2 Abhakörintö 6:4 - Imuuma Eehya

⁴ Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

2 Abhakörintö 6:4 ပူးပေါင်းရင်းမြစ်များ

Ruuka 21:19

Hano mörëghömërrya, ho mörëtööribhwa munyoore öbhöhöru.

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

Amangʼana agha Abhatomwa 2:22

Peetero akaghëndërrya okoghamba igha, “Bhëënyu bhare Abhaisiraëri, munyitegherre bhuuya! Waryobha yaatöörrë Yëësu uwa Nazarëëti harabhu igho bhöröngë bhwënyu, ko enshera iya amakono, na ebhemanyërryö ibhyaru mö-bhëënyu mono, ghayö mmoghamanyirë bhuuya.

Amangʼana agha Abhatomwa 20:34

Bhëënyu abheene mmomanyirë bhuuya igha, ko okokora emeremo na amabhoko aghaane, naaitoneranga öni umwene na bhano naarë hamwë nabho.

Amangʼana agha Abhatomwa 9:16

Nendaamwöröki kya igho araatundësibhwi bhököngʼu, ko okoghera iya iriina iryane.”

Abharuumi 14:18

Mbe, hano ömöntö akörëëyë igho Yëësu Kiristo, uyö nkötëghërya arë Waryobha, kora abhantö nkumwikërrya bharë.

Abharuumi 16:10

Mönkëërri Apere, ono yaashaashwa bhököngʼu kora akaikërribhwa na Yëësu Kiristo. Mönkëërri na abhantö abha Arisitobhuuro.

Abharuumi 3:5

Kasi abhantö abhandë bharatora okoghamba igha, “Ëbhëbhë ibhyëtö bhëëtö Abhayahudi, mbyo bhekoghera toramanya igha, Waryobha wa heene kö-bhöbhötöri ubhwaye ubhwa ibhiina. Kasi nyoore Waryobha nkutushibhya arë, ku bhuyö toghambe igha Waryobha te-wa heene kora hake hë?”

Abharuumi 5:8

Kasi Waryobha yaatwörökya igha natohanshirë bhököngʼu, ko okoreeta Yëësu Kiristo akwe ko okoghera iya bhëëtö, hano twaarenga abhaköri abha ëbhëbhë.

1 Abhakörintö 3:5

Mbe bhoono, Apöörö n-nawë? Na Pauro n-nawë? Bhayö m-baköri abha emeremo abha Waryobha bhano bhaaghërrë mokakumya Waryobha, kera ömöntö mo-bhayö, yaakörrë emeremo gheno yaahaanwa na Omonene.

1 Abhakörintö 4:1

Mbe, abhantö bhamanye igha, bhëëtö m-baköri abha emeremo abha Yëësu Kiristo törë, abharaarëki abha amangʼana agha ibhibhisirë ibhya Waryobha.

1 Abhakörintö 9:11

Hano twaabharaarëkëëyë amangʼana agha Yëësu Kiristo, ntwaarë kya bhano twaabhusuranga. Bhoono m-boghogho kë, hano toraanyoore ëbhëntö ukurwa kö-bhëënyu ibhya ökötötöörrya obhohabhë ubhwëtö, kya bhano tokoghesa?

2 Abhakörintö 11:23

Bhoono tigha ngambe kinyabhushuuru igha, nyoore abheene m-baköri abha emeremo abha Kiristo, öni nembahëtëërëëyë. Öni naakora omotono ughwa okokora emeremo okobhakera. Naatoorwa mo-kebhohe hare kaaru, naatemwa bhököngʼu imishariti, naahona ukukwa hare kaaru.

2 Abhakörintö 11:27

Naakora emeremo ëmëköngʼu, na nkanyanka, inyanko iya ukwanga okoraara hare kaaru, inyanko iya okosengera na inyanko iya inyonta, naahika okobhorwa ibhyakorya hare kaaru, inyanko iya embeho na iya okobhorwa singibho.

2 Abhakörintö 11:9

Enkaagha eno naarë na obhohabhë hano naarë kö-bhëënyu hayö, tenaritöhëëyë ömöntö wowonswe oora hë, ko bhoora abhakumya bharikyëtö bhano bhaaruurë Makedonia, mbaangʼaayë ëbhëntö bheno naatunanga. Nairebherranga, okore ntakaaritohera ömöntö wowonswe oora kö-bhëënyu, na kora ni-igho ndaaghëndërri okokora.

2 Abhakörintö 12:10

Ku bhuyö öbhötëntëëru ubhwane nkunshomera bhörë, hamwë na okotokwa, inyanko, amateeso, inyaanyi ko okoghera iya Kiristo, ko bhoora hano naabha ömötëntëëru, ho nkobha na singuru.

