2 Abhakörintö 6:14 - Imuuma Eehya

¹⁴ Motakaaghootana na abhantö bhano bhatarëngë abhakumya. Mwaakarööshë igha, obhoheene na öbhötëëyu bherarengerrania? Handë obhorabhu na ikisuntë bheraikarana hamwë?

2 Abhakörintö 6:14 ပူးပေါင်းရင်းမြစ်များ

Yohana 7:7

Abhantö abha ko-kebhara kono, tebhaana ikibhuno keno keraaghere bhabhareghe hë, kasi öni bharaandegha, ko bhoora nkobhatëëbhya igha, amangʼana aghaabho m-maghogho.

Amangʼana agha Abhatomwa 4:23

Hano Peetero na Yohana bhaahaatëëywë, bhakakyora ko-bhakumya bharikyabho, bhakabhatëëbhya amangʼana ghonswe ghano bhaatëëbhiibhwi na abhanene abha abhasëngëri, na abhaghaaka abha Ikiyahudi.

1 Abhakörintö 10:21

Temotore okosanga ko-meeza iya Omonene uwëëtö, na eno morasanga ko-meeza iya amasambwa.

1 Abhakörintö 15:33

Mwangarre, motakangʼainwa, “Ishumaasho engogho, nkosarya ërë eteemo iya ömöntö.”

1 Abhakörintö 5:9

Naabhandekera mu-ritashandighi iryane igha, motakaaghootana hamwë na abhasooraare.

1 Abhakörintö 6:6

N-kwakë motakwahokania ibhiina ibhyënyu abheene? Nkoroghoora ndë igha nkughya mörë ukushongerana ko-bhantö bhano bhatakukumya Waryobha!

1 Abhakörintö 7:39

Omokari ono atëtirwë, nabhöhirwë na amaraghërryö agha öbhötëti, ko-nkaagha yonswe igho, eno ukunyoora mushaasha uwaaye ataraakwa. Kasi hano mushaasha uwaaye araakwe, hayö nkobha arë ömötöönööni, aratora okotetwa na ömöntö wowonswe igho, ono akutuna, kasi ömötëti uyö, abhe Umukiristo.

Abhafiripi 2:15

okore mobhe abhaana abharöngë abha Waryobha, bhano bhataana risoro. Ghwiki bhano motakoghambwa bhoghogho mo-bhantö abha reero eno, bhano bhaishora amaghogho na obhorangara. Bhëënyu momaahekane mo-bhantö bhayö, kya emerengaari gheno ghëkömërëkya ekebhara.

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.