2 Abhakörintö 5:5 - Imuuma Eehya

⁵ Waryobha we yaatösëëmya ko okoghera iya amangʼana ghayöghayö, kora we yaatohaana Umwika uwaaye, okore abhe ekebhete ikya ukwörökya igha, keno yaaraghania, nkerebha.

2 Abhakörintö 5:5 ပူးပေါင်းရင်းမြစ်များ

Abharuumi 8:23

Ti-igha në-bhëntö bhiyö ibhyene igho mbyo bhikukuura hë. Kasi kora na bhëëtö bhonswe, bhano twaahaanwa Umwika Ömöhörëëru, okore tuwonshi ubhuuya bhono torehaanwa, nkukuura törë mo-senkoro isyëtö. Waryobha we tokoghanya, atohaane ubhwera bhwonswe igho ubhwa okobha abhaana abhaaye. Keno nkoghamba ni-igha, atutunguri, ëmëbhërë ighyëtö ghebhe emehya.

2 Abhakörintö 1:22

Waryobha, we yaatomaameka umuhuri ughwaye, kora akatohaana Umwika Ömöhörëëru mo-senkoro isyëtö, abhe ekebhete ikya ghonswe igho ghano aretohaana.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

1 Yohana 3:24

Ömöntö wowonswe igho ono akwighwera imighiro ighya Waryobha, uyö naana öbhömwë nawe. Waryobha wonswe naana öbhömwë na ömöntö kya uyö. Ntomanyirë igha, Waryobha naana öbhömwë na bhëëtö, ko okohetera Umwika Ömöhörëëru ono yaatohaana.