2 Abhakörintö 12:12

Hano naarë kö-bhëënyu hayö, naaiyörökëri igha, m-motomwa ndë, ko bhoora naakörrë amakono, ebhemanyërryö na amangʼana agha ököröghöörya kö ököghömërrya kwonswe igho.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 3:6

Uyö, we yaatokora tobhe abhaköri abha emeremo abha Imuuma Eehya, eno ikurwa ku-Mwika uwa Waryobha. Imuuma iyö, tërëngë igha na-maraghërryö ghano ghaandekwa hë, ko bhoora amaraghërryö ghano ghaandekwa, gho nu-ruku ghakoreeta, kasi Umwika uwa Waryobha, we nö-bhöhöru akoreeta.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

2 Abhakörintö 4:8

Nkunyanka törë kera ahasë, kasi tetokokerwa hë. Torahaha, kasi titukukwa emetwe hë.

2 Abhakörintö 7:11

Maaha! Okobhaabhayera kono kokoreeta keno Waryobha akutuna, kobhahaayë ehoorohooro enene. Okobhaabhayera kuyö, köghërrë mobhaayë na omotono ughwa okokora ghano ghakutunwa, na ukwikoorerra ko ghano mokokora, igha na-agha obhoheene. Okobhaabhayera kuyö, kobhakörrë mörëghirë amangʼana amaghogho, mösöökirë Waryobha, mobhaayë na amaigha agha okommaaha, na okomaaha igha, ömöntö uyö yaasarya, arashibhibhwa. Ko amangʼana ghayö ghonswe igho, momaahekaini igha, temoona isoro ryoryonswe reera ko amangʼana ghayö.

Abhakorosaai 1:11

Torabhasabhera igha, Waryobha abhatöörringa ku singuru isya ubhuhika ubhwaye, okore möghömërringa ghonswe igho motakaarosa. Mushomerwenga

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

1 Abhatësarönikë 3:7

Abhakumya bharikyëtö, amangʼana agha umukumo ughwënyu, ghatöghëkirë senkoro isyëtö ku-nyanko eno twaarë nayo.

1 Abhatësarönikë 5:14

Abhakumya bharikyëtö, torabhasaasaama igha, mokaaninga abhooro na okotogheka bhano bhaakwa emetwe. Ghwiki motoghekenga bhano bhataana singuru na ököghömërrya abhantö bhonswe igho.

1 Timoteo 2:15

Kasi abhakari, ukwebhora ukwabho nkwo korebhatöörya, hano bharaaghëndërri okobha na umukumo, righonshe, öbhöhörëëru na okobha na eteemo inshiiya.

1 Timoteo 4:6

Hano örëëghi abhakumya amangʼana ghano, noraanyoore orakorra Kiristo Yëësu emeremo ubhwa heene, kora noraanyoore wëghiibhwi bhuuya ku umukumo na ko amëëghyö amaiya ghano waaghoota.

1 Timoteo 6:11

Kasi bhoono uwe ömöntö uwa Waryobha, ni-igha ongʼose amangʼana ghayö. Oghoote-ko amangʼana agha heene, osooke Waryobha na obhe na umukumo, righonshe, öghömërri na wihoote.

2 Timoteo 1:8

Mbe, bhoono otakaasooka ukwimererra amangʼana agha Omonene uwëëtö Yëësu Kiristo, handë okomaaha sënsöni ko bhoora igha öni mo-kebhohe ndë ko okoghera iya Omonene uwëëtö uyö. Kasi ghömërrya inyaanyi hamwë na öni, ko okoghera iya Amangʼana Amaiya, ku singuru seno okohaanwa na Waryobha.

2 Timoteo 2:24

Ghwiki tiyingʼarëëyë igha ömököri uwa emeremo uwa Omonene Waryobha abhe umutindi. Kasi abhe ömöghömërrya, omohaabhu ko-bhantö bhonswe igho, kora abhe ömöntö ono aana obhotoro ubhwa ukwëghya.

2 Timoteo 4:5

Kasi uwe Timoteo, wangarre ko amangʼana ghayö ghonswe igho. Öghömërri inyaanyi, okore emeremo ighya okoraareka Amangʼana Amaiya, okore bhuuya kö-bhököri ubhwaho bhonswe igho, ubhwa emeremo ighya Waryobha.

Abhaëbhuraania 12:1

Mbe, ko bhoora rikomo rinene riyö irya abhaimërërri nditwinaarrë igho, turuusi-ho kera engʼana eno ekotorebherra, na ëkëbhë keno kikwangoha ukutwitanga. Tokenye kö ököghömërrya mu-rikenya reno Waryobha yaatotoorra-ho.

Okohonyora 1:9

Öni nö-öni Yohana umukumya murikyënyu. Nkötöörrania ndë hamwë na bhëënyu ököghömërrya inyanko ko okoghera iya Yëësu na Obhokama ubhwaye. Öni naarëbhërrëëywë kwi-ghinga reno rekobherekerwa igha Paatimo. Naarëbhërrëëywë iyö, okore igha, ntakaaraareka engʼana iya Waryobha na ntakaimererra amangʼana agha Yëësu.

Okohonyora 3:10

Enkaagha iya inyanko niriisha ko-kebhara kyonswe igho, na abhantö bhonswe igho mbarishaashwa. Kasi bhëënyu, nendebharenda ko-nkaagha iyö, ko bhoora mwaaghömërrya inyaanyi kya bhoora naabharaghërrëëyi.