2 Abhakörintö 6:11 - Imuuma Eehya

¹¹ Bhare Abhakörintö, tobharaghërrëëyi bhuuya, ku righonshe rinene, kora tetobhabhisirë ngʼana hë.

2 Abhakörintö 6:11 ပူးပေါင်းရင်းမြစ်များ

Amangʼana agha Abhatomwa 18:1

Hano amangʼana ghayö ghaahööyë, Pauro akarwa Atene hayö, akaghya mu-mughi ghono ghwaabherekerwanga igha Körintö.

Amangʼana agha Abhatomwa 18:8

Omonene uwa inyumba iya esango iyö, ono yaabherekerwanga igha Kirisipo, hamwë na abhantö abhaaye bhonswe igho, bhakakumya Omonene Yëësu. Abhakörintö abhaaru bhano bhaaitegherranga Pauro, bhonswe mbaakumiri, bhakabhatiisibhwa.

2 Abhakörintö 12:15

Öni nendaashomerwe ukuruusya ëbhëntö ibhyane, na ukwiruusya öni umwene, okore mbatöörri. Kasi bhoono, nkomaahekana ërë igha, enkaagha eno öni nköghëndërrya okobhahansha bhököngʼu, ho bhëënyu mukusuuhya righonshe iryënyu ku-öni.

2 Abhakörintö 2:4

Naabhandëkëëyë ritashandighi reera ko okoghera ukwa inyanko na inyaanyi indito iya amaisöri amaaru këmwë eno naarë nayo mo-nkoro iyaane. Keno naatunanga, ti-igha mobhaabhayere mo-senkoro isyënyu hë, kasi naatunanga momanye kya bhono mbahanshirë bhököngʼu.

Abhagharatia 3:1

Bhëënyu bhare Bhagharatia, m-bakangi mörë! Nawë yaabharogha? Rëndë mbe naabharaghërrëëyi bhuuya amangʼana agha Yëësu Kiristo kya igho yaahanëkirwë ko-mosarabha.

Abhagharatia 4:12

Abhakumya bharikyëtö, nkobhasaasaama ndë igha, mobhe abhatöönööni kya öni, ko bhoora öni wonswe kare haara n-kya bhëënyu igho naarë. Kasi, temwankörëëyë obhoghogho bhwobhwonswe igho hë.

Abhaëfësö 6:19

Monsaasaamere na öni wonswe, okore Waryobha angʼaane amangʼana amaiya agha okoghamba enkaagha yoyonswe igho, eno ukunyoora ndashumaashera amangʼana agha Yëësu Kiristo, ndaghërri abhantö kö obhokarë, obhoheene bhono bhörëngë mo-Mangʼana Amaiya, bhaghamanye.

Abhaëfësö 6:8

Momanye igha, Omonene narituha abhantö bhonswe igho, ko amangʼana amaiya ghonswe igho ghano abhatöönööni handë abhaghorwa bhaakora.

Abhafiripi 1:8

Waryobha namanyirë igha no-bhoheene nkoghamba, hano nakangʼasërrya igha, nkwighomba ndë okomaahana na bhëënyu ghwiki. Nembahanshirë ku righonshe reerareera Kiristo Yëësu abhahanshirë.

Abhafiripi 4:15

Bhëënyu Abhafiripi momanyirë igha, enkaagha eno mwaaighuurë urwa mbere Amangʼana Amaiya ghano naabharaarëkëëyë, hano naaruurë mo-mokowa ughwënyu ughwa Makedonia, ekanisa iyëënyu iyeene igho, yo yaghootaini na öni ko amangʼana agha okohaahenerana.

Okohonyora 22:12

Yëësu araghamba igha, “Itegherra! M-böngö ndaashe. Nkuusha ndë na rihaki irya kera ömöntö, ko okorengʼaana na bhono yaakora.