2 Abhakörintö 6:3 - Imuuma Eehya

³ Tetokokorra ömöntö wowonswe igho engʼana yoyonswe iya ukumutimba, okore emeremo ighyëtö, ghetakaaghambwa bhoghogho.

2 Abhakörintö 6:3 ပူးပေါင်းရင်းမြစ်များ

Mataayo 17:27

Kasi bhoono totakaaghera abhantö bhano bharerre, uwe kaghi ku-nyansha öröbhi. Inswë iya mbere eno oraaröbhi, ughyasami umunywa, noraanyoore-mo ehera, ogheghe, oghende oghoote righööti, iryane bheena iryaho.”

Mataayo 18:6

“Kasi hano ömöntö araakore omoona ömwë mo-bhaana abhake bhano bhakunkumya asire, kora akore ëbhëbhë, nyakara ömöntö kya uyö, abhoherwe mö-bhëghöti oroghena oronene urwa okoseera, atabhutwe mu-bhuribha ghatë.

Amangʼana agha Abhatomwa 19:27

Obhoghogho ubhwa engʼana iyö ni-igha, emeremo ighyëtö gheno, ngeserwa. Kora risengerro irya risambwa iryëtö rikari, Aritëmi rinene, ryonswe nderaaserwe. Kora Aritëmi umwene wonswe taabhe na ubhuhika ubhwaye hë, na we akosengerrwa ku-kyaro keno ikya Asia Enke, kora na ko-kebhara kyonswe igho.”

Abharuumi 14:13

Ku bhuyö ni-igha, tutighe okotemana amasoro, kora totakaakora kyokyonswe igho, keno keraakore umukumya murikyëtö aituuretuure, handë ikya okoghera akore ëbhëbhë.

1 Abhakörintö 9:12

Hano okomaaha abhandë mbaingʼarëëyë okohaanwa ëbhëntö ukurwa kö-bhëënyu, bhoono bhëëtö bho titwingʼarëëyi bhököngʼu okohaanwa ëbhëntö bhiyö okokera bhayö? Kasi tetwasabha ëbhëntö bheno twingʼarëëyi ukunyoora, nköghömërrya törë amangʼana ghonswe igho, okore totakaarebherra abhantö ukukumya Amangʼana Amaiya agha Yëësu Kiristo.

1 Abhakörintö 9:22

Ko bhanyamukumo mötëntëëru, nkabha kya ono neena umukumo mötëntëëru, okore mbatöörri. Naakora ghayö ghonswe igho, ko-bhantö bhonswe igho, okore kwa nshera yoyonswe eera, ntööri abhandë mo-bhantö bhayö.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 8:20

Nkutuna törë twitashe hare na risoro ryoryonswe reera, irya emeremo gheno, ighya ökösërëënia abhantö.