2 Abhakörintö 6:16 - Imuuma Eehya

¹⁶ M-borengerrania kë bhooho, inyumba iya Waryobha na ëbhëtöndö? Bhëëtö mbo inyumba iya Waryobha ömöhöru! N-kya bhoora Waryobha yaaghambirë igha, “Nendaabhenga ghatë iyaabho, ndaghenda hamwë nabho. Nendaabhe Waryobha uwaabho, na abheene bhonswe mbaraabhe abhantö abhaane.”

2 Abhakörintö 6:16 ပူးပေါင်းရင်းမြစ်များ

Mataayo 16:16

Simööni Peetero akamohonshora igha, “Nu-uwe Kiristo, Omoona uwa Waryobha ömöhöru.”

Mataayo 6:24

Yëësu akaghëndërrya okoghamba igha, “Taaho ömöntö ono akotora okokorra emeremo abhanene bhabhërë ko-nkaagha ëmwë. Hano araakore igho, naraareghe ömwë, ahanshe uwöndë. Handë aghootane na ömwë, asere uwöndë. Ighoigho na kö-bhëënyu bhonswe, timwikarre ubhutuni ubhwa ëbhëntö, na eno moratuna okokorra Waryobha emeremo.”

Ruuka 5:36

Yëësu akabharëngërya ëkërëngyö ikyëndë igha, “Taaho ömöntö ono akotandora eketati ku-ngibho eehya, okore aketomere ku-ngibho ëngötu. Hano araakore igho, naraasari ingibho eehya eera na eketati ikya ingibho eehya eera, ti-kituubhane na ingibho ëngötu hë.

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 6:56

Ömöntö ono akorya ömöbhërë ughwane na ukunywa amaanyinga aghaane, uyö nköghëndërrya arë okobha na öbhömwë na öni na öni wonswe nköghëndërrya ndë okobha öbhömwë nawe.

Abharuumi 8:11

Umwika Ömöhörëëru ono amënyirë mo-senkoro isyënyu, uyö we Umwika uwa Waryobha ono yaaryökëri Kiristo Yëësu. Ku bhuyö Waryobha nariryökya ëmëbhërë ighyënyu gheno ghikukwa ko okohetera obhotoro ubhwa Umwika Ömöhörëëru uyöuyö.

Abharuumi 8:9

Kasi bhoono bhëënyu, temokotongwa na esemoko iya öbhököri ubhwa ëbhëbhë hë, nu-Mwika uwa Waryobha ono amënyirë mo-senkoro isyënyu, we akobhatangata. Momanye igha, ömöntö wowonswe ono ataana Umwika uwa Yëësu Kiristo mo-nkoro iyaaye, uyö te-mosoorani uwa heene uwa Yëësu Kiristo hë.

Abharuumi 9:26

Ghwiki ni-igha, “Haara bhaatëëbhiibhwi igha, ‘Bhëënyu te-bhantö abhaane mörë hë,’ hayöhayö ho bharëtëbhibhwa igha, ‘Bhëënyu na-bhaana abha Waryobha ömöhöru.’”

1 Abhakörintö 10:21

Temotore okosanga ko-meeza iya Omonene uwëëtö, na eno morasanga ko-meeza iya amasambwa.

1 Abhakörintö 6:19

Kasi, temomanyirë igha, ëmëbhërë ighyënyu ngyo inyumba iya Waryobha, mono amënyirë Umwika Ömöhörëëru ono mwaahaanwa na Waryobha? Tëghërëngë ighyënyu hë,

Abhaëfësö 2:20

Bhëënyu mobhaayë kya inyumba eno yaahaghaashwa ku-musingi, na umusingi ghuyö, na-bhatomwa na abharööti, na Kiristo Yëësu umwene n-kya reghena irya mo-koona iya umusingi ghuyö.

Abhaëfësö 2:22

Ko bhoora mwabha na öbhömwë na Yëësu Kiristo, nkokomwa mörë hamwë na Abhakiristo abhandë, okore mobhe inyumba eno Waryobha araamenye-mo ko okohetera Umwika Ömöhörëëru uwaaye.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

1 Timoteo 3:15

Kasi hano ndaateghete, unyoore omanyërrëëyi bhono Waryobha akutuna abhantö abhaaye bhabhe. Abhantö bhayö, mbo ekanisa iya Waryobha ömöhöru, na ekanisa, yo intimö na umusingi ughwa obhoheene.

2 Timoteo 1:14

Amangʼana amaiya ghano waatëëbhibhwa, ogharende ku singuru isya Umwika Ömöhörëëru ono arëngë mö-bhëëtö.

Abhaëbhuraania 3:6

Kasi Yëësu Kiristo, we n-kya Omoona uwa heene ono aana ubhwera ko-mangʼana agha inyumba iya Waryobha. Inyumba iyö, m-bëëtö, hano toraaghëndërri okobha abhakarë na okonagha bhuuya ko-keno tukwesegha.

Abhaëbhuraania 8:10

Imuuma Eehya, eno ndekora na Abhaisiraëri ko-nkaagha iyö ikuusha, yo eno, nendetoora amaraghërryö aghaane mo-maitegherro aghaabho, nendeghaandeka mo-senkoro isyabho. Hayö ho ndebha Waryobha uwaabho, nabho mbarebha abhantö abhaane. Ni-igho Omonene Waryobha akoghamba.

Yaakobho 4:5

Kasi nkokanya mörë igha, Amaandeko Amahörëëru m-bosa ghakoghamba igha, Umwika ono Waryobha yaatohaana araighwa öbhörrö bhököngʼu?

1 Peetero 2:5

Momanye igha, bhëënyu bhonswe n-kya amaghena amahöru mörë, mwahaghaashwa mobhe inyumba ëhörëëru. Ghwiki nkobhakora arë mobhe abhasëngëri bhano bhaahööywë okokora ibhimwenso ëbhëhörëëru, bheno bhikushomera Waryobha okohetera ku-Yëësu Kiristo.

1 Yohana 4:12

Taaho ömöntö ono yaakarööshë Waryobha hë. Kasi hano toraahanshane, Waryobha nkobha arë na öbhömwë na bhëëtö, na righonshe iryaye, nkohekerana rërë mö-bhëëtö.

1 Yohana 4:15

Ömöntö wowonswe igho ono akwikërrya igha, Yëësu Kiristo m-Moona uwa Waryobha, uyö naana öbhömwë na Waryobha, na Waryobha wonswe, naana öbhömwë na ömöntö kya uyö.

Okohonyora 2:1

Ömöntö uyö arëngë kya m-Moona uwa Ömöntö akaghëndërrya ököntëëbhya igha, “Andekera maraika uwa ekanisa iya Ëfësö, ömötëëbhi igha, Ghano ngo nkoghamba öni ono ngötërrëëyë sinyota muhungatë mo-kobhoko ukwane ukwa bhoryo. Öni nö-öni nkoghenda ghatëghatë iya ebhetangora muhungatë ibhya esahaabhu bheera ibhya okotoora-ko setara. Mwitegherre ghano nkobhatëëbhya.

Okohonyora 21:3

Nkaighwa engamba enene, erarwera ku-kitumbë ikya ekekama eraghamba igha, “Taighwa! Waryobha hamwë amënyirë na abhantö abhaaye. Naraaikare hamwë nabho. Mbaraabhe abhantö abhaaye, wonswe naraabhe Waryobha uwaabho.

Okohonyora 21:7

Ömöntö wowonswe ono araakere, nendaamohaane ghayö ghonswe igho. Naraabhe omoona uwaane, na öni wonswe nendaabhe Waryobha uwaaye.