Timoteo 4:10

Engʼana iyö, yo ekoghera toranyanka na torakora omotono ko-meremo, ko bhoora igha, Waryobha ömöhöru we tukwitengʼera. Uyö we Ömötöörya uwa abhantö bhonswe igho, ekenene m-Mötöörya uwa bhano bhakumukumya.

2 Timoteo 1:8

Mbe, bhoono otakaasooka ukwimererra amangʼana agha Omonene uwëëtö Yëësu Kiristo, handë okomaaha sënsöni ko bhoora igha öni mo-kebhohe ndë ko okoghera iya Omonene uwëëtö uyö. Kasi ghömërrya inyaanyi hamwë na öni, ko okoghera iya Amangʼana Amaiya, ku singuru seno okohaanwa na Waryobha.

2 Timoteo 2:9

Ko okoghera iya amangʼana ghayö, öni nkunyanka ndë, na nkobhohwa ndë na iminyorro kya ömöntö omoghogho. Kasi engʼana iya Waryobha yo tekobhohwa hë.

2 Timoteo 4:5

Kasi uwe Timoteo, wangarre ko amangʼana ghayö ghonswe igho. Öghömërri inyaanyi, okore emeremo ighya okoraareka Amangʼana Amaiya, okore bhuuya kö-bhököri ubhwaho bhonswe igho, ubhwa emeremo ighya Waryobha.

Abhaëbhuraania 11:36

Abhandë mbaasheerwanga na okotemwa na imishariti. Abhandë mbaabhöhirwë ebheraangʼani bhakatoorwa mo-kebhohe.

Abhaëbhuraania 13:17

Mwighwere abhatangati abhëënyu, kora mobhasooke. Bhayö n-senkoro isyënyu bhakunyankera, ko bhoora mbo bhareghamba amangʼana aghëënyu mbere iya Waryobha. Mobhaighwere, okore bhakorenga emeremo ighyabho bhashömëëywë. Bhatakaabhaabhayeranga, ko bhoora hano bharaabhaabhayere, timunyoore ehoorohooro yoyonswe igho hë.

Abhaëbhuraania 13:23

Nkutuna ndë momanye igha, Timoteo umukumya murikyëtö, yaahaaterwa ukurwa mo-kebhohe. Hano araangohe ukuusha hano, nendaashe nawe kö-bhëënyu iyö.

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.