2 Abhakörintö 6:18 - Imuuma Eehya

¹⁸ Kora nendaabhe Suwëënyu, na bhëënyu moraabhe abhaana abhaane, abha ikishaasha na abha ekekari. Ni-igho Omonene Waryobha uwa obhotoro bhwonswe igho akoghamba.”

2 Abhakörintö 6:18 ပူးပေါင်းရင်းမြစ်များ

Yohana 1:12

Kasi abhantö bhonswe igho bhano bhaamukumiri, yaabhakörrë bhabhe abhaana abha Waryobha.

Abharuumi 8:19

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

Abharuumi 8:29

Waryobha yaamanyirë abhantö abhaaye kora ataraabhomba ekebhara. Bhayö mbo yaashaaghööyë bhabhe kya bhono Omoona uwaaye Yëësu Kiristo arë. Yaakörrë igho, okore Omoona uwaaye Yëësu Kiristo uyö, abhe omotangi ko-bhakumya abhaaru abha Waryobha.

Abhagharatia 3:26

Ku bhuyö bhëënyu bhonswe igho m-baana abha Waryobha mörë okohetera ku umukumo, ko bhoora igha, moghootaini na Kiristo Yëësu.

Abhaëfësö 1:5

yaasëëmëri ukurwa kare igha atokore tobhe abhaana abhaaye. Yaakörrë igho, ko okohetera ko keno Yëësu Kiristo yaakörrë, ni-igho yaatunirë igha akore, na engʼana iyö ekamushomera.

Okohonyora 1:8

Omonene Waryobha araghamba igha, “Öni nö-öni Esemoko na Umuhiko. Öni ho ndë, ho naarë ukurwa okosemoka, nanyabhoono ho ndë. Nö-öni neena obhotoro bhwonswe igho.”

Okohonyora 21:22

Mu-mughi muyö tenaarööshë-mo inyumba iya Waryobha hë, ko bhoora Omonene Waryobha uwa obhotoro bhwonswe igho na Omoona Ringʼöndi mmu-mughi muyö bhamënyirë. Ku bhuyö inyumba iya Waryobha teena ubhwera hë.

Okohonyora 21:7

Ömöntö wowonswe ono araakere, nendaamohaane ghayö ghonswe igho. Naraabhe omoona uwaane, na öni wonswe nendaabhe Waryobha uwaaye.