2 Abhakörintö 5:18 - Imuuma Eehya

¹⁸ Mbe, ghonswe igho ghayö, nku-Waryobha ghakurwa, ko bhoora we yaatoma Yëësu Kiristo, okore atwighwerrani na Waryobha umwene. Na bhëëtö bhonswe atohaayë emeremo ighya okoraareka engʼana, okore abhantö bhaighwerrane na Waryobha.

2 Abhakörintö 5:18 ပူးပေါင်းရင်းမြစ်များ

Ruuka 10:5

“Inyumba yoyonswe eno moraasohe-mo, mobhakëëri igha, ‘M-morembe bhamurë.’

Ruuka 24:47

Ko-maraghërryö aghaane, na ku ubhwera ubhwane, amangʼana ghano, ngareraarekwa ko-bhantö abha ibhyaro bhyonswe igho, ukusimirya Yërusarëëmu. Amangʼana ghayö, na-agha abhantö okohongora ëbhëbhë ibhyaho, okore bhaabherwe.

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Yohana 3:27

Yohana akabhahonshora igha, “Taaho ömöntö ono akotora ukunyoora ëkëntö kyokyonswe igho, hano atahaaywë na Waryobha.

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

Abharuumi 11:36

Ko bhoora Waryobha we yaabhomba ëbhëntö bhyonswe igho, ëbhëntö bhyonswe nku-mwene bhikurwa, ëbhëntö bhyonswe igho höbhërë ko okoghera iya obhotoro ubhwaye. Ubhuhika nu-bhwaye amakora ghonswe igho. Amina.

Abharuumi 5:1

Mbe, Waryobha atobharrë igha m-ba heene törë, ko okoghera iya umukumo ughwëtö. Ku bhuyö ntoona omorembe ku-Waryobha ko okohetera ko-Monene uwëëtö Yëësu Kiristo.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 11:12

Mbe, kya bhoora ërëngë igha omokari yaabhömbirwë ukurwa ku-mushaasha, kora umushaasha wonswe nkwebhorwa arë na omokari. Ëbhëntö bhyonswe igho nku-Waryobha bhikurwa.

1 Abhakörintö 12:6

Kora emeremo ghyonswe ngeeho ighya seteemo nsharu, kasi Waryobha nö-ömwë uyöuyö, we akokora emeremo ghyonswe igho mo-bhantö bhonswe igho.

1 Abhakörintö 3:5

Mbe bhoono, Apöörö n-nawë? Na Pauro n-nawë? Bhayö m-baköri abha emeremo abha Waryobha bhano bhaaghërrë mokakumya Waryobha, kera ömöntö mo-bhayö, yaakörrë emeremo gheno yaahaanwa na Omonene.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

Abhakorosaai 1:22

Kasi bhoono Waryobha yaabhaighwerrania nawe, ko okohetera ukukwa ukwa Kiristo. Yaakörrë igho, okore igha abhareete mbere iyaaye mörëngë abhahörëëru, motaana imbuura handë risoro ryoryonswe reera.

Abhaëbhuraania 2:17

Ku bhuyö kiyö nkyo kyaaghërrë akabha kya abhahiiri abhaaye, ko amangʼana ghonswe igho, okore abhe Omonene uwa abhasëngëri uwa ikyabhera ono arëngë uwa heene ko okokora emeremo ighya Waryobha. Ömösëngëri uyö, we yaakörrë ikimwenso, okore abhantö bhaabherwe ëbhëbhë ibhyabho.

Yaakobho 1:17

Ëkëntö ikiiya kyokyonswe keno tokohaanwa, mu-ryobha kikurwa, ku-Waryobha Ömöbhömbi uwa emerengaari. We takwisyöryasyörya kya ikiiriiri hë.

1 Yohana 2:2

Uyö we ikimwenso ikya ukutwighwerrania na Waryobha ku ukuruusya-ho ëbhëbhë ibhyëtö. Ghwiki të-bhëbhë ibhyëtö ibhyene igho hë, kasi kora na ëbhëbhë ibhya abhantö bhonswe igho abha ko-kebhara kono.

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.