2 Abhakörintö 5:19 - Imuuma Eehya

¹⁹ Nkwo okoghamba igha, Waryobha yaaighwerranianga abhantö nawe, ko okohetera ku-Yëësu Kiristo, atakobhabharra obhosarya ubhwabho. Kora ghwiki atohaayë emeremo ighya okoraareka amangʼana ghayö agha ubhwighwerrani.

2 Abhakörintö 5:19 ပူးပေါင်းရင်းမြစ်များ

Mataayo 1:23

“Tamaaha, omokari intindë narimökya enda, eebhore omoona uwa ikishaasha! Narerokwa iriina igha Emanueri.” Ensonga iyaako igha, “Waryobha hamwë arë na bhëëtö.”

Yohana 14:20

Urusikö roora hano rurihika, hayö ho moremanya igha, öni m-mönsë iya Taata ndë, na bhëënyu bhonswe m-mönsë iyaane mörë, na öni m-mönsë iyëënyu ndë.

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Abharuumi 11:15

Ko bhoora igha, hano Abhaisiraëri bhaangirë Ömötöörya, Waryobha wonswe akabhanga, akaighwerrana na Abhakyaro. Ku bhuyö hano ghwiki Waryobha ariikërrya Abhaisiraëri, nerebha igha, n-kya hano abhaku bharyökirë!

1 Abhakörintö 13:5

Ömöntö uwa righonshe, taana ekemoghoro hë, takwitegherra na ukutuna amangʼana aghaaye agheene igho hë, takorerra bhöngö hë, handë okobheeka mo-nkoro iyaaye amangʼana amaghogho ghano abhantö bhakomokorra.

Abhakorosaai 2:9

Ngambirë igho ko bhoora obhoheene bhonswe igho ubhwa Waryobha nku-Kiristo bhokomaaherwa kinyamöbhërë.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.