2 Abhakörintö 6:13 - Imuuma Eehya

¹³ Bhoono nkushumaasha ndë na bhëënyu kya ono nkushumaasha na abhaana abhaane, ndabhatëëbhya igha, mobhe na righonshe rinene kö-bhëëtö, kya bhono bhëëtö toona righonshe rinene kö-bhëënyu.

2 Abhakörintö 6:13 ပူးပေါင်းရင်းမြစ်များ

Maariko 11:24

Ku bhuyö ndabhatëëbhya igha, hano mwasaasaama na okosabha kyokyonswe keera, mukuminga igha, mukinyöörrë, hayö ho moraakinyoore.

Abhagharatia 4:12

Abhakumya bharikyëtö, nkobhasaasaama ndë igha, mobhe abhatöönööni kya öni, ko bhoora öni wonswe kare haara n-kya bhëënyu igho naarë. Kasi, temwankörëëyë obhoghogho bhwobhwonswe igho hë.

Abhagharatia 4:19

Abhaana abhaane, kya bhoora omokari uwa enda akunyanka na ebhesa ko-nkaagha iya ukwebhora, öni wonswe ni-ighoigho nkwiyighwa. Nendaaghëndërri ukwiyighwa igho, okohekera hano eteemo iya Kiristo eremaahekana mo-teemo iyëënyu.

1 Abhatësarönikë 2:11

Ghwiki mmomanyirë igha, enkaagha iyö twaarenga hamwë na bhëënyu, ntwaabhakorranga kya bhono omoghaaka akokorra abhaana abhaaye.

1 Yohana 2:1

Bhëënyu abhaana abhaane abhaghonshe, nkobhandekera ndë amangʼana ghano, okore motakaakora ëbhëbhë. Kasi ömöntö wowonswe igho hano araakore ëbhëbhë, amanye igha ntoona ono akotosabhera ko-Taata Waryobha. Uyö we Yëësu Kiristo, ömöntö uwa heene.

1 Yohana 3:18

Bhëënyu abhaana abhaane abhaghonshe, totakaahanshana ko mangʼana agheene igho hë, kasi tohanshane këmwëkëmwë ko okokorrana ubhwa heene.

1 Yohana 3:7

Bhoono abhaana abhaane abhaghonshe, motakaikërrya ömöntö wowonswe igho abhangʼaine. Ömöntö wowonswe ono akokora amangʼana agha obhoheene, uyö m-möntö uwa heene ku-Waryobha kya bhono Yëësu Kiristo arëngë uwa heene.

3 Yohana 1:4

Teeho engʼana eno ikunshomera bhököngʼu, okokera ukwighwa amangʼana igha, abhaana abhaane abha ku-mukumo, nköghëndërrya bharë bhuuya okobha na öbhömënyi ubhwa heene